ກອງປະຊຸມຂຽນເນື້ອໃນປື້ມຄູ່ມືວຽກງານຈົດໝາຍເຫດທາງລັດຖະການທີ່ ໂຮງແຮມ ເລີ ທາດຫຼວງ, ນະຄອນຫຼວງວຽງຈັນ

Primary tabs

          ກອງປະຊຸມຂຽນເນື້ອໃນປື້ມຄູ່ມືວຽກງານຈົດໝາຍເຫດທາງລັດຖະການ ໄດ້ຈັດຂຶ້ນໃນຕອນເຊົ້າຂອງວັນທີ 13 ກັນຍາ 2021 ທີ່ໂຮງແຮມ ເລີ ທາດຫຼວງ, ນະຄອນຫຼວງວຽງຈັນ; ໂດຍການເປັນປະທານຂອງ ທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ; ມີຮອງຫົວໜ້າກົມ, ຜູ້ຕາງໜ້າບັນດາກົມ, ຕາງໜ້າໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ ຫຼື LBE ພ້ອມດ້ວຍຄະນະຮັບຜິດຊອບສ້າງປື້ມຄູ່ມືວຽກງານຈົດໝາຍເຫດທາງລັດຖະການ ເຂົ້າຮ່ວມ.
อาจเป็นรูปภาพของ 2 คน, ผู้คนกำลังยืน และสถานที่ในร่ม
          ຈຸດປະສົງ ເພື່ອຄົ້ນຄວ້າ, ປຶກສາຫາລື ແລະ ຂຽນເນື້ອໃນໃສ່ແຕ່ລະຫົວຂໍ້ຂອງໂຄງຮ່າງປຶ້ມຄູ່ມືວຽກງານຈົດໝາຍເຫດທາງລັດຖະການ ເພື່ອໃຫ້ມີຄວາມສົມບູນ ແລະ ສອດຄ່ອງກັບສະພາບການຈັດຕັ້ງປະຕິບັດວຽກງານຕົວຈິງ ເຮັດໃຫ້ຜູ້ຄຸ້ມຄອງ ແລະ ຜູ້ປະສານງານຂອງພາກສ່ວນຕ່າງໆ ແຕ່ສູນກາງລົງຮອດທ້ອງຖິ່ນໃນຂອບເຂດທົ່ວປະເທດ ໄດ້ຮັບຮູ້ ແລະ ເຂົ້າໃຈຢ່າງລະອຽດ ກ່ຽວກັບ ລະບົບນິຕິກໍາ, ການກວດກາ, ໄຈ້ແຍກນິຕິກຳ ທີ່ຢູ່ໃນຄວາມຮັບຜິດຊອບຂອງອົງການຕົນ ເພື່ອນໍາມາລົງເວັບໄຊ໌ຈົດໝາຍເຫດທາງລັດຖະການໃຫ້ຄົບຖ້ວນຕາມຕົວຈິງ ແລະ ຫຼີກລ້ຽງການສົ່ງກັບຄືນຂອງນິຕິກຳ.
          ການສ້າງ ປື້ມຄູ່ມືວຽກງານຈົດໝາຍເຫດທາງລັດຖະການ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານສໍາລັບຜູ້ຄຸ້ມຄອງ ແລະ ຜູ້ປະສານງານທີ່ໄດ້ຮັບການແຕ່ງຕັ້ງຈາກບັນດາພາກສ່ວນຕ່າງໆ; ນອກຈາກນັ້ນ, ຍັງເປັນການໂຄສະນາເຜີຍແຜ່ໃຫ້ການນໍາແຕ່ລະຂັ້ນ ໄດ້ເຂົ້າໃຈຢ່າງລະອຽດຕື່ມ ເພື່ອຄວາມເປັນເອກະພາບກັນໃນການຈັດຕັ້ງປະຕິບັດວຽກງານໃຫ້ມີປະສິດທິພາບ ແລະ ປະສິດທິຜົນຍິ່ງຂຶ້ນ.
          ກອງປະຊຸມດັ່ງກ່າວ ໄດ້ຮັບການສະໜັບສະໜູນໂດຍ ໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ ຫຼື LBE ກອງປະຊຸມຈະດຳເນີນເປັນເວລາ 3 ວັນ.
ຂຽນຂ່າວ-ຖ່າຍພາບໂດຍ: ຊາຍພິມພອນ ສີຣິວົງໄຊ
ປະເພດຂ່າວ: