ກອງປະຊຸມປະກອບຄຳເຫັນໃສ່ ຮ່າງ ປື້ມຄູ່ມືວຽກງານຈົດໝາຍເຫດທາງລັດຖະການ

Primary tabs

          ໃນລະຫວ່າງວັນທີ 18-19 ພະຈິກ 2021 ທີ່ຫ້ອງປະຊຸມ ຊັ້ນ 3 ກະຊວງຍຸຕິທຳ ກົມໂຄສະນາເຜີຍແຜ່ກົດໝາຍ ໄດ້ຈັດກອງປະຊຸມປະກອບຄຳເຫັນໃສ່ ຮ່າງ ປື້ມຄູ່ມືວຽກງານຈົດໝາຍເຫດທາງລັດຖະການຂຶ້ນ ໂດຍການເປັນປະທານຂອງ ທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ; ມີຮອງຫົວໜ້າກົມ, ຜູ້ຕາງໜ້າບັນດາກົມ, ຫົວໜ້າພະແນກ, ຮອງພະແນກ, ຕາງໜ້າໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ ຫຼື LBE ພ້ອມດ້ວຍຄະນະຮັບຜິດຊອບສ້າງປື້ມຄູ່ມືວຽກງານຈົດໝາຍເຫດທາງລັດຖະການ ເຂົ້າຮ່ວມ.
อาจเป็นรูปภาพของ 9 คน และ สถานที่ในร่ม
          ຈຸດປະສົງ ເພື່ອຄົ້ນຄວ້າ, ປຶກສາຫາລື ແລະ ປະກອບຄຳເຫັນໃສ່ເນື້ອໃນແຕ່ລະຫົວຂໍ້ ຂອງຮ່າງປຶ້ມຄູ່ມືວຽກງານຈົດໝາຍເຫດທາງລັດຖະການ ເພື່ອໃຫ້ມີຄວາມສົມບູນ ແລະ ສອດຄ່ອງກັບສະພາບການຈັດຕັ້ງປະຕິບັດວຽກງານຕົວຈິງ ເຮັດໃຫ້ຜູ້ຄຸ້ມຄອງ ແລະ ຜູ້ປະສານງານຂອງພາກສ່ວນຕ່າງໆ ແຕ່ສູນກາງລົງຮອດທ້ອງຖິ່ນໃນຂອບເຂດທົ່ວປະເທດ ໄດ້ຮັບຮູ້ ແລະ ເຂົ້າໃຈຢ່າງລະອຽດ ກ່ຽວກັບ ວຽກງານດັ່ງກ່າວ.
          ການສ້າງ ປື້ມຄູ່ມືວຽກງານຈົດໝາຍເຫດທາງລັດຖະການ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານ ແລະ ຜູ້ປະສານງານທີ່ໄດ້ຮັບການແຕ່ງຕັ້ງຈາກບັນດາພາກສ່ວນຕ່າງໆ ທັງສູນກາງ ແລະ ທ້ອງຖິ່ນ ໃນການນຳເອົານິຕິກຳຂອງຕົນ ມາລົງໃນຈົດໝາຍເຫດທາງລັດຖະການ ພາຍຫຼັງໄດ້ຖືກຮັບຮອງ ແລະ ປະກາດໃຊ້ແລ້ວນັ້ນ; ນອກຈາກນັ້ນ, ຍັງເປັນການໂຄສະນາເຜີຍແຜ່ໃຫ້ການນໍາແຕ່ລະຂັ້ນ ໄດ້ເຂົ້າໃຈຢ່າງລະອຽດຕື່ມ ເພື່ອຄວາມເປັນເອກະພາບກັນໃນການຈັດຕັ້ງປະຕິບັດວຽກງານໃຫ້ມີປະສິດທິພາບ ແລະ ປະສິດທິຜົນຍິ່ງຂຶ້ນ.
ກອງປະຊຸມດັ່ງກ່າວ ໄດ້ຮັບການສະໜັບສະໜູນໂດຍ ໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ ( LBE ).
ຂຽນຂ່າວ-ຖ່າຍພາບໂດຍ: ຊາຍພິມພອນ ສີຣິວົງໄຊ
ປະເພດຂ່າວ: