ຊາວໜຸ່ມພະແນກຍຸຕິທຳແຂວງ ຊຽງຂວາງປະເມີນຂໍ້ແຂ່ງຂັນ 4 ບຸກ

          ໃນຕອນເຊົ້າຂອງວັນທີ 5 ກຸມພາ 2021 ທີ່ຜ່ານມາໜ່ວຍຊາວໜຸ່ມ ພະແນກຍຸຕິທຳແຂວງ ຊຽງຂວາງ ໄດ້ຈັດກອງປະຊຸມປະເມີນການຈັດຕັ້ງປະຕິບັດ ຂໍ້ແຂ່ງຂັນ 4 ບຸກ ຂອງໜ່ວຍຊາວໜຸ່ມ ປະຈຳປີ 2020 ແລະ ວາງທິດທາງແຜນການປີ 2021 ໃຫ້ກຽດເຂົ້າຮ່ວມກອງປະຊຸມໂດຍ ທ່ານ ມົນຕີ ສີອຸດົມ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ເຂົ້າຮ່ວມພິທີມີ ທ່ານ ນ. ອ່ອນຈັນ ບຸນທະສິນ ຄະນະບໍລິຫານງານຊາວໜຸ່ມແຂວງ ມີເລຂາ, ຮອງເລຂາໜ່ວຍ ແລະ ສະມາຊິກຊາວໜຸ່ມພາຍໃນພະແນກເຂົ້າຮ່ວມຈຳນວນ 26 ສະຫາຍ, ຍິງ 14 ສະຫາຍ
อาจเป็นรูปภาพของ 3 คน, ผู้คนกำลังยืน, ผู้คนกำลังนั่ง และสถานที่ในร่ม
          ກອງປະຊຸມ ທ່ານ ບົວວັນ ວົງວຽງຄຳ ເລຂາໜ່ວຍຊາວໜຸ່ມພະແນກຍຸຕິທຳ ຜ່ານຮ່າງບົດສະຫຼຸບ ການຈັດຕັ້ງປະຕິບັດວຽກງານຊາວໜຸ່ມ ປີ 2020 ແລະ ທິດທາງແຜນການ ປີ 2021 ຊຶ່ງມີຜົນສຳເລັດຫຼາຍດ້ານ ເປັນຕົ້ນ ວຽກງານວິຊາສະເພາະ: ລົງໂຄສະນາເຜີຍແຜ່ກົດໝາຍໄດ້ 79 ຄັ້ງ, ໃນນີ້ມີ 65 ບ້ານ, 5 ໂຮງຮຽນ, 127 ກົມກອງ ມີຜູ້ເຂົ້າຮ່ວມຮັບຟັງ 4,707 ຄົນ, ຍິງ 1,950 ຄົນ ໂຄສະນາກົດໝາຍທາງວິທະຍຸກະຈາຍສຽງແຂວງ ຊຽງຂວາງ ແລະ ວິທະຍຸຊຸມຊົນໄດ້ 91 ຄັ້ງ, ແຈກປື້ມກົດໝາຍ ແລະ ປະມວນກົດໝາຍຈຳນວນ 679 ຫົວ, ໃຫ້ຄຳປຶກສາທາງດ້ານກົດໝາຍ ແກ່ປະຊາຊົນໄດ້ 252 ຄັ້ງ, ໄດ້ຄົ້ນຄວ້າກວດກາ ແລະ ເຊັນຢັ້ງຢືນຄວາມຖຶກຕ້ອງຂອງສັນຍາ, ເອກະສານຕ່າງໆ ຂອງຂະແໜງການທະບຽນສານໄດ້ 878 ສະບັບ, ມີຄຳຕັດສິນ, ຄຳພິພາກສາຂອງສານຄ້າງມາ ແລະ ເຂົ້າໃໝ່ທັງໝົດ 1,165 ເລື່ອງ, ໃນນີ້: ປະຕິບັດສຳເລັດ 106 ເລື່ອງ, ແພ່ງ 57 ເລື່ອງ; ສົ່ງໄປບ່ອນອື່ນ 42 ເລື່ອງ, ແພ່ງ 15 ເລື່ອງ; ພວມກຳລັງປະຕິບັດທັງໝົດໃນທົ່ວແຂວງ 1,017 ເລື່ອງ, ແພ່ງ 427 ເລື່ອງ, ໄດ້ຄົ້ນຄ້ວາ ແລະ ປະກອບຄຳເຫັນໃສ່ຮ່າງນິຕິກຳລຸ່ມກົດໝາຍໃຫ້ແກ່ພະແນກການອ້ອມຂ້າງແຂວງ, ບຸກຄົນ ແລະ ນິຕີກຳບຸກຄົນໄດ້ 15 ສະບັບ, ໄດ້ອອກໃບຢັ້ງຢືນການເອົາເດັກໄປເປັນລູກລ້ຽງໄດ້ 4 ໃບ ແລະ ຢັ້ງຢືນການຈົດທະບຽນແຕ່ງຕັ້ງຜູ້ປົກຄອງໄດ້ 1 ໃບ, ຄົ້ນຄວ້າ ແລະ ມີຄຳເຫັນຕໍ່ຄຳຮ້ອງຂໍແຕ່ງດອງລະຫວ່າງ ພົນລະເມືອງລາວກັບ ຄົນຕ່າງປະເທດໄດ້ 33 ສະບັບ. ວຽກງານຂະບວນການ: ໄດ້ເຂົ້າຮ່ວມຂະບວນອອກແຮງງານລວມ, ຂະບວນການອື່ນໆທີ່ພະແນກການອ້ອມຂ້າງແຂວງຈັດຂຶ້້ນໄດ້ 17 ຄັ້ງ ມີຜູ້ເຂົ້າຮ່ວມ 53 ສະຫາຍ, ຍິງ 18 ສະຫາຍ, ນອກຈາກນັ້ນຍັງໄດ້ເຂົ້າຮ່ວມການບໍລິຈາກເລືອດ 2 ຄັ້ງ ມີຜູ້ບໍລິຈາກເລືອດ 6 ສະຫາຍ, ຍິງ 2 ສະຫາຍ, ປຸກລະດົມສະມາຊິກຊາວໜຸ່ມພາຍໃນໜ່ວຍປະກອບສ່ວນດ້ານວັດຖຸປັດໄຈ ເພື່ອເຂົ້າອວຍພອນນາຍ ແລະ ພົນທະຫານທີ່ປະຕິບັດໜ້າທີ່ຢູ່ເຂດຫ່າງໄກສອກຫຼີກ 1 ຄັ້ງ, ລວມມູນຄ່າ 170,000 ກີບ ພ້ອມທັງວາງທິດທາງແຜນການໃນປີ 2021 ທີ່ສະມາຊິກຊາວໜຸ່ມຂອງພະນັກງານທີ່ຈະຕ້ອງໄດ້ປະຕິບັດ.
          ໃນຕອນທ້າຍຂອງພິທີ ທ່ານ ມົນຕີ ສີອຸດົມ ໄດ້ມີຄຳເຫັນໂອ້ລົມ ຊຶ່ງທ່ານໄດ້ເໜັ້ນໜັກເຖິງບາງບັນຫາທີ່ສຳຄັນເຊັ່ນ ໃຫ້ບັນດາສະມາຊິກຊາວໜຸ່ມທີ່ຢູ່ແຕ່ລະຂະແໜງ ເອົາໃຈໃສ່ຈັດຕັ້ງປະຕິບັດໜ້າທີ່ວຽກງານຕາມພາລະບົດບາດໃຫ້ສອດຄ່ອງກັບລະບຽບກົດໝາຍມີແນວຄິດຮັກຊາດ, ຮັກບ້ານເກີດເມືອງນອນ, ມີຄວາມເປັນເອກະພາບກັບແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມີຈິນຕະນາການ, ມີແບບແຜນ ແລະ ຫົວຄິດປະດິດສ້າງໃໝ່, ມີວິໄສທັດເບິ່ງກວ້າງມອງໄກ, ມີສະຕິຕື່ນຕົວເຄົາລົບ ແລະ ປະຕິບັດກົດໝາຍຢ່າງເຂັ້ມງວດ ແລະ ສືບຕໍ່ຮັກສາມູນເຊື້ອຊາວໜຸ່ມ 4 ບຸກໃຫ້ໄດ້ທັງປະລິມານ ແລະ ຄຸນນະພາບ.
ຂຽນຂ່າວ ແລະ ຖ່າຍພາບໂດຍ: ຄອມເມືອງພວນ
ປະເພດຂ່າວ: