ພະແນກຍຸຕິທຳແຂວງ ປະເມີນລັດຖະກອນຂັ້ນແຂວງ

Primary tabs

          ໃນວັນທີ 15 ພະຈິກ 2021 ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ຈັດພິທີປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນປະຈຳປີ 2021 ຂຶ້ນ ໂດຍເປັນປະທານຂອງ ທ່ານ ສີວິໄລ ແສງຈະເລີນ ກຳມະການພັກແຂວງ, ຮອງເຈົ້າແຂວງ ຊຽງຂວາງ ຜູ້ຊີ້ນຳວຽກງານຂົງເຂດກົດໝາຍ, ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ວິຊາການ ເຂົ້າຮ່ວມ.
อาจเป็นรูปภาพของ 9 คน, ผู้คนกำลังยืน และ สถานที่ในร่ม
          ໃນກອງປະຊຸມຄະນະຮັບຜິດຊອບໄດ້ຜ່ານດຳລັດຂອງລັດຖະບານ ສະບັບເລກທີ 300, ລົງວັນທີ 13 ກັນຍາ 2021ວ່າດ້ວຍການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ແລະ ຜ່ານຄຳແນະນຳ ການຈັດຕັ້ງປະຕິບັດດຳລັດວ່າດ້ວຍ ການປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ ສະບັບເລກທີ 06 ຂອງກະຊວງພາຍໃນ, ລົງວັນທີ 2 ພຶດສະພາ 2018; ການປະເມີນຜົນແມ່ນໄດ້ດຳເນີນໄປຕາມຂັ້ນຕອນ ແລະ ວິທີການຢ່າງຖືກຕ້ອງ ໂດຍມີການແຕ່ງຕັ້ງຄະນະຮັບຜິດຊອບຊີ້ນຳໆພາ, ຜ່ານການປະເມີນ ແມ່ນໃຫ້ພະນັກງານ-ລັດຖະກອນ ແຕ່ລະສະຫາຍ ໄດ້ຜ່ານບົດເກັບກຽ່ວຜົນງານໃນໄລຍະ ໜຶ່ງປີຜ່ານມາ ແລະ ໃຫ້ຄະແນນຕົນເອງ ຈາກນັ້ນໝູ່ຄະນະກໍ່ໄດ້ພ້ອມກັນປະກອບຄຳຄິດຄຳເຫັນເພື່ອກໍ່ສ້າງຊ່ວຍເຫຼືອເຊິ່ງກັນ ແລະ ກັນ ເພື່ອເປັນການປັບປຸງດ້ານທີ່ຄົງຄ້າງໃຫ້ດີຂຶ້ນໃນຕໍ່ໜ້າ.
          ຕອນທ້າຍຂອງກອງປະຊຸມ ທ່ານ ສີວິໄລ ແສງຈະເລີນ ກຳມະການພັກແຂວງ ຮອງເຈົ້າແຂວງ ໄດ້ມີຄຳເຫັນໂອ້ລົມ ເຊິ່ງທ່ານໄດ້ເນັ້ນໜັກ ໃຫ້ຄະນະພະແນກ ຈົ່ງເພີ່ມທະວີຄວາມເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ອ້າຍ, ເອື້ອຍ, ນ້ອງພະນັກງານ ທີ່ຕົນຮັບຜິດຊອບແຕ່ຂັ້ນແຂວງຮອດຂັ້ນເມືອງ ໃຫ້ມີຄວາມອຸ່ນອ່ຽນທຸ່ນທຽ່ງ, ເຊື່ອໝັ້ນຕໍ່ການນຳພາຂອງພັກ, ເຕົ້າໂຮມຄວາມສາມັກຄີເປັນໜຶ່ງດຽວ ແລະ ຊີ້ນຳໆພາການຈັດຕັ້ງປະຕິບັດໜ້າທີ່ວຽກງານໃຫ້ສອດຄ່ອງກັບລະບຽບກົດໝາຍຢ່າງເຂັ້ມງວດ.
ຖ່າຍພາບ+ຂຽນໂດຍ: ນາງກິ່ງແກ້ວ ພົມມະຈັກ
ປະເພດຂ່າວ: