ພະແນກຍຸຕິທທຳແຂວງບໍລິຄຳໄຊຈັດພິທີເຜີຍແຜ່ດຳລັດ ເລກທີ 77 /ລບ ແລະ ປະກາດການຈັດຕັ້ງໃຫ້ການຊ່ວຍເຫຼືອທາງດ້ານກົດໝາຍປະຈຳຫ້ອງການຍຸຕິທຳ

ໃນວັນທີ 28 ກັນຍາ 2020 ຢູ່ທີ່ຫ້ອງວ່າການເມືອງ ບໍລິຄັນ ແຂວງ ບໍລິຄຳໄຊ ພະແນກຍຸຕິທໍາແຂວງ ສົມທົບກັບ ຫ້ອງການຍຸຕິທຳເມືອງ ບໍລິຄັນ ໄດ້ມີຄຳເຫັນ ແລະ ເຜີຍແຜ່ດຳລັດ ເລກທີ 77/ ລບ. ລົງວັນທີ 28 ກຸມພາ 2018 ແລະ ປະກາດການຈັດຕັ້ງໃຫ້ການຊ່ວຍເຫຼືອທາງດ້ານກົດໝາຍປະຈຳຫ້ອງການຍຸຕິທຳ 3 ເມືອງຂຶ້ນ ຄື: ເມືອງ ບໍລິຄັນ, ເມືອງ ຄຳເກີດ, ເມືອງ ວຽງທອງ ໂດຍການເປັນປະທານ ຂອງ ທ່ານ ວັນເລີນ ປຸ້ຍໄມນີ ກຳມະການພັກແຂວງ ເລຂາພັກເມືອງ ເຈົ້າເມືອງ ບໍລິຄັນ ມີທ່ານ ສົມໃຈ ຄຸນພະໄຊ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທຳ ກະຊວງຍຸຕິທຳ, ທ່ານ ລີຈິນໍ ພັດສຣະຕານ່າ ຫົວໜ້າທີ່ປຶກສາ ໂຄງການ ລາວ 031 ແລະ ບັນດາຫົວໜ້າຫ້ອງການອ້ອມຂ້າງເມືອງເຂົ້າຮ່ວມເຂົ້າຮ່ວມຈຳນວນ 50 ທ່ານ, ຍິງ 8 ທ່ານ.

ໃນພິທີ ທ່ານ ວັນເລີນ ປຸ້ຍໄມນີ ເລຂາພັກເມືອງ ເຈົ້າເມືອງ ບໍລິຄັນ ກໍໄດ້ກ່າວເປີດພິທີ ພ້ອມທັງແນະນຳບັນດາຫ້ອງການອ້ອມຂ້າງເມືອງຈົ່ງໄດ້ເອົາໃຈໃສ່ ແນະນຳພະນັກງານ ແລະ ພໍ່ແມ່ປະຊາຊົນ ຢູ່ພາຍໃນເມືອງຂອງຕົນທີ່ມີຂໍ້ຂັດແຍ່ງທາງດ້ານກົດໝາຍ, ຜູ້ຍິງ ແລະ ເດັກນ້ອຍທີ່ຖືກເຄາະຮ້າຍຈາກການໃຊ້ຄວາມຮຸນແຮງ ແລະ ຜູ້ຖືກເຄາະຮ້າຍຈາກການຄ້າມະນຸດ ໃຫ້ເຂົ້າມາປຶກສາ ແລະ ຂໍຄວາມຊ່ວຍເຫຼືອທາງດ້ານກົດໝາຍນຳຫ້ອງການຊ່ວຍເຫຼືອທາງດ້ານກົດໝາຍທີ່ປະຈຳຢູ່ຫ້ອງການຍຸຕິທຳເມືອງ ພ້ອມນັ້ນ ກໍໄດ້ມອບໃບຍ້ອງຍໍໃຫ້ພາກສ່ວນກະຊວງຍຸຕິທຳ,ພະແນກຍຸຕິທຳ ແລະ ຫ້ອງການຍຸຕິທຳເມືອງ ທີ່ກ່ຽວຂ້ອງ ໃນການຈັດຕັ້ງປະຕິບັດວຽກງານດັ່ງກ່າວທີ່ຜ່ານມາ. ຈາກນັ້ນ ທ່ານ ສົມໃຈ ຄຸນພະໄຊ ຫົວໜ້າພະແນກຍຸຕິທຳແຂວງ ໄດ້ເຜີຍແຜ່ ດຳລັດເລກທີ 77/ລບ, ວ່າດ້ວຍການຊ່ວຍ ເຫຼືອທາງດ້ານກົດໝາຍເພື່ອໃຫ້ພໍ່ແມ່ປະຊາຊົນ, ຮັບຮູ້ ແລະ ເຂົ້າໃຈກ່ຽວກັບການໃຫ້ບໍລິການທາງດ້ານກົດໝາຍ ໂດຍທີ່ບໍ່ເສຍຄ່າ, ໃນຕອນທ້າຍຂອງພິທີ ທ່ານ ລີຈີນໍ ພັດສຣະຕານາ ຫົວໜ້າທີ່ປືກສາໂຄງການລາວ 031 ໄດ້ມອບປ້າຍ ແລະ ອຸປະກອນຮັັບໃຊ້ຈຳນວນໜື່ງໃຫ້ຫ້ອງການຍຸຕິທໍາ 3 ເມືອງ.

ພາບ:ຂ່າວ : ບຸນເລີດ ລັດທະພອນ

ປະເພດຂ່າວ: