ຫົວໜ້າພະແນກຍຸຕິທຳແຂວງ ບໍລິຄຳໄຊ ເອົາໃຈໃສ່ຊີ້ນຳຫ້ອງການຍຸຕິທຳເມືອງ

Primary tabs

          ໃນລະຫວ່າງວັນທີ 26 - 29 ເມສາ 2022 ຜ່ານມານີ້ ທ່ານ ນາງ ວັນນາ ປະເສີດກຸນ, ຫົວໜ້າພະແນກຍຸຕິທໍາແຂວງ ບໍລິຄຳໄຊ, ພ້ອມດ້ວຍ ພະນັກງານຂະແໜງຈັດຕັ້ງ ແລະ ກວດກາ ໄດ້ລົງເຄື່ອນໄຫວຊຸກຍູ້ວຽກງານຢູ່ຫ້ອງການຍຸຕິທໍາ 03 ເມືອງຄື: ເມືອງ ໄຊຈຳພອນ, ເມືອງ ວຽງທອງ ແລະ ເມືອງ ຄຳເກີດ ໃນໂອກາດທີ່ລົງເຄື່ອນໄຫວວຽກງານຄັ້ງນີ້ ແມ່ນປະຕິບັດຕາມ ແຈ້ງການຂອງກະຊວງຍຸຕິທໍາ ສະບັບເລກທີ 323/ກຍ ລົງວັນທີ 15 ມີນາ 2022 ກ່ຽວກັບການກໍານົດໂຄງປະກອບກົງຈັກຊ່ວຍວຽກຂອງພະແນກຍຸຕິທໍາແຂວງ ແລະ ຫ້ອງການຍຸຕິທໍາເມືອງ, ເທດສະບານ ແລະ ນະຄອນ ເພື່ອເຮັດໃຫ້ໄດ້ຕາມຈຸດປະສົງຄາດໝາຍທາງພະແນກຍຸຕິທໍາແຂວງ ຈີ່ງລົງສົມທົບກັບບັນດາເມືອງແນະນຳວິທີຂັ້ນຕອນ ແລະ ການເລືອກເຟັ້ນພະນັກງານທີ່ມີມາດຖານເງື່ອນໄຂຄົບຖ້ວນທີ່ຈະກຳນົດໃສ່ໜ້າວຽກໃຫ້ເໜາະສົມ, ໂດຍການໂຮມໜ່ວຍງານຈາກ 5 ໜ່ວຍງານມາເປັນ 4 ໜ່ວຍງານຄື: ໜ່ວຍງານບໍລິຫານ, ຈັດຕັ້ງ ແລະ ກວດກາ, ໜ່ວຍງານກົດໝາຍ ແລະ ໂຄສະນາເຜີຍແຜ່ກົດໝາຍ, ໜ່ວຍງານສົ່ງເສີມວຽກງານຍຸຕິທໍາ, ໜ່ວຍງານຈັດຕັ້ງປະຕິບັດຄຳຕັດສິນຂອງສານ ແລະ ໜ່ວຍງານທະບຽນສານ.
อาจเป็นรูปภาพของ 5 คน, ผู้คนกำลังยืน และ สถานที่ในร่ม
          ຈາກນັ້ນທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ກໍໄດ້ໂອ້ລົມຄະນະນໍຳຫ້ອງການຍຸຕິທໍາເມືອງ ແລະ ພະນັກງານວິຊາການໃຫ້ເອົາໃຈໃສ່ຕໍ່ໜ້າທີ່ວຽກງານຂອງຕົນໂດຍປະສານສົມທົບນຳການນຳຂອງເມືອງ ແລະ ອີງໃສ່ນິຕິກຳ ແລະ ກົດໝາຍເປັນຫຼັກ ມີການເຕົ້າລວມ ລາຍງານວຽກງານໃຫ້ຜູ້ຊີ້ນຳຮັບຊາບ ແລະ ພ້ອມທັງຂໍທິດຊີ້ນຳໃນການເຄື່ອນໄຫວວຽກງານທຸກໆຄັ້ງ.
ຂ່າວ : ນາງ ສຸກສາຄອນ ທະວີສຸກ
ປະເພດຂ່າວ: