ພະແນກຍຸຕິທໍາແຂວງ ບໍລິຄຳໄຊ ສ້າງຂະບວນການຮ່ວມກັບສະພາປະຊາຊົນແຂວງ

          ໃນຕອນແລງວັນທີ 31 ມີນາ 2021 ຜ່ານມາ ຢູ່ທີ່ເດີ່ນກິລາ ຈາລະນາ ພະແນກຍຸຕິທໍາແຂວງ ບໍລິຄໍາໄຊ ແລະ ສະພາປະຊາຊົນແຂວງ ຮ່ວມກັນສ້າງກິດຈະກໍາກິລາເຕະບານ ຍິງ-ຊາຍ ຂຶ້ນເພື່ອເປັນການຂໍານັບ ແລະ ຊົມເຊີຍ ວັນແມ່ຍິງສາກົນຄົບຮອບ 111 ປີ ແລະ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 66 ປີ , ວັນສ້າງຕັ້ງກຳລັງປ້ອງກັນຄວາມສະຫົງບ ຄົບຮອບ 60 ປີ ແລະ ວັນສ້າງຕັ້ງ ຊາວໜຸ່ມປະຊາຊົນປະຕິວັດລາວ, ທັງເປັນການຜູກແໜ້ນຄວາມສາມັກຄີລະຫວ່າງພະນັກງານພະແນກຍຸຕິທຳ ກັບ ພະນັກງານສະພາແຂວງ ບໍລິຄຳໄຊ ເຊີ່ງມີການນຳທັງສອງພາກສ່ວນເຂົ້າຮ່ວມ. ການແຂ່ງຂັນຄັ້ງນີ້ເຕັມໄປດ້ວຍຄວາມເບີກບານມ່ວນຊື່ນ ແລະ ຄວາມຮັກແພງ, ຄວາມສາມັກຄີຕະຫຼອດການແຂ່ງຂັນ.
          ຜົນຂອງການແຂ່ງຂັນເຕະບານຊາຍ ແມ່ນ ພະແນກຍຸຕິທຳແຂວງ ຊະນະ ສະພາປະຊາຊົນ 9 ຕໍ່ 6 ແລະ ເຕະບານຍິງ ພະແນກຍຸຕິທຳແຂວງ ຊະນະ ສະພາປະຊາຊົນ 3 ຕໍ່ 2 ປະຕູ.
ຂ່າວ,ພາບໂດຍ: ນາງ ສຸກສາຄອນ ທະວີສຸກ