ພະແນກຍຸຕິທໍາແຂວງ ບໍລິຄໍາໄຊ ສ້າງຂະບວນການຕ້ອນຮັບກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງ

ໃນຕອນເຊົ້າວັນທີ 4 ກັນຍາ 2020 ພະນັກງານ - ລັດຖະກອນ ພາຍໃນພະແນກຍຸຕິທໍາແຂວງ ບໍລິຄໍາໄຊ ໄດ້ສ້າງຂະບວນການອອກແຮງງານລວມ ຕາມຂອບເຂດຄວາມຮັບຜິດຊອບພາຍໃນສຳນັກງານຂອງຕົນ ນໍາພາໂດຍ ທ່ານ ສົມໃຈ ຄຸນພະໄຊ ຫົວໜ້າພະແນກຍຸຕິທໍາແຂວງ ບໍລິຄຳໄຊ ພ້ອມດ້ວຍຄະນະພັກ, ຄະນະພະແນກ ແລະ ພະນັກງານ-ລັດຖະກອນພາຍໃນພະແນກເຂົ້າຮ່ວມ 35 ຄົນ, ຍິງ 11 ຄົນ. ການອອກແຮງານລວມໃນຄັ້ງນີ້ ທ່ານ ສົມໃຈ ຄຸນພະໄຊ ຫົວໜ້າພະແນກຍຸຕິທໍາແຂວງ ໄດ້ໃຫ້ຮູ້ວ່າ ເພື່ອປະຕິບັດຕາມ ແຈ້ງການ ຂອງຫ້ອງວ່າການປົກຄອງແຂວງ ບໍລິຄໍໄຊ ສະບັບເລກທີ 897 / ຫວຂ.ບຊ, ລົງວັນທີ 3 ກັນຍາ 2020. ກ່ຽວກັບການ ອະນາໄມ ເພື່ອຕ້ອນຮັບກອງປະຊຸມໃຫຍ່ຂອງອົງຄະນະພັກແຂວງ ຄັ້ງທີ VII ທີ່ຈະໄດ້ໄຂຂຶ້ນໃນມໍ່ໆນີ້ການອອກແຮງງານຄັ້ງນີ້ ແມ່ນໄດ້ພ້ອມກັນຕັດຫຍ້າ, ຖາງຫຍ້າບ່ອນທີ່ຮົກເຮື້ອຕາມແຄມກຳແພງ ສຳນັກງານ ແລະ ຂອບເຂດອ້ອມຂ້າງຫ້ອງການ ເກັບຂີ້ເຫຍື້ອ, ກະປ໋ອງ, ຖົງຢາງ ສິ່ງເສດເຫຼືອຕ່າງໆ ໃຫ້ສະອາດງາມຕາ ເພື່ອເຮັດໃຫ້ຂະບວນການຕ້ອນຮັບກອງປະຊຸມໃຫຍ່ຂອງແຂວງເປັນຂະບວນການຟົດຟື້ນມີຄວາມໝາຍ, ຄວາມສໍາຄັນ. ຂະບວນການອອກແຮງງານນີ້ຈະດຳເນີນໄປທຸກໆວັນສຸກ.

ພາບ: ຂ່າວ:ບຸນເລີດ ລັດທະພອນ