ເມືອງ ທຸລະຄົມ ແຂວງ ວຽງຈັນ ເປີດຊຸດຝືກອົບຮົມກົດໝາຍໄລຍະສັ້ນ 45 ວັນ ຊຸດທີ III

Primary tabs

          ໃນຕອນເຊົ້າຂອງວັນທີ 2 ມິຖຸນາ 2022 ຢູ່ທີ່ສະໂມສອນປົກຄອງເມືອງ ທຸລະຄົມ ແຂວງ ວຽງຈັນ ໄດ້ຈັດພິທີເປີດຊຸດຝຶກອົບຮົມກົດໝາຍໄລຍະສັ້ນ 45 ວັນຊຸດທີ III ຂຶ້ນ ໂດຍການເປັນປະທານຮ່ວມຂອງ ທ່ານ ນາງ ວົງເດືອນ ວັດຕະໂສ ກຳມະການພັກແຂວງ ເລຂາພັກເມືອງ ເຈົ້າເມືອງ ທຸລະຄົມ ແຂວງ ວຽງຈັນ ມີ ທ່ານ ພອນສິນ ທິລະກຸນ ຄະນະໜ່ວຍພັກ, ຮອງຫົວໜ້າພະແນກຍຸຕິທຳແຂວງ ວຽງຈັນ; ມີແຂກຖືກເຊີນ, ຄະນະຮັບຜິດຊອບ, ບັນດາຄູ-ອາຈານ, ນັກຝຶກອົບຮົມ, ຫົວໜ້າຫ້ອງການ ແລະ ພະນັກງານຫ້ອງການຍຸຕິທຳເມືອງ ເຂົ້າຮ່ວມທັງໝົດ 62 ທ່ານ, ຍິງ 22 ທ່ານ.
อาจเป็นรูปภาพของ 5 คน
          ໃນພິທີ ທ່ານ ໂນລາ ຈັນທະວົງ ຫົວໜ້າຫ້ອງການຍຸຕິທໍາເມືອງ ໂພນໂຮງ ໄດ້ຂຶ້ນຜ່ານບົດລາຍງານ ການກະກຽມພິທີເປີດຊຸດຝຶກອົບຮົມກົດໝາຍໄລຍະສັ້ນ 45 ວັນຊຸດທີ III ເຊິ່ງຈະເລີ່ມເປີດການຝຶກອົບຮົມຢ່າງເປັນທາງການໃນ ວັນທີ 2 ມິຖຸນາ 2022 ໂດຍມີນັກຝຶກອົບຮົມກົດໝາຍທັງໝົດ 35 ທ່ານ, ຍິງ 17 ທ່ານ, ມາຈາກ 24 ບ້ານ, ຄູ-ສອນ ມີທັງໝົດ 32 ທ່ານ ຍິງ 10 ທ່ານ, ມີ 34 ວິຊາຮຽນ, ມີ 22,5 ໜ່ວຍກິດ ເທົ່າກັບ 360 ຊົ່ວໂມງ, ໃຊ້ເວລາຮຽນ 45 ວັນ (ບໍ່ນັບວັນພັກທາງລັດທະການ). ຈຸດປະສົງຂອງການເປີດຊຸດຝຶກອົບຮົມກົດໝາຍໃນຄັ້ງນີ້ ເພື່ອຍົກສູງລະດັບຄວາມຮູ້ທາງດ້ານກົດໝາຍຢ່າງເປັນລະບົບໂດຍພື້ນຖານໃຫ້ແກ່ອົງການປົກຄອງບ້ານ, ນາຍບ້ານ, ປກສ-ປກຊ, ຄະນະໄກ່ເກ່ຍແກ້ໄຂຂໍ້ຂັດແຍ່ງຂັ້ນບ້ານ, ຊາວໜຸ່ມຂອງແຕ່ລະບ້ານ, ເພື່ອແນ່ໃສ່ໃຫ້ມີຄວາມຮູ້, ຄວາມສາມາດໃນການຄຸ້ມຄອງເສດຖະກິດ-ສັງຄົມ ດ້ວຍລະບຽບກົດໝາຍນັບມື້ນັບດີຂຶ້ນ, ຮູ້ແກ້ໄຂໄກ່ເກ່ຍຂໍ້ຂັດແຍ່ງຂັ້ນບ້ານ, ຕັດສິນບັນຫາຕ່າງໆ ຢູ່ພາຍໃນບ້ານຂອງຕົນໃຫ້ຖືກຕ້ອງຕາມລະບຽບກົດໝາຍ. ໃນພິທີ ທ່ານ ພອນສິນ ທິລະກຸນ ຄະນະໜ່ວຍພັກ, ຮອງຫົວໜ້າພະແນກຍຸຕິທຳແຂວງ ວຽງຈັນ ໄດ້ມີຄຳເຫັນຊີ້ນໍາຕໍ່ກັບຄະນະຮັບຜິດຊອບໃຫ້ມີການຕິດຕາມກວດກາຢ່າງເປັນປົກກະຕິ, ຄູ-ອາຈານ ແລະ ນັກຝຶກອົບຮົມ ຈົ່ງຍົກສູງຄວາມຮັບຜິດຊອບເພີ່ມທະວີຄວາມເອົາໃຈໃສ່ການປະຕິບັດຕາມຕາຕະລາງການຮຽນ-ການສອນໃຫ້ເຂັ້ມງວດ ຖືເອົາໂອກາດນີ້ນຳເອົາປະກົດການຫຍໍ້ທໍ້ທີ່ເກິດຂື້ນນຳບ້ານຂອງຕົນ ມາຖອດຖອນບົດຮຽນນໍາຄູ-ອາຈານ ເພື່ອນຳໄປຈັດປະຕິບັດໃຫ້ຖືກຕ້ອງຕາມກົດໝາຍ.
          ໃນຕອນທ້າຍຂອງພິທີ ທ່ານ ນາງ ວົງເດືອນ ວັດຕະໂສ ກຳມະການພັກແຂວງ ເລຂາພັກເມືອງ ເຈົ້າເມືອງ ທຸລະຄົມ ກໍໄດ້ໃຫ້ກຽດໂອ້ລົມຕໍ່ນັກຝຶກອົບຮົມ ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຄະນະຮັບຜິດຊອບ ໃນການເປີດຊຸດຝຶກອົບຮົມໃນຄັ້ງນີ້ ແລະ ຮຽກຮ້ອງມາຍັງອຳນາດການປົກຄອງທຸກຂັ້ນ ຕ້ອງໄດ້ເອົາໃຈໃສ່ຊີ້ນຳ-ນຳພາຢ່າງໃກ້ຊິດ, ຄູ-ອາຈານ ຕ້ອງໄດ້ສຸມທຸກສະຕິປັນຍາຖ່າຍທອດຄວາມຮູ້ຂອງຕົນໃຫ້ແກ່ນັກຮຽນ ແລະ ນັກຮຽນເອງກໍຕ້ອງເອົາໃຈໃສ່ປະຕິບັດກົດລະບຽບຂອງການຮຽນ-ການສອນ ເພື່ອເຮັດໃຫ້ບັ້ນຝຶກອົບຮົມກົດໝາຍໃນຄັ້ງນີ້ໄດ້ຮັບຜົນສໍາເລັດຕາມລະດັບຄາດໝາຍທີ່ວາງໄວ້.
ຖ່າຍພາບ-ຂຽນຂ່າວ: ນາງ ຫັດສະດີ ໄຊຍະພົມ
ປະເພດຂ່າວ: