ພະແນກຍຸຕິທຳແຂວງ ຈັດກອງປະຊຸມສະຫຼຸບວຽກງານຍຸຕິທຳຮາກຖານ ປະຈຳປີ 2020 ແລະ ວາງທິດທາງ ແຜນການ ປີ 2021

          ໃນຕອນເຊົ້າ ວັນທີ 12 ມັງກອນ 2021 ຜ່ານມາ ພະແນກຍຸຕິທຳແຂວງອັດຕະປື ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານຍຸຕິທຳຮາກຖານ ປະຈຳສົກປີ 2020 ແລະ ວາງທິດທາງແຜນການ ປະຈຳປີ 2021 ໂດຍການເປັນປະທານຂອງ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ເຂົ້າຮ່ວມມີ ຄະນະພະແນກ, ຫົວໜ້າຫ້ອງການຍຸຕິທຳ 5 ຕົວເມືອງ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານວິຊາການເຂົ້າຮ່ວມຢ່າງພ້ອມພຽງ.
          ໃນກອງປະຊຸມ ທ່ານ ນາງ ຈັນສະໝອນ ສະເຫຼີມສັກ ຫົວໜ້າຂະແໜງສົ່ງເສີມວຽກງານຍຸຕິທຳ ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານຍຸຕິທຳຮາກຖານປະຈຳສົກປີ 2020 ແລະ ທິດທາງແຜນການ ປະຈຳສົກປີ 2021. ໃນໄລຍະໜຶ່ງປີຜ່ານມາໄດ້ມີຜົນສຳເລັດໃນດ້ານຕ່າງໆເປັນຕົ້ນແມ່ນ 5 ວຽກຈຸດສຸມ ຄື: 1) ວຽກງານການສ້າງຄອບຄົວແບບຢ່າງປະຕິບັດກົດໝາຍ ທົ່ວແຂວງມີຈຳນວນຄອບຄົວທັງໝົດ 34,456 ຄອບຄົວ ມີຄອບຄົວແບບຢ່າງທີ່ສ້າງຂື້ນໃນປີ 2019 ຈຳນວນ 16,776 ຄອບຄົວ ໄດ້ປະເມີນຄືນຄອບຄົວແບບຢ່າງປະຕິບັດກົດໝາຍທີ່ໄດ້ສ້າງຂື້ນໃນປີ 2019 ມີ 11,990 ຄອບຄົວ ສາມາດຮັກສາໄວ້ໄດ້ 11,356 ຄອບຄົວ ເສຍໄປ 634 ຄອບຄົວ ແລະ ສາມາດສ້າງຄອບຄົວແບບຢ່າງປະຕິບັດກົດໝາຍຂື້ນໃໝ່ໃນປີ 2020 ຈຳນວນ 4,900 ຄອບຄົວ ລວມຄອບຄົວແບບຢ່າງປະຕິບັດກົດໝາຍທີ່ຮັກສາໄວ້ໄດ້ ແລະ ສ້າງຂື້ນໃໝ່ລວມທັງໝົດ 16,256 ຄອບຄົວ ເທົ່າກັບ 96,90 %; 2) ວຽກງານບ້ານແບບຢ່າງປະຕິບັດກົດໝາຍ ມີບ້ານທັງໝົດ 141 ບ້ານ, ມີບ້ານແບບຢ່າງປະຕິບັດກົດໝາຍທີ່ສ້າງໃນປີ 2019 ມີ 86 ບ້ານ ໄດ້ປະເມີນຄືນບ້ານແບບຢ່າງປະຕິບັດກົດໝາຍທີ່ສ້າງຂື້ນໃນປີ 2019 ໄດ້ 57 ບ້ານ ສາມາດຮັກສາໄວ້ໄດ້ 52 ບ້ານ ເສຍໄປ 5 ບ້ານ ສ້າງຂື້ນໃໝ່ໃນປີ 2020 ມີ 6 ບ້ານ ລວມບ້ານແບບຢ່າງປະຕິບັດກົດໝາຍທີ່ຮັກສາໄວ້ໄດ້ ແລະ ສ້າງຂື້ນໃມ່ໃນປີ 2020 ທັງໝົດມີ 58 ບ້ານ ເທົ່າກັບ 67,44 %, ໃນນັ້ນ ໄດ້ປະກາດບ້ານແບບຢ່າງປະຕິບັດກົດໝາຍ 18 ບ້ານ ຍັງບໍ່ໄດ້ປະກາດ 40 ບ້ານ; 3) ວຽກງານຄະນະແກ້ໄຂຂໍ້ຂັດແຍ່ງຂັ້ນບ້ານ ໃນທົ່ວແຂວງ ມີຄະແກ້ໄຂຂໍ້ຂັດແຍ່ງຂັ້ນບ້ານທັງໝົດ 705 ຄົນ, ຍິງ 130 ຄົນ, ໄດ້ປັບປຸງຄະນະແກ້ໄຂຂໍ້ຂັດແຍ່ງຂັ້ນບ້ານແລ້ວ 19 ບ້ານ, ໄດ້ຮັບການຝືກອົບຮົມແລ້ວ 170 ຄົນ, ຍັງບໍ່ທັນໄດ້ປັບປຸງມີ 122 ບ້ານ ແລະ ຄະນະແກ້ໄຂຂໍ້ຂັດແຍ່ງຂັ້ນບ້ານຍັງບໍ່ໄດ້ຝືກອົບຮົມ 525 ທ່ານ; 4) ວຽກງານການແກ້ໄຂຂໍ້ຂັດແຍ່ງຂັ້ນບ້ານ ທົ່ວແຂວງມີຂໍ້ຂັດແຍ່ງຂັ້ນບ້ານເກີດຂື້ນທັງໝົດ 237 ເລື່ອງ ຄະດີແພ່ງ 174 ເລື່ອງ, ຄະດີອາຍາ 63 ເລື່ອງ, ແກ້ໄຂສຳເລັດ 194 ເລື່ອງ ຄະດີແພ່ງ 142 ເລື່ອງ ຄະດີອາຍາ 52 ເລື່ອງ, ຍັງຄ້າງ 11 ເລື່ອງ, ສົ່ງພາກສ່ວນອື່ນ 32 ເລື່ອງ; 5) ວຽກງານຍຸຕິທຳເດັກ ໄດ້ເຄື່ອນໄຫວໂຄສະນາເຜີຍແຜ່ກົດໝາຍເດັກໃຫ້ແກ່ໝວດໂຮງຮຽນ 15 ຄັ້ງ ມີຜູ້ເຂົ້າຮ່ວມຮັບຟັງ 3,558 ຄົນ ຍິງ 1,872 ຄົນ, ໄດ້ຝືກອົບຮົມໃຫ້ຄະນະແກ້ໄຂການກະທຳຜິດຂອງເດັກແລ້ວ 50 ຄົນ ຍິງ 11 ຄົນ.
          ໃນກອງປະຊຸມ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ກໍໄດ້ໂອລົມຕໍ່ກອງປະຊຸມ ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານ ແລະ ທ່ານກໍໄດ້ເນັ້ນ ພະນັກງານ-ລັດຖະກອນ ພະແນກຍຸຕິທໍາແຂວງ ຈົ່ງເຊີດຊູຄວາມຮັບຜິດຊອບໜ້າທີ່ການເມືອງ, ເປັນແບບຢ່າງນໍາໜ້າ, ມີຄວາມຈົງຮັກພັກດີໃນການປະຕິບັດໜ້າທີ່ວຽກງານ, ຍົກສູງຄຸນທາດການເມືອງ, ຄຸນສົມບັດສິນທໍາປະຕິວັດ, ດໍາລົງຊີວິດຢ່າງປອດໃສ ເຊື່ອໝັ້ນຕໍ່ການນໍາພາຂອງພັກ-ລັດ, ມີນໍ້າໃຈຮັກຊາດ, ຕ້ານການຟູມເຟືອຍ, ມີຄວາມອົດທົນ, ເສີມຂະຫຍາຍຈຸດດີ, ແກ້ໄຂຈຸດອ່ອນ ແລະ ຂໍ້ຄົງຄ້າງຂອງຕົນ ໃຫ້ມີການຫັນປ່ຽນຢ່າງຕັ້ງໜ້າ. ທ່ານໄດ້ເນັ້ນໜັກ ແລະ ຊີ້ນຳກ່ຽວກັບການເຄື່ອນໄຫວຈັດຕັ້ງປະຕິບັດວຽກງານຍຸຕິທຳຮາກຖານ ໃນສົກປີ 2021 ທ່ານໄດ້ຮຽກຮ້ອງໃຫ້ພະນັກງານຈົ່ງເອົາໃຈໃສ່ເປັນເຈົ້າການສືກສາຄົ້ນຄວ້າ ມະຕິ, ຄຳສັ່ງທີ່ກ່ຽວຂ້ອງ ແລະ ພ້ອມກັນຈັດຕັ້ງປະຕິບັດວຽກງານຍຸຕິທຳຮາກຖານ 5 ວຽກຈຸດສຸມ ໃນປີ 2021.
ຂ່າວ: ທົງໄຊ ຈຳສິນ
ຖ່າຍພາບ: ທິດເທວາ ຄົມມາລ
ປະເພດຂ່າວ: