ພະແນກຍຸຕິທຳແຂວງ ອັດຕະປື ຈັດພິທີປະກາດການຈັດຕັ້ງ

ໃນຕອນເຊົ້າວັນທີ 8 ກັນຍາ 2020 ນີ້ ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ໄດ້ຈັດພິທີປະກາດການຈັດຕັ້ງ ໂດຍການເຂົ້າຮ່ວມເປັນປະທານ ຂອງທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ມີຄະນະພະແນກ, ຫົວໜ້າຂະແໜງ, ຮອງຫົວໜ້າຂະແໜງ, ພ້ອມດ້ວຍພະນັກງານວິຊາການເຂົ້າຮ່ວມຢ່າງພ້ອມພຽງ.

ທ່ານ ວິໄລ ໄຊຍະວົງສາ ຫົວໜ້າຂະແໜງຈັດຕັ້ງພະນັກງານ ແລະ ກວດກາ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການ ແຕ່ງຕັ້ງພະນັກງານ ສະບັບເລກທີ 1045/ຈຂ.ອປ, ລົງວັນທີ 04 ສິງຫາ 2020 ແລະ ສະບັບເລກທີ 1024/ຈຂ.ອປ ລົງວັນທີ 23 ກໍລະກົດ 2020. ແຕ່ງຕັ້ງພະນັກງານດໍຳລົງຕຳແໜ່ງໃໝ່ ເຊິ່ງມີລາຍຊື່ດັ່ງນີ້:
1. ທ່ານ ທິດສະໄໝ ຈັນທະກາລີ ຮອງຫົວໜ້າຂະແໜງການຈັດຕັ້ງປະຕິບັດຄຳຕັດສີນຂອງສານ ຂື້ນເປັນຫົວໜ້າຂະແໜງການຈັດຕັ້ງປະຕິບັດຄຳຕັດສີນຂອງສານ;
2. ທ່ານ ໂພທະສີນ ສະເຫຼີມສັກ ຮອງຫົວໜ້າຂະແໜງກົດໝາຍ ຂື້ນເປັນຫົວໜ້າຂະແໜງກົດໝາຍ;
3. ທ່ານ ນາງ ດວງເພັດ ແກ້ວເມກ ວິຊາການ ບໍລິຫານແຜນການ-ການເງີນ ແລະ ການຮ່ວມມືສາກົນ ຂື້ນເປັນຮອງຫົວໜ້າຂະແໜງບໍລິຫານແຜນການ-ການເງີນ ແລະ ການຮ່ວມມືສາກົນ;
4. ທ່ານ ທົງໄຊ ຈຳສີນ ຮອງຫົວໜ້າຂະແໜງໂຄສະນາເຜີຍແຜ່ກົດໝາຍ ເປັນຜູ້ວ່າການແທນຫົວໜ້າຂະແໜງໂຄສະນາເຜີຍແຜ່ກົດໝາຍ;
ໃນຕອນທ້າຍ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ອັດຕະປື ກໍ່ໄດ້ໃຫ້ກຽດໂອ້ລົມ ກ່ອນອື່ນທ່ານກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ແຕ່ລະຂະແໜງພາຍໃນພະແນກຍຸຕິທຳຍາດມາໄດ້ໃນໄລຍະຜ່ານມາ ແລະ ໄດ້ເນັ້ນໜັກໃຫ້ພະນັກງານທີ່ຖືກແຕ່ງຕັ້ງດຳລົງຕຳແໜ່ງໃໝ່ ຈົ່ງເອົາໃຈໃສ່ສືບຕໍ່ຊີ້ນຳ-ນຳພາ ທາງດ້ານການເມືອງ-ແນວຄິດ, ເຮັດໜ້າທີ່ວຽກງານວິຊາສະເພາະດ້ວຍຄວາມຮັບຜິດຊອບສູງ, ເຕົ້າໂຮມຄວາມສາມັກຄີພາຍໃນ ແລະ ປະຕິບັດຕາມພາລະບົດບາດ ສິດ, ໜ້າທີ່ຂອງຕົນ ຍາດໄດ້ຜົນງານທີ່ຫຍິ່ງໃຫຍ່ກວ່າເກົ່າ.

ບົດຂ່າວໂດຍ: ທົງໄຊ ຈຳສີນ
ຖ່າຍພາບ: ທິດເທວາ ຄົມມາລາ

ປະເພດຂ່າວ: