ພະແນກຍຸຕິທຳແຂວງ ອັດຕະປື ສະຫຼຸບແຜນກຳນົດພະນັກງານນຳພາ-ຄຸ້ມຄອງ ແຕ່ປີ 2016-2020 ແລະ ສ້າງແຜນກຳນົດ 2021-2025

Primary tabs

          ໃນວັນທີ 2 ກັນຍາ 2021 ນີ້, ພະແນກຍຸຕິທຳແຂວງ ອັດຕະປື ໄດ້ຈັດກອງປະຊຸມສະຫຼຸບແຜນກຳນົດພະນັກງານນຳພາ-ຄຸ້ມຄອງ(2016-2020) ແລະ ສ້າງແຜນກຳນົດພະນັກງານນຳພາ-ຄຸ້ມຄອງ (2021-2025). ໂດຍໃຫ້ກຽດເປັນປະທານຂອງ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ແລະ ໃຫ້ກຽດເຂົ້າຮ່ວມເປັນຄະນະປະທານຂອງ ທ່ານ ຄຳເສົາ ອຳມະສອນ ຮອງເລຂາໜ່ວຍພັກ, ຮອງຫົວໜ້າຄະນະຈັດຕັ້ງແຂວງ ມີຄະນະພັກ-ຄະນະນຳ, ມີພະນັກງານສະມາຊິກພັກ, ພະນັກງານ-ລັດຖະກອນພາຍໃນພະແນກຍຸຕິທຳແຂວງ, ແຂກຖືກເຊີນ, ພ້ອມດ້ວຍຄະນະຮັບຜິດຊອບຂັ້ນແຂວງ ເຂົ້າຮ່ວມ 24 ທ່ານ, ຍິງ 11 ທ່ານ.
อาจเป็นรูปภาพของ 8 คน, ผู้คนกำลังนั่ง, ผู้คนกำลังยืน และสถานที่ในร่ม
          ໃນພິທີ ທ່ານ ວັນນະເລດ ວິໄລພົນ ຮອງຫົວໜ້າພະແນກຍຸຕິທຳແຂວງໄດ້ ຂຶ້ນຜ່ານບົດສະຫຼຸບ ແຜນການກຳນົດພະນັກງານນຳພາ-ຄຸ້ມຄອງຂອງພະແນກຍຸຕິທຳແຂວງໃນໄລຍະ 5 ປີ (2016-2020) ແລະ ທິດທາງແຜນການ 2021-2025. ເຊິ່ງຍົກໃຫ້ເຫັນດ້ານຜົນສຳເລັດ ລວມທັງດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ໃນການຈັດຕັ້ງນຳພາ-ຄຸ້ມຄອງ, ກວດກາ, ປັບປຸງ, ການຍົກຍ້າຍ, ບັນຈຸສັບຊ້ອນເພື່ອປະກອບບັນຈຸພະນັກງານ-ລັດຖະກອນພາຍໃນພະແນກຍຸຕິທຳແຂວງ ອັດຕະປື ໃຫ້ມີຄວາມໜັກແໜ້ນ, ເຂັ້ມແຂງ ສາມາດສັງລວມໄດ້ຕາມເປົ້າໝາຍທີ່ວາງໄວ້. ນອກຈາກນີ້ ຜູ້ເຂົ້າຮ່ວມຍັງໄດ້ຮັບຟັງການເຊື່ອມຊຶມເອກະສານທີ່ກ່ຽວຂ້ອງເຊັ່ນ: ຄຳສັ່ງແນະນຳຂອງຄະນະປະຈຳພັກແຂວງ ວ່າດ້ວຍການສ້າງແຜນກຳນົດພະັນງານນຳພາ-ຄຸ້ມຄອງ ໃນທົ່ວແຂວງ ສະບັບເລກທີ 02/ຄປພຂ, ລົງວັນທີ 6 ພຶດສະພາ 2021, ບົດແນະນຳຂອງຄະນະຈັດຕັ້ງແຂວງ ສະບັບເລກທີ 172/ຄຈຂ, ລົງວັນທີ 9 ມີຖຸນາ 2021, ມະຕິຂອງກົມການເມືອງສູນກາງພັກ ວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ ສະບັບເລກທີ 030/ກມສພ, ລົງວັນທີ 03 ມັງກອນ 2018. ກອງປະຊຸມໄດ້ໃຊ້ສິດປະຊາທິປະໄຕ ທາບທາມຄັດເລືອກບຸກຄະລາກອນ ພະນັກງານນຳພາ-ຄຸ້ມຄອງ ໂດຍຜ່ານ ຮອບທີ 2 ແລະ ຮອບທີ 3 ເພື່ອຄັດເລືອກເອົາບຸກຄະລາກອນໃນຂະແໜງຍຸຕິທຳ ກຳນົດເຂົ້າໃນແຜນກຳນົດພະນັກງານນຳພາຄຸ້ມຄອງໃນ 5 ປີ ຕໍ່ໜ້າ (2021-2025) ໃຫ້ບັນລຸຕາມຄາດໝາຍທີ່ວາງໄວ້.
ຂ່າວ-ພາບ: ທົງໄຊ ຈຳສິນ
ປະເພດຂ່າວ: