ພະແນກຍຸຕິທຳແຂວງ ອັດຕະປື ລົງເຄື່ອນໄຫວວຽກງານຢູ່ເມືອງ ພູວົງ ແຂວງ ອັດຕະປື.

ໃນຕອນບ່າຍ ຂອງວັນທີ 21 ກັນຍາ 2020 ຜ່ານມາ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳ ແຂວງ ອັດຕະປື ໄດ້ລົງເຄື່ອນໄຫວຊຸກຍູ້ວຽກງານວິຊາສະເພາະ ຢູ່ຫ້ອງການຍຸຕິທຳເມືອງ ພູວົງ. ໂດຍມີທ່ານ ວັນນະສັກ ວິໄລເນືອງ ຫົວໜ້າຫ້ອງການຍຸຕິທຳເມືອງ ພູວົງ ພ້ອມດ້ວຍພະນັກງານເຂົ້າຮ່ວມທັງໝົດ 10 ທ່ານ, ຍິງ 3 ທ່ານ.
ຈຸດປະສົງ: ໃນການລົງເຄື່ອນໄຫວໃນຄັ້ງນີ້ ແມ່ນເພື່ອຊຸກຍູ້ວຽກງານຮອບດ້ານຂອງຫ້ອງການຍຸຕິທຳ, ຊຶ່ງແມ່ນຫົວໜ້າຫ້ອງການຍຸຕິທຳເມືອງກໍໄດ້ລາຍງານການເຄື່ອນໄຫວຈັດຕັ້ງປະຕິບັດວຽກງານກົດໝາຍ ແລະ ຍຸຕິທຳ ຂອງຫົວໜ້າຫ້ອງການຍຸຕິທຳເມືອງ ພູວົງ ໄລຍະ 9 ເດືອນຜ່ານມາ ພ້ອມທັງທິດທາງແຜນການທ້າຍປີ 2020. ນອກຈາກນີ້ທ່ານຫົວໜ້າພະແນກຍຸຕິທຳຍັງໄດ້ມອບອຸປະກອນຮັບໃຊ້ເຂົ້າໃນວຽກງານໂຄສະນາເຜີຍແຜ່ກົດໝາຍ ເຊິ່ງປະກອບມີ ຕູ້ລຳໂພງ 1 ເຄື່ອງ ແລະ ຊຸດຈໍແອວຊີດີ ທີ່ໄດ້ຮັບການຊ່ວຍເຫຼືອຈາກໂຄງການເຊກາ ໂດຍຜ່ານກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ.

ພາບ-ຂ່າວໂດຍ: ທົງໄຊ-ຈຳສີນ