ຫ້ອງການຍຸຕິທຳເມືອງຮຸນ, ແຂວງອຸດົມໄຊ ລົງເຄື່ອນໄຫວຊຸກຍູ້ວຽກງານຍຸຕິທຳຮາກຖານ ແລະ ໂຄສະນາເຜີຍແຜ່ກົດໝາຍ

Primary tabs

          ໃນລະຫວ່າງວັນທີ 15-17 ມິຖຸນາ 2022 ທ່ານ ພອນປະເສີດ ພັນທະວົງ ຮອງຫົວໜ້າຫ້ອງການຍຸຕິທຳເມືອງຮຸນ ພ້ອມດ້ວຍທີມງານ ໄດ້ລົງ ຊຸກຍູ້ວຽກງານຍຸຕິທຳຮາກຖານ ແລະ ໂຄສະນາເຜີຍແຜ່ກົດໝາຍ ຢູ່ບ້ານ ນາໂຄ້ງ ແລະ ບ້ານ ແຟນ, ເມືອງຮຸນ, ແຂວງອຸດົມໄຊ, ມີອົງການປົກຄອງບ້ານ, ແນວລາວສ້າງຊາດ, ໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານ ແລະ ປະຊາຊົນພາຍໃນບ້ານເຂົ້າຮ່ວມຮັບຟັງ.
อาจเป็นรูปภาพของ 12 คน
          ຈຸດປະສົງເພື່ອຊຸກຍູ້, ປັບປຸງໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານ, ປະເມີນຄອບຄົວ ແລະ ບ້ານແບບຢ່າງປະຕິບັດກົດໝາຍ ແລະ ໂຄສະນາເຜີຍແຜ່ກົດໝາຍໃຫ້ ປະຊາຊົນພາຍໃນບ້ານໄດ້ຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ, ລັດຖະທຳມະ ນູນ, ກົດໝາຍ, ລະບຽບການຂອງລັດທີ່ວ່າງອອກແຕ່ລະໄລຍະ, ປູກຈິດສຳນຶກໃຫ້ປະຊາຊົນມີສະຕິເຄົາລົບ ແລະ ປະຕິບັດກົດໝາຍຢ່າງເຂັ້ມງວດ.
          ກົດໝາຍທີ່ນຳໄປໂຄສະນາເຜີຍແຜ່ໃນຄັ້ງນີ້ ມີບາງມາດຕາຂອງລັດຖະທຳມະນູນ, ປະມວນກົດໝາຍອາຍາປະມວນກົດໝາຍແພງ, ດໍຳລັດວ່າດ້ວຍການໄກ່ເກ່ຍຂໍ້ຂັດແຍ່ງຂັ້ນບ້ານ, ຂໍ້ຕົກລົງຂອງລັດຖະມົນຕີວ່າດ້ວຍການສ້າງຄອບຄົວ ແລະ ບ້ານແບບຢ່າງປະຕິບັດກົດໝາຍ ແລະ ຄຳແນະນຳວ່າດ້ວຍການຊ່ວຍເຫຼືອທາງດ້ານກົດໝາຍ, ໃນການໂຄສະນາເຜີຍແຜ່ໃນຄັ້ງນີ້ ເຫັນວ່າປະຊາຊົນມີຄວາມສົນໃຈ ແລະ ໄດ້ຍົກເອົາບັນຫາ ຫຼື ຂໍ້ຂ້ອງໃຈຂື້ນມາສົນທະນາ ທີມງານໂຄສະນາອະທິບາຍ, ຊີ້ແຈ້ງ ແລະ ໃຫ້ຄວາມເຫັນທາງດ້ານກົດໝາຍ.
ຂຽນຂ່າວ: ກັນຫາ ອິນສົມພອນ
ຖ່າຍພາບ: ຄຳ ບຸນທະລົງ
ປະເພດຂ່າວ: