ໜ່ວຍສະຫະພັນແມ່ຍິງ ພະແນກຍຸຕິທຳແຂວງ ອຸດົມໄຊ ສະຫຼຸບຂະບວນການແຂ່ງຂັນ 3 ດີ ປະຈຳປີ 2020.

          ກອງປະຊຸມສະຫຼຸບຕີລາຄາຈັດຕັ້ງປະຕິບັດຂໍ້ແຂ່ງຂັນ 3 ດີ ຂອງໜ່ວຍສະຫະພັນແມ່ຍິງ ພະແນກຍຸຕິທຳແຂວງ ອຸດົມໄຊ ໄດ້ຈັດຂຶ້ນໃນວັນທີ 11 ກຸມພາ 2021 ຢູ່ພະແນກຍຸຕິທຳແຂວງ ໂດຍ ສະຫາຍ ສອນສຸວັນ ປັນຍາວົງ ຫົວໜ້າພະແນກຍຸຕິທຳແຂວງ, ສະຫາຍ ນາງ ວັນທອງ ວັນນະລາດ ຮອງປະທານຄະນະບໍລິຫານງານສະຫະພັນແມ່ຍິງແຂວງ ແລະ ພາສ່ວນທີ່ກ່ຽວຂ້ອງເຂົ້າຮ່ວມ.
อาจเป็นรูปภาพของ 10 คน, ผู้คนกำลังนั่ง และสถานที่ในร่ม
          ສະຫາຍ ນາງ ທອງພຸດ ປັນຍາສັກ ຫົວໜ້າໜ່ວຍສະຫະພັນແມ່ຍິງພະແນກຍຸຕິທຳແຂວງ ຜ່ານບົດສະຫຼຸບການຈັດຕັ້ງຂໍ້ແຂ່ງຂັນ 3 ດີ ປະຈຳປີ 2020 ເປັນການຕີລາຄາຄືນກ່ຽວກັບການຈັດຕັ້ງປະຕິບັດວຽກງານໃນໄລຍະຜ່ານມາ ເພື່ອຊອກໃຫ້ເຫັນດ້ານດີ, ດ້ານອ່ອນ ແລະ ຂໍ້ຄົງຄ້າງທີ່ຈະຕ້ອງໄດ້ປັບປຸງໃນຕໍ່ໜ້າ. ຈາກນັ້ນ, ກໍໄດ້ມອບໃບຢັ້ງຢືນສະຫະພັນແມ່ຍິງ 3 ດີ ໃຫ້ໜ່ວຍແມ່ຍິງສະຫະພັນແມ່ຍິງພະແນກຍຸຕິທຳແຂວງ ອຸດົມໄຊ ໃຫ້ກຽດມອບໂດຍ ສະຫາຍ ນາງ ທອງພຸດ ປັນຍາສັກ.
ຂຽນຂ່າວໂດຍນາງ ພູຄຳ ຫັດສະດີ
ຖ່າຍພາບ ບຸນມີ ອິນທະວົງ
ປະເພດຂ່າວ: