ພິທີປາຖະກະຖາ 5 ວັນປະຫວັດສາດສໍາຄັນຂອງຊາດ, ຂອງພັກ ທີ່ ແຂວງ ໄຊຍະບູລີ

Primary tabs

          ໃນວັນທີ 31 ສິງຫາ 2021 ເວລາ 08:00 ໂມງ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ໄຊຍະບູລີ ໄດ້ຈັດພິທີປາຖະກະຖາ 5 ວັນປະຫວັດສາດສໍາຄັນ ຂອງຊາດ, ຂອງພັກ ພາຍໃຕ້ການເປັນປະທານຂອງ ທ່ານ ກາວີ ເກດດົມລິ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ, ມີຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານວິຊາການເຂົ້າຮ່ວມຢ່າງພ້ອມພຽງ.
          ໃນພິທີ ທ່ານ ກາວີ ເກດດົມລິ ກໍາມະການພັກແຂວງ ຫົວໜ້າ ພະແນກຍຸຕິທໍາ ໃຫ້ກຽດປາຖະກະຖາ 5 ເອກະສານຄື:
- ວັນສ້າງຕັ້ງລັດຖະທໍາມະນູນແຫ່ງຊາດ ຄົບຮອບ 30 ປີ ( 15 ສິງຫາ 1991 - 15 ສິງຫາ 2021);
- ວັນສ້າງຕັ້ງແນວລາວສ້າງຊາດຄົບຮອບ 71 ປີ ( 13 ສິງຫາ 1950 - 13 ສິງຫາ 2021 );
- ວັນສ້າງຕັ້ງສື່ມວນຊົນ ແລະ ວັນການພີມຈໍາໜ່າຍ ຄົບຮອບ 71 ປີ ( 13 ສິງຫາ 1950 - 13 ສິງຫາ 2021);
- ວັນຍືດອໍານາດ ທົ່ວປະເທດ ຄົບຮອບ 46 ປີ ( 23 ສິງຫາ 1975 - 23 ສິງຫາ 2021 ແລະ ວັນຍືດອໍານາດແຂວງ ໄຊຍະບູລີ  6 ສິງຫາ 1975 - 6 ສິງຫາ 2021 );
- ວັນສ້າງຕັ້ງສານປະຊາຊົນ ຄົບຮອບ 39 ປີ ( 15 ສິງຫາ 1982 – 15 ສິງຫາ 2021 ).
          ຈຸດປະສົງ ເພື່ອໃຫ້ສະມາຊິກພັກ, ພະນັກງານ-ລັດຖະກອນໄດ້ຮັບຮູ້, ເຂົ້າໃຈ ແລະ ຍົກສູງນໍ້າໃຈຮັກຊາດ ຮັກບ້ານເກີດເມືອງນອນ ຮັກລະບອບການເມືອງ ເຊື່ອໝັ້ນແນວທາງການປ່ຽນແປງໃໝ່, ມີສະຕິເຄົາກົດໝາຍ ເພີ້ມທະວີຄວາມສາມັກຄີ ທົ່ວພັກ-ທົ່ວປວງຊົນ ເຊີດຊູບົດບາດການນໍາພາຂອງພັກ.
ຂ່າວ - ພາບ: ຄໍເຕີ້ ພວງຂຸນທອງ
ປະເພດຂ່າວ: