ຮອງຫົວໜ້າພະແນກຍຸຕິທໍາແຂວງ ໄຊຍະບູລີ ລົງຕິດຕາມຊຸກຍູ້ຊຸດຝຶກອົບຮົມກົດໝາຍ 45 ວັນ

Primary tabs

          ໃນວັນທີ 27 ເມສາ 2022 ຜ່ານມາ ທ່ານ ສົມລິດ ອ່ອນຕາ ຮອງຫົວໜ້າພະແນກຍຸຕິທໍາແຂວງ ໄຊຍະບູລີ ໄດ້ລົງຕິດຕາມຊຸດຝຶກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ທີ່ສະໂມສອນຫ້ອງການບ້ານ ທ່ານາ ເມືອງ ໄຊຍະບູລີ, ມີຄະນະຮັບຜິດຊອບຊຸດຝຶກອົບຮົມ ແລະ ນັກຝຶກອົບຮົມ ໃຫ້ກຽດຕ້ອນຮັບ.
อาจเป็นรูปภาพของ 3 คน, ผู้คนกำลังนั่ง และ ผู้คนกำลังยืน
          ໃນໂອກາດທີ່ລົງຊຸກຍູ້ໃນຄັ້ງນີ້ ທ່ານ ຮອງຫົວໜ້າພະແນກຍຸຕິທໍາ ກໍໄດ້ຂຶ້ນຫ້ອງບັນຍາຍເອກະສານໃຫ້ນັກຝຶກອົບຮົມ ຈຳນວນ 2 ເອກກະສານມີ ລັດຖະທໍາມະນູນ ແລະ ແບບຮຽນສໍາລັບ ພະນັກງານຫຼັກແຫຼ່ງ ສະບັບປັບປຸງ ປີ 2019, ຊຶ່ງທ່ານ ໄດ້ສະເໜີປະຫວັດຄວາມເປັນມາ, ຍົກໃຫ້ເຫັນການກໍາເນີດເກີດຂຶ້ນຂອງ ລັດຖະທໍໍາມະນູນ, ຄວາມໝາຍ ຄວາມສໍາຄັນ, ທາດແທ້, ລັກສະນະ ແລະ ບົດບາດ ຂອງ ລັດຖະທໍາມະນູນ ຂອງ ສປປ ລາວ ຊຶ່ງເປັນ ກົດໝາຍພື້ນຖານ ແມ່ນ ໝາກຜົນຂອງການຕໍ່ສູ້ກູ້ຊາດ, ໝາກຜົນຂອງການປະຕິວັດ, ແມ່ນການຫັນແນວທາງປ່ຽນແປງໃໝ່ຮອບດ້ານທີ່ມີຫຼັກການຂອງພັກ ມາເປັນກົດໝາຍພື້ນຖານຂອງປະຊາຊົນ ຊຶ່ງເປັນເຫດການທາງດ້ານການເມືອງຂອງຊາດ ແລະ ເປັນຂີດໝາຍແຫ່ງການຫັນໄປສູ່ການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ແມ່ນໝາກຜົນລວມຍອດແຫ່ງສະຕິປັນຍາ ແລະ ການປະກອບຄໍາເຫັນຂອງປະຊາຊົນໃນທົ່ວປະເທດ ທີ່ສ່ອງແສງເຖິງເຈດຈໍານົງອັນສູງສົ່ງ ຍາວນານ ແລະ ຄວາມຕັດສີນໃຈຂອງວົງຄະນະຍາດແຫ່ງຊາດ ທີ່ຈະພ້ອມກັນສູ້ຊົນ ເພື່ອບັນລຸຈຸດໝາຍ ສ້າງປະເທດ ໃຫ້ເປັນປະເທດ ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນະຖາວອນ, ຊຶ່ງໄດ້ ກຳນົດ ລະບອບການເມືອງ, ເສດຖະກິດ-ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດ, ສິດ ແລະ ພັນທະພື້ນຖານຂອງພົນລະເມືອງ, ລະບົບການຈັດຕັ້ງ ກົງຈັກລັດໃນໄລຍະໃໝ່.
ຂ່າວ-ພາບ: ທ. ຄໍເຕີ້ ພວງຂຸນທອງ
ປະເພດຂ່າວ: