ພະແນກຍຸຕິທຳ ແຂວງໄຊສົມບູນ ຈັດກອງປະຊຸມ ປະເມີນຜົນການຈັດຕັ້ງປະຕິບັດວຽກງານຂອງຄະນະພະແນກ ປະຈຳປີ 2020

          ໃນຕອນເຊົ້າຂອງວັນທີ 12 ມັງກອນ 2021  ພະແນກຍຸຕິທໍາແຂວງ ໄຊສົມບູນ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດວຽກງານຂອງຄະນະພະແນກຂຶ້ນ ຢູ່ທີ່ຫ້ອງປະຊຸມຂອງສານປະຊາຊົນແຂວງ ໂດຍການເປັນປະທານຂອງ ທ່ານ ບູນສຸກ ຈອມວິສານ ປະທານສະພາປະຊາຊົນແຂວງ ໄຊສົມບູນ, ຜູ້ຊີ້ນໍາວຽກຍຸຕິທໍາ, ມີຄະນະຮັບຜິດຊອບການປະເມີນຂັ້ນແຂວງ, ມີຫົວໜ້າ, ຄະນະພະແນກ ແລະ ຫົວໜ້າ-ຮອງຫົວໜ້າຂະແໜງພາຍໃນພະແນກຍຸຕິທຳເຂົ້າຮ່ວມທັງໝົດ 18 ທ່ານ, ຍິງ  3 ທ່ານ.

          ທ່ານ ອຸດອນ ສິງດາລາ ຫົວໜ້າພະແນກຍຸຕິທໍາແຂວງ ໄດ້ຂຶ້ນມີຄໍາເຫັນຕໍ່ກອງປະຊຸມ. ຈາກນັ້ນ, ຄະນະແນກຍຸຕິທໍາແຂວງທັງ 3 ທ່ານ ກໍໄດ້ຂຶ້ນຜ່ານບົດປະເມີນຜົນການຈັດຕັ້ງປະຕິບັດວຽກງານ ປະຈໍາປີ 2020  ພ້ອມທັງຍົກໃຫ້ເຫັນຜົນງານດ້ານດີ, ດ້ານອ່ອນ, ຂໍ້ຄົງຄ້າງ ແລະ ວິທີແກ້ໄຂໃນຕໍ່ ໜ້າ ເພື່ອໃຫ້ຜູ້ເຂົ້າຮ່ວມກອງປະຊຸມໄດ້ປະກອບຄໍາຄິດຄໍາເຫັນ ໃສ່ບົດປະເມີນຜົນການຈັດຕັ້ງປະຕິບັດວຽກງານຂອງແຕ່ລະທ່ານ ພ້ອມທັງລົງຄະແນນໃສ່ແບບຟອມການປະເມີນຜົນການຈັດຕັ້ງປະຕິບັດວຽກງານ ປະຈໍາປີ 2020 ຢ່າງກົງໄປກົງມາ.

          ຕອນທ້າຍ ທ່ານປະທານກອງປະຊຸມ ກໍໄດ້ມີຄໍາເຫັນໂອ້ລົມ ແລະ ໄດ້ເນັ້ນໜັກໃຫ້ ຄະນະພັກ, ຄະນະພະແນກ ຈົ່ງຊີ້ນໍາ-ນໍາພາ ພະນັກງານ-ລັດຖະກອນພາຍໃນພະແນກຍຸຕິທໍາ, ເອົາໃຈໃສ່ປະຕິບັດກົດໝາຍວ່າດ້ວຍພະນັກງານ-ລັດຖະກອນ ແລະ ປະຕິບັດໜ້າທີ່ວຽກງານຂອງຕົນດ້ວຍຄວາມຮັບ ຜິດຊອບສູງ.

  ຂຽນຂ່າວ: ຄຳພັນ ລີໄຊຫວ່າງ; ຖ່າຍພາບ: ຫົງທອງ ອຸ່ນທະວີສັກ

ປະເພດຂ່າວ: