ຂ່າວການເຄື່ອນໄຫວ ແລະ ບົດຄວາມອື່ນໆ

ສະພາທະນາຍຄວາມ ສ້າງຂະບວນການຕ້ອນຮັບກອງປະຊຸມໃຫຍ່ ຂອງຕົນ

ໃນວັນທີ 20 ພະຈິກ 2020 ສະພາທະນາຍຄວາມລາວ ໄດ້ສ້າງຂະບວນການແຂ່ງຂັນກິລາເປຕັ້ງ ຂຶ້ນຢູ່ທີ່ສະໜາມກິລາໃນຮົ່ມກົມໃຫຍ່ພາລາທິການກອງທັບ. ໂດຍມີ ທ່ານ ບຸນທາ ຊົງເຢີທ່າວ ຮອງເລຂາຄະນະບໍລິຫານງານພັກ, ຫົວໜ້າກົມຈັດຕັ້ງ, ກະຊວງຍຸຕິທຳ; ທ່ານ ສຸລິຍາ ສີດາວົງ ກຳມະການຄະນະບໍລິຫານງານພັກ, ເລຂາຄະນະບໍລິຫານງານຊາວໜຸ່ມກະຊວງຍຸຕິທຳ; ທ່ານ ຄຳໃສ ສຸລິນທອງ ເລຂາໜ່ວຍພັກ, ປະທານສະພາທະນາຍຄວາມລາວ, ທ່ານ ວໍລັດສະໝີ ສຸລິປະພັນ ຮອງເລຂາໜ່ວຍພັກສະພາທະນາຍຄວາມລາວ ເຂົ້າຮ່ວມ.

ກອງປະຊຸມເຜີຍແຜ່ບົດຄົ້ນຄວ້າ ກ່ຽວກັບຄວາມສະເໝີພາບຍິງ-ຊາຍ ໂດຍຜ່ານຄະນະແກ້ໄຂຂໍ້ຂັດແຍ່ງຂັ້ນບ້ານ

ກອງປະຊຸມໄດ້ຈັດຂຶ້ນໃນຕອນບ່າຍຂອງວັນທີ 12 ພະຈິກ 2020 ທີ່ຫ້ອງປະຊຸມຂອງກະຊວງຍຸຕິທຳ ໂດຍການເປັນປະທານຂອງທ່ານ ປອ. ຈອມຄຳ ບຸບຜາລີວັນ ຫົວໜ້າກົມສົ່ງເສີມລະບົບຍຸຕິທຳ ກະຊວງຍຸຕິທຳ, ເຂົ້າຮ່ວມມີ ຫົວໜ້າກົມ-ຮອງຫົວໜ້າ, ຫົວໜ້າພະແນກ-ຮອງພະແນກ ແລະ ພະນັກງານວິຊາການກົດໝາຍ ຕາງໜ້າຈາກບັນດາກົມພາຍໃນກະຊວງຍຸຕິທຳ ແລະ ອົງການຈັດຕັ້ງສາກົນ ເຂົ້າຮ່ວມທັງໝົດຈຳນວນ 31 ທ່ານ, ຍິງ 17 ທ່ານ.

ຮັບສະມາຊິກສະພາທະນາຍຄວາມໃໝ່ ຊຸດທີ 16 ປະຈຳປີ 2020

ໃນຕອນເຊົ້າຂອງວັນທີ 4 ພະຈິກ 2020 ຜ່ານມາ ທີ່ສະໂມສອນກະຊວງຍຸຕິທຳ ໄດ້ມີການຈັດພິທີຮັບສະມາຊິກສະພາທະນາຍຄວາມ ຊຸດທີ 16 ປະຈຳປີ 2020 ໂດຍການເປັນປະທານຮ່ວມຂອງທ່ານ ປອ. ຈອມຄຳ ບຸບຜາລີວັນ ຫົວໜ້າກົມສົ່ງເສີມລະບົບຍຸຕິທຳ, ທ່ານ ຄຳໃສ ສຸລິນທອນ ປະທານສະພາທະນາຍຄວາມລາວ ແລະ ທ່ານ ວໍລັດສະໝີ ສິລິປະພັນ ຮອງປະທານສະພາທະນາຍຄວາມລາວ, ມີບັນດາທ່ານສະມາຊິກທະນາຄວາມ ແລະ ແຂກຖືກເຊີນເຂົ້າຮວ່ມທັງໝົດຈຳນວນ 70 ທ່ານ, ຍິງ 15 ທ່ານ.

ຮອງຫົວໜ້າກົມສົ່ງເສີມລະບົບຍຸຕິທຳລົງຕິດຕາມ, ຊຸກຍູ້ ວຽກງານໂຄງການທົດລອງປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ຢູ່ແຂວງ ສະຫວັນນະເຂດ.

ໃນລະຫວ່າງວັນ 09-12 ກໍລະກົດ 2019 ຜ່ານມານີ້ ທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ ກະຊວງຍຸຕິທຳ ພ້ອມດ້ວຍຄະນະ ຮ່ວມກັບອົງການຢູນິເຊັບ (UNICEF) ໄດ້ລົງຕິດຕາມ, ຊຸກຍູ້ ວຽກງານໂຄງການທົດລອງການປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ຢູ່ແຂວງ ສະຫວັນນະເຂດ ຫົວໜ້າຄະນະລົງຕິດຕາມໃນຄັ້ງນີ້ແມ່ນ ທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ນາງ ຈອນສີ ຄຳດອກທອງ ຫົວໜ້າພະແນກທະບຽນຄອບຄົວ ແລະ ຍຸຕິທຳເດັກ, ຜູ້ຕາງໜ້າອົງການຢູນິເຊັບ ປະຈຳ ສປປ ລາວ ພ້ອມດ້ວຍຄະນະຮັບຜິດຊອບຂັ້ນແຂວງ, ຂັ້ນເມືອງ, ນະຄອນ.

ກົມສົ່ງເສີມລະບົບຍຸຕິທຳເປີດຝຶກອົບຮົມວຽກງານແກ້ໄຂຂໍ້ຂັດແຍ່ງຂັ້ນບ້ານ ແລະ ວຽກງານຊ່ວຍເຫຼືອທາງດ້ານກົດໝາຍ ທີ່ແຂວງອຸດົມໄຊ

ກົມສົ່ງເສີມລະບົບຍຸຕິທຳ, ກະຊວງຍຸຕິທຳ ໂດຍການສະໜັບສະໜູນຂອງອົງການມູນນິທິເອເຊຍປະຈຳ ສປປ ລາວ ໄດ້ເປີດຊຸດຝຶກອົບຮົມຄູຝຶກວຽກງານການແກ້ໄຂຂໍ້ຂັດແຍ່ງຂັ້ນບ້ານ ແລະ ວຽກງານຊ່ວຍເຫຼືອທາງດ້ານກົດໝາຍຂຶ້ນ ໃນວັນທີ 17 ທັນວາ 2018 ທີ່ຫ້ອງປະຊຸມພະແນກຍຸຕິທຳແຂວງອຸດົມໄຊ ໂດຍການເປັນປະທານຮ່ວມຂອງ ທ່ານ ວິກອນ ບຸນວິໄລ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ຄຳແສນ ຊາວມົ້ງວື້ ຫົວໜ້າພະແນກຍຸຕິທຳແຂວງອຸດົມໄຊ, ແລະ ທ່ານ ນາງ ວາດສະໜາ ສິນທະວົງ ພ້ອມດ້ວຍນັກຝຶກອົບຮົມທັງໝົດ 33 ທ່ານ, ຍິງ 6 ທ່ານ ຊຶ່ງມາຈາກ ພະແນກຍຸຕິທຳແຂວງ ແລະ ບັນດາຫ້ອງການຍຸຕິທຳເມືອງ.

ໂຄງການທົດລອງການປ້ອງກັນ ແລະ ການແກ້ໄຂການກະທຳຜິດຂອງເດັກຢູ່ນະຄອນຫຼວງໄກສອນພົມວິຫານ ໄດ້ຮັບການຝຶກອົບຮົມ

    ໃນວັນທີ 4 ທັນວາ 2018 ກົມສົ່ງເສີມລະບົບຍຸຕິທໍາ, ກະຊວງຍຸຕິທຳ ໂດຍການສະໜັບສະໜູນຂອງອົງການສະຫະປະຊາຊາດສຳລັບເດັກ (ຢູນິເຊັບ) ໄດ້ເປີດຊຸດຝຶກອົບຮົມວຽກງານໂຄງການທົດລອງການປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ທີ່ຫ້ອງປະຊຸມພະແນກຍຸຕິທຳແຂວງສະຫວັນນະເຂດ ໂດຍການເປັນກຽດເຂົ້າຮ່ວມເປັນປະທານຂອງທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ອຸໄພວັນ ໄຊຍະວົງ ຫົວໜ້າພະແນກຍຸຕິທຳແຂວງສະຫວັນນະເຂດ ແລະ ທ່ານ ນາງ ຈອນສີ ຄຳດອກທອງ ຫົວໜ້າພະແນກທະບຽນຄອບຄົວ ແລະ ຍຸຕິທຳເດັກ ກົມສົ່ງເສີມລະບົບຍຸຕິທຳ ກະຊວງຍຸຕິທຳ ພ້ອມດ້ວຍນັກຝຶກອົບຮົມທັງໝົດ 30 ທ່ານ, ຍິງ 5 ທ່ານ ຊຶ່ງມາຈາກ ພະແນກຍຸຕິທຳແຂວງ, ຫ້ອ

ໜ່ວຍຊາວໜຸ່ມ ກົມສົ່ງເສີມລະບົບຍຸຕິທຳ ກະຊວງຍຸຕິທຳ ລະດົມທຶນ ແລະ ມອບເຄື່ອງຊ່ວຍເຫຼືອໃຫ້ຜູ້ປະສົບໄພນ້ຳຖ້ວມ ແລະ ຊ່ວຍເຫຼືອສັງຄົມ

    ໂດຍ​ອີງ​ຕາມ​ແຈ້ງ​ການ ສະບັບ​​ເລກ 74/ກຍ.ຄຊປປລ, ລົງ​ວັນ​ທີ 08 ທັນວາ 2017 ວ່າ​ດ້ວຍ​ການ​ປຸກລະດົມ​ວັດຖຸ​ປັດ​ໄຈ​ເພື່ອ​ຊ່ວຍ​ເຫຼືອຜູ້​ປະສົບ​ໄພ​ນ້ຳ​ຖ້ວມ​ຢູ່ ສສ ຫວຽດນາມ ​ແລະ ຕ້ານ​ໄພ​ໜາວຢູ່​ເຂດ​ຫ່າງ​ໄກ​ສອກຫຼີກ ຢູ່ ສປປ ລາວ ​ແລະ ອີງ​ຕາມ​ແຈ້ງ​ການ​​ກ່ຽວກັບ ການ​ຮ່ວມ​ປະກອບສ່ວນ​ບໍລິຈາກ​ເຄື່ອງນຸ່ງຫົ່ມ ​ແລະ ອຸປະກອນ​ຮັບ​ໃຊ້ ​ເພື່ອ​ຊ່ວຍ​ເຫຼືອສັງຄົມ.

ໜ່ວຍກຳມະບານ ກົມສົ່ງເສີມລະບົບຍຸຕິທຳ ກະຊວງຍຸຕິທຳ ລະດົມທຶນ ແລະ ມອບເຄື່ອງຊ່ວຍເຫຼືອໃຫ້ຜູ້ຢູ່ຫ່າງໄກສອກຫຼີກ ແລະ ປະສົບໄພນຳຖ້ວມ

     ​​ໂດຍ​ອີງ​ຕາມ​ແຈ້ງ​ການ ສະບັບ​​ເລກ 73/ກຍ.ສພບ, ລົງ​ວັນ​ທີ 11 ທັນວາ 2017 ວ່າ​ດ້ວຍ​ການ​ອຸປະຖຳ​ເປັນ​ວັດຖຸ ​ແລະ ​ປັດ​ໃຈ ​ເພື່ອ​ອວຍພອນ ​ແລະ ມອບ​ຂອງ​ຂວັນ ​ໃຫ້​ນາຍ-ພົນທະຫານ ທີ່​ພວມ​ປະຕິບັດໜ້າທີ່ ຢຸ່​ເຂດ​ຫ່າງ​ໄກ​ສອກຫຼີກ ​ໃນ​ໂອກາດ​ວັນ​ສ້າງ​ຕັ້ງ​ກອງທັບ​ປະຊາຊົນ​ລາວ ຄົບຮອບ 69 ​ປີ ​ແລະ ອີງ​ຕາມ​ແຈ້ງ​ການ​ສະບັບ​ເລກທີ 75/ກຍ.ສພບ, ລົງ​ວັນ​ທີ 20 ທັນວາ 2017 ວ່າ​ດ້ວຍ ການ​ຂໍ​ລະດົມ​ທຶນ​ເພື່ອ​ຊ່ວຍ​ເຫຼືອ​ໄພ​ນ້ຳ​ຖ້ວມ ຢູ່ ສສ ຫວຽດນາມ.

ຈັດຝຶກອົບຮົມວຽກງານການເອົາເດັກໄປເປັນລູກລ້ຽງ ໃຫ້ແກ່ຄະນະຮັບຜິດຊອບຂັ້ນເມືອງ

     ເພື່ອສ້າງຄວາມເປັນເອກະພາບໃນການຈັດຕັ້ງປະຕິບັດວຽກງານການເອົາເດັກໄປເປັນລູກລ້ຽງ ໃຫ້ຖືກຕ້ອງຕາມກົດໝາຍ ແລະ ເພື່ອເປັນການສ້າງຄວາມເຂັ້ມແຂງໃຫ້ຄະນະຮັບຜິດຊອບພິຈາລະນາການເອົາເດັກໄປ ເປັນລູກລ້ຽງຂັ້ນເມືອງ ໃນຂອບເຂດທົ່ວປະເທດ ໃນລະຫວ່າງວັນທີ 24-28 ກໍລະກົດ  2017 ຜ່ານມານີ້, ກົມສົ່ງເສີມລະບົບຍຸຕິທໍາ ໄດ້ຈັດຝຶກອົບຮົມວຽກງານການເອົາເດັກໄປເປັນລ້ຽງ ໃຫ້ແກ່ຄະນະຮັບຜິດຊອບພິຈາລະນາ ການເອົາເດັກໄປເປັນລູກລ້ຽງຂັ້ນເມືອງ ຈັດຂຶ້ນທີ່ ເມືອງວັງວຽງ, ແຂວງວຽງຈັນ ໂດຍການເປັນປະທານຂອງ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທຳ ມີຜູ້ເຂົ້າຮ່ວມທີ່ມາຈາກຂະແໜງການທີ່ກ່ຽວ ຂ້ອງຂອງບັນດາເມືອງໃນນະຄອນຫຼວງວຽງຈັນ ແລະ ແຂວງ ຊຽງຂວາ

ກອງປະຊຸມປຶກສາຫາລື ເພື່ອສ້າງກົນໄກ ແລະ ຖອດຖອນບົດຮຽນກ່ຽວກັບວຽກງານການເອົາເດັກໄປເປັນລູກລ້ຽງ

     ກົມສົ່ງເສີມລະບົບຍຸຕິທໍາ, ກະຊວງຍຸຕິທໍາ ໄດ້ຈັດກອງປະຊຸມປຶກສາຫາລືເພື່ອສ້າງກົນໄກ ແລະ ຖອດຖອນບົດຮຽນກ່ຽວກັບວຽກງານການເອົາເດັກໄປເປັນລູກລ້ຽງ ໃນວັນທີ 10 -11  ກໍລະກົດ 2017 ທີ່ໂຮງແຮມເມີກຽວ ໃຫ້ກຽດເປັນປະທານຂອງ ທ່ານ ບຸນສະຫວາດ ບຸບຜາ ຮອງລັດຖະມົນຕີກະຊວງຍຸຕິທໍາ, ມີບັນດາທ່ານຜູ້ຕ່າງໜ້າຈາກພາກສ່ວນທີ່ກ່ຽວຂ້ອງ ແລະ ອົງການ UNICEF ເຂົ້າຮ່ວມ.

Pages