ຂ່າວການເຄື່ອນໄຫວ ແລະ ບົດຄວາມອື່ນໆ

ຜູ້ປະສານງານຂອງພະແນກຍຸຕິທຳທ້ອງຖິ່ນ ໄດ້ຮັບການຍົກລະດັບຄວາມຮູ້ກ່ຽວກັບ ເຕັກນິກການໂຄສະນາກົດໝາຍ ແລະ ວຽກງານເວັບໄຊກະຊວງຍຸຕິທຳ

     ພາຍຫຼັງທີ່ນັກສຳມະນາກອນ ກໍຄືຜູ້ປະສານງານທ້ອງຖິ່ນທີ່ມາຈາກພະແນກຍຸຕິທຳບັນດາແຂວງພາກກາງ ໄດ້ສຳເລັດການເຂົ້າຮ່ວມຝຶກອົບຮົມຕາໜ່າງໂຄສະນາກົດໝາຍ ແລະ ເວັບໄຊກະຊວງຍຸຕິທຳ ໃນວັນທີ 23 ມີນາ ທີ່ ຜ່ານມາ, ຊຶ່ງຜູ້ເຂົ້າຮ່ວມໄດ້ຮັບການຍົກລະດັບຄວາມຮູ້-ຄວາມສາມາດທາງດ້ານເຕັກນິກການໂຄສະນາກົດໝາຍ, ວິທີການຂຽນຂ່າວປະເພດຕ່າງໆ ແລະ ວິທີການລຳລຽງ ຫຼື ປ້ອນຂໍ້ມູນຂ່າວສານມາສູ່ສູນກາງ ກໍຄືກະຊວງຍຸຕິທຳ ໃຫ້ຫຼາຍຂຶ້ນ.

ກົມໂຄສະນາເຜີຍແຜ່ກົດໝາຍ, ກະຊວງຍຸຕິທຳ ຕ້ອນຮັບ ທ່ານຜູ້ຕາງໜ້າ ສະຫະພາບ ເອີຣົບ ປະຈຳລາວ

     ໃນອາທິດຜ່ານມາ ທ່ານ ພູທອນ ແກ້ວດວງມະນີ ຫົວໜ້າກົມໂຄສະນາເຜີຍແຜ່ກົດໝາຍ, ກະຊວງຍຸຕິທຳ ພ້ອມດ້ວຍຄະນະ ໄດ້ຕ້ອນຮັບການເຂົ້າພົບປະຂອງທ່ານ ນາງ ໂອເດຣ ເມເຢິດ (Audred MILLOT) ຜູ້ຕາງ ໜ້າສະຫະພາບເອີຣົບ ປະຈໍາລາວ ພ້ອມດ້ວຍຄະນະ ຢູ່ທີ່ກົມໂຄສະນາເຜີຍແຜ່ກົດໝາຍ.

ກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ ຕ້ອນຮັບການພົບປະ ແລກປຽ່ນບົດຮຽນວຽກງານສື່ສິ່ງພິມ ກັບຄະນະບັນນາທິການໜັງສືພິມກົດໝາຍ ແຫ່ງ ສສ ຫວຽດນາມ

     ໃນຕອນບ່າຍຂອງວັນທີ 24 ກຸມພາ 2017 ທີ່ກະຊວງຍຸຕິທຳ ທ່ານ ນາງ ສີ​ສຸດາ ​ໂສພາ​ວັນ​ດີ ຮອງ​ຫົວໜ້າກົມ​ໂຄສະນາ​ເຜີຍ​ແຜ່​ກົດໝາຍ ກະຊວງ​ຍຸຕິ​ທຳ ພ້ອມ​ດ້ວຍ​ຄະນະ,  ໄດ້ຕ້ອນຮັບການພົບ​ປະ​ ແລກປຽ່ນບົດ​ຮຽນ ວຽກງານ​ສື່ສິ່ງພິມ ນຳພາໂດຍ ທ່ານ ດ້າວ ວັນ ​ໂຮ້ຍ ຫົວໜ້າບັນນາທິການ​ໜັງສື​ພິມ​ກົດໝາຍ ​ແຫ່ງ ສສ ຫວຽດນາມ ພ້ອມ​ດ້ວຍ​ຄະນະ ​ເນື່ອງ​​ໂອກາດທີ່​ເດີນທາງ​ມາ​ຢຽ້ມຢາມ ​ແລະ ​ເຮັດ​ວຽກ ຢູ່ ສປປ ລາວ.

ເມືອງສາມັກຄີໄຊ, ແຂວງອັດຕະປື ຍົກລະດັບຄວາມຮັບຮູ້, ຄວາມເຂົ້າໃຈ ກ່ຽວກັບ ການສ້າງຄວາມເຂັ້ມແຂງໃຫ້ແກ່ລະບົບຍຸຕິທຳທາງອາຍາ ແນໃສ່ຫຼຸດຜ່ອນການຄ້າມະນຸດ

     ໃນວັນທີ 23-24 ກຸມພາ 2017 ຢູ່ທີ່ ສະໂມສອນຫ້ອງວ່າການປົກຄອງເມືອງສາມັກຄີໄຊ ແຂວງອັດຕະປື ໄດ້ຈັດຊຸດຝຶກອົບຮົມກ່ຽວກັບການສ້າງຄວາມເຂັ້ມແຂງໃຫ້ແກ່ລະບົບຍຸຕິທຳທາງອາຍາ ເພື່ອສະກັດກັ້ນ ແລະ ຕ້ານ ການຄ້າມະນຸດຂຶ້ນ ໂດຍການເປັນປະທານຂອງທ່ານ ນາງ ພຸດມະໄລພອນ ແກ້ວວົງສາ ກຳມະການພັກເມືອງ ຮອງເຈົ້າເມືອງສາມັກຄີໄຊ; ມີທ່ານ ບຸນລ້ອມ ດວງມາລາ ຮອງຫົວໜ້າກົມໂຄສະນາເຜີຍແຜ່ກົດໝາຍ ກະຊວງຍຸ ຕິທຳ, ທ່ານ ສົມບູນ ວົງພະຈັນ ຮອງຫົວໜ້າກົມກົດໝາຍກະຊວງຍຸຕິທຳ, ວິຊາການຈາກກົມໂຄສະນາເຜີຍແຜ່ກົດໝາຍກະຊວງຍຸຕິທຳ ແລະ ບັນດາສໍາມະນາກອນຈາກຂະແໜງການຕ່າງໆອ້ອມຂ້າງເມືອງສາມັກຄີໄຊ ແຂວງ ອັດຕະປື ເຂົ້າຮ່ວມທັງໝົດ 35 ທ່ານ, ຍິງ 17 ທ່ານ.

ຊຸດຝຶກອົບຮົມກ່ຽວກັບການສ້າງຄວາມເຂັ້ມແຂງໃຫ້ແກ່ລະບົບຍຸຕິທຳທາງອາຍາ ເພື່ອສະກັດກັ້ນ ແລະ ຕ້ານການຄ້າມະນຸດ ຢູ່ທີ່ ເມືອງ ລະມາມ, ແຂວງ ເຊກອງ

      ໃນວັນທີ 20-21 ກຸມພາ 2017 ຢູ່ທີ່ສະໂມສອນຫ້ອງວ່າການປົກຄອງເມືອງລະມາມ ແຂວງເຊກອງ ໄດ້ຈັດຊຸດຝຶກອົບຮົມກ່ຽວກັບການສ້າງຄວາມເຂັ້ມແຂງໃຫ້ແກ່ລະບົບຍຸຕິທຳທາງອາຍາ ເພື່ອສະກັດກັ້ນ ແລະ ຕ້ານ ການຄ້າມະນຸດຂຶ້ນ ໂດຍການເປັນປະທານຂອງ ທ່ານ ແພງສີ ສີລາວີ ກຳມະການພັກແຂວງ, ເລຂາພັກເມືອງ ເຈົ້າເມືອງໆລະມາມ, ມີ ທ່ານ ສົມບູນ ວົງພະຈັນ ຮອງຫົວໜ້າກົມກົດໝາຍ ກະຊວງຍຸຕິທຳ, ທ່ານ ບຸນລ້ອມ ດວງ ມາລາ ຮອງຫົວໜ້າກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ, ວິຊາການຈາກກົມໂຄສະນາເຜີຍແຜ່ກົດໝາຍກະຊວງຍຸຕິທຳ ແລະ ບັນດາສໍາມະນາກອນຈາກຂະແໜງການຕ່າງໆອ້ອມຂ້າງເມືອງລະມາມ ແຂວງເຊກອງ ເຂົ້າຮ່ວມທັງໝົດ 37 ທ່ານ, ຍິງ 9 ທ່ານ.

ກະຊວງຍຸຕິທຳ ຈັດກອງປະຊຸມປັບປຸງຮ່າງຂໍ້ຕົກລົງວ່າດ້ວຍ ການຈັດຕັ້ງປະຕິບັດວຽກງານຈົດໝາຍເຫດທາງລັດຖະການ

     ໃນ​ວັນ​ທີ 8 ກ​ຸມພາ 2017 ກະຊວງ​ຍຸຕິ​ທຳ ​ໄດ້​ຈັດ​ກອງ​ປະຊຸມ​ປັບປຸງຮ່າງ​ຂໍ້​ຕົກລົງ​ວ່າ​ດ້ວຍ ການຈັດ​ຕັ້ງ​ປະຕິບັດ​ວຽກ​ງານ​ຈົດໝາຍ​ເຫດ​ທາງ​ລັດຖະການ​ຂຶ້ນ ຢູ່​ທີ່​ໂຮງແຮມພູນ​ຊັບ ທ່າ​ລາດ, ​ແຂວງ​ວຽງ​ຈັນ ​ໂດຍ​ການ​ເປັນ​ປະທານ​ຂອງ​ ທ່ານ ພູທອນ ​ແກ້ວ​ດວງ​ມະນີ ຄະນະ​ພັກ​ກະຊວງ, ຫົວໜ້າ​ກົມ​ໂຄສະນາ​ເຜີຍ​ແຜ່​ກົດໝາຍ ກະຊວງ​ຍຸຕິ​ທຳ, ມີ​ທ່ານ ຮອງ​ຫົວໜ້າ​ກົມ, ຮອງ​ຫົວໜ້າ​ຫ້ອງ​ວ່າການປົກຄອງ​ແຂວງ ​ແລະ ພະ​ແນ​ກຍຸຕິ​ທຳ​ແຂວງຈາກ 5 ​ແຂວງ, ຜູ້ຕາງໜ້າ​ຈາກ 4 ກະຊວງ ​ແລະ 2 ອົງການ​ລັດ​ເຂົ້າ​ຮ່ວມທັງ​ໝົດ 22 ທ່ານ ຍິງ 6 ທ່ານ ຊຶ່ງກອງ​ປະຊຸ​ມຈະ​ດຳ​ເນີນ​ໄປ​ຈົນ​ເຖິງ​ວັນ​ທີ 10 ​ກຸມພາ 2017.

ສ້າງຂະບວນການກິລາບານເຕະສາມັກຄີ ເພື່ອຕ້ອນຮັບວັນສ້າງຕັ້ງກຳມະບານລາວ ຄົບຮອບ 61 ປີ ( 1 ກຸມພາ 1956-1 ກຸມພາ 2017)

     ໃນ​ວັນ​ທີ 27 ມັງກອນ 2017 ໜ່ວຍ​ກຳມະບານ​ຮາກ​ຖານ ກົມ​ໂຄສະນາ​ເຜີ​ຍແຜ່ກົດໝາຍ, ກະຊວງ​ຍຸຕິ​ທຳ ຮ່ວມ​ກັບ ໜ່ວຍ​ກຳມະບານ​ຮາກ​ຖານ ກົມ​ຄົ້ນຄວ້າ​ວິທະຍາສາດ ​ແລະ ປະຫວັດສາດ, ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ຈັດ​ກິດຈະກຳ​ກິລາບານ​ເຕະ​ສາມັກຄີ​ຂຶ້ນ ຢູ່​ທີ່​ເດີນ​ບານ​ເຕະ​ໃນ​ຮົ່ມ​ກະ​ແລ ໂດຍ​ມີ​ສະມາຊິກ​ກຳມະບານຮາກ​ຖານ ​ແລະ ພະນັກງານ​ຈາກ​ທັງ​ສອງ​ພາກສ່ວນ​ເຂົ້າ​ຮ່ວມ​ຢ່າງ​ພ້ອມພຽງ.

ກະຊວງຍຸຕິທຳ ຈັດພິທີເປີດນຳໃຊ້ແອັບກົດໝາຍລາວ ຢ່າງເປັນທາງການ

     ກະຊວງ​ຍຸຕິ​ທຳ​ ໄດ້​ເປີດ​ພິທີ​ນຳ​ໃຊ້​ແອັບ​ກົດໝາຍລາວ ໃນ​ຕອນ​ບ່າຍ​ຂອງ​ວັນ​ທີ 5 ທັນວາ 2016 ທີ່​ໂຮງ​ແຮມ​ລ້ານ​ຊ້າງ ​​ໂດຍການ​ເປັນ​ປະທານ​ຂອງ​ທ່ານ ​ໄຊ​ສີ ສັນຕິ​ວົງ ລັດຖະມົນຕີ​ກະຊວງ​ຍຸຕິ​ທຳ, ມີບັນດາ​ຮອງ​ລັດຖະມົນຕີ, ບັນດາ​ຫົວໜ້າກົມ, ຫົວໜ້າສູນ, ຫົວໜ້າສະຖາ​ບັນ, ຜູ້ຕາງໜ້າຈາກ​ອົງການ​ສະຫະ​ປະຊາ​ຊາດ​ເພື່ອ​ການ​ພັດທະນາ ​ແລະ ຄູ່​ຮ່ວມພັດທະນາ ແລະ ພາກ​ສວ່ນສື່​ມວນ​ຊົນ​ເຂົ້າ​ຮວ່ມ.

ບໍລິສັດ ເບຍລາວ ຈຳກັດ ມອບເຄື່ອງກິລາ ໃຫ້ແກ່ກົມໂຄສະນາອົບຮົມກົດໝາຍ ກະຊວງຍຸຕິທຳ

     ໃນ​ທ້າຍ​ອາທິດ​ທີ່​ຜ່ານ​ມາ  ບໍລິສັດ​​ ​ເບຍລາວ ຈຳກັດ ​ໄດ້​ນຳ​ເອົາເຄື່ອງ​ກິລາມາ​ມອບແກ່​ກົມ​ໂຄສະນາ​ອົບຮົມກົດໝາຍ ກະຊວງ​ຍຸຕິ​ທຳ ຈຳນວນ 20 ຊຸດ ​ໂດຍການ​ມອບ​ຂອງ ​ທ່ານ ບຸນ​ກັນ ກຸລະ​ບຸດ  ຜູ້ອຳນວຍການ​ຝ່າຍ​ປະຊາສຳພັນ ​ແລະ ກິດຈະກຳ​ເພື່ອ​ສັງຄົມ  ​ໂດຍ​ການ​ກ່າວ​ຮັບຂອງ ທ່ານ ບຸນ​ລ້ອມ ດວງ​ມາລາ ຮອງຫົວໜ້າກົມ​ໂຄສະນາ​ອົບຮົມກົດໝາຍ, ມີ​ພະນັກງານ​ທັງ​ສອງ​ຝ່າຍ​​ເຂົ້າ​ຮວ່ມ​ເປັນ​ສັກຂີ​ພິຍານ.

      ໃນ​ໂອກາດ​ດັ່ງກ່າວ ທ່ານ ບຸນ​ລ້ອມ ດວງ​ມາລາ ຮອງ​ຫົວໜ້າກົມ​ໂຄສະນາ​ອົບຮົມ​ກົດໝາຍ ກໍ​ໄດ້​ສະ​ແດງຂອບ​ໃຈ​ພ້ອມ​ທັງມອບປຶ້ມກົດໝາຍ ​ໃຫ້​ບໍລິສັດ​ເບຍ​ລາວ ​​ເພື່ອ​ນຳ​ໄປ​ຮັບ​ໃຊ້​ໃນ​ວຽກງານ​ຂອງຕົນ​ຄັ້ງ​ນີ້, 

ຊຸດຝຶກອົບຮົມວຽກງານຈົດໝາຍເຫດທາງລັດຖະການ ໃນລະບົບເອເລັກໂຕຣນິກ 4 ແຂວງພາກກາງ ແລະ ນະຄອນຫຼວງວຽງຈັນ

     ກະຊວງຍຸຕິທຳ, ກົມໂຄສະນາອົບຮົມກົດໝາຍ,​ ໜ່ວຍງານຈົດໝາຍເຫດທາງລັດຖະການ ໄດ້ຈັດຊຸດຝຶກອົບຮົມໃຫ້ຜູ່ປະສານງານ ວຽກງານຈົດໝາຍເຫດທາງລັດຖະການໃນລະບົບເອເລັກໂຕຣນິກ 4 ແຂວງພາກກາງ ​ແລະ ນະຄອນຫຼວງ​ວຽງ​ຈັນ ໃນລະຫວ່າງ ວັນທີ 13-14 ຕຸລາ 2016 ທີ່ໂຮງ​​ແຮມທະວີ​ສຸກ, ເມືອງວັງ​ວຽງ, ແຂວງວຽງ​ຈັນ ໂດຍການເປັນປະທານຂອງ ທ່ານ ສຸ​ວຽງ​ທອງ ວົງ​ຈຳປາ ກຳມະການປະຈຳພັກ​ເມືອງ, ຮອງເຈົ້າ​ເມືອງໆ​ວັງ​ວຽງ ຊຶ່ງມີນັກສໍາມະນາກອນມາ ຈາກຫ້ອງວ່າການປົກຄອງແຂວງ ແລະ ພະແນກຍຸຕິທຳ ແຂວງ ວຽຈັນ, ຄຳມ່ວນ, ບໍລິຄຳໄຊ, ໄຊສົມບູນ ​ແລະ ນະຄອນ​ຫຼວງ​ວຽງ​ຈັນ, ມີຜູ້ເຂົ້າຮ່ວມທັງໝົດ 30 ທ່ານ, ຍິງ 10 ທ່ານ.

Pages