ຂ່າວການເຄື່ອນໄຫວ ແລະ ບົດຄວາມອື່ນໆ

ກຸ່ມບໍລິສັດໂຊກໄຊ ມອບທຶນສະໜັບສະໜູນການສຶກສາ ໃຫ້ແກ່ນັກສຶກສາສະຖາບັນຍຸຕິທຳແຫ່ງຊາດ

          ໃນຕອນເຊົ້າວັນທີ 24 ພຶດສະພາ 2022 ຢູ່ທີ່ສະຖາບັນຍຸຕິທໍາແຫ່ງຊາດ ໄດ້ຈັດພິທີ ມອບ-ຮັບ ທຶນສະໜັບສະໜູນການສຶກສາ ໃຫ້ແກ່ນັກສຶກສາສະຖາບັນຍຸຕິທຳແຫ່ງຊາດ ປະຈຳສົກສຶກສາ 2021-2022 ຈໍານວນ 10 ທຶນ ລວມມູນຄ່າທັງໝົດ 22,400,000 ກີບ (ຊາວສອງລ້ານສີ່ແສນກີບ) ໃຫ້ແກ່ນັກສຶກສາທີ່ມີຄວາມຫຍຸ້ງຍາກທາງດ້ານເສດຖະກິດຄອບຄົວ; ໃຫ້ກຽດມອບໂດຍ ທ່ານ ພອນສະຫວັນ ສີຊະນະ ຮອງປະທານກຸ່ມບໍລິສັດໂຊກໄຊ ພ້ອມດ້ວຍຄະນະ. ໂດຍການເຂົ້າຮ່ວມເປັນສັກຂີພະຍານຂອງ ທ່ານ ບຸນຕາ ສ.ຜາບມີໄຊ ຫົວໜ້າສະຖາບັນຍຸຕິທຳແຫ່ງຊາດ; ມີຮອງສະຖາບັນຍຸຕິທຳແຫ່ງຊາດ, ພະນັກງານຄູອາຈານ ພ້ອມດ້ວຍນັກສຶກສາທີ່ໄດ້ຮັບທຶນ ເຂົ້າຮ່ວມ.

ພິທີ ມອບ-ຮັບ ທຶນສະໜັບສະໜູນການສຶກສາ ຫຼັກສູດ ກໍ່ສ້າງວິຊາຊີບ ຜູ້ພິພາກສາ, ພະນັກງານໄອຍະການ ແລະ ທະນາຍຄວາມ

          ໃນຕອນເຊົ້າວັນທີ 14 ພຶດສະພາ 2022 ຢູ່ທີ່ສະຖາບັນຍຸຕິທໍາແຫ່ງຊາດ ໄດ້ຈັດພິທີ ມອບ-ຮັບ ທຶນສະໜັບສະໜູນການສຶກສາ ໃຫ້ແກ່ນັກສຶກສາກົດໝາຍ ຫຼັກສູດກໍ່ສ້າງວິຊາຊີບ ຜູ້ພິພາກສາ, ພະນັກງານໄອຍະການ ແລະ ທະນາຍຄວາມ ສົກສຶກສາ 2021-2022 ຈໍານວນ 12 ທຶນ ພາຍໃຕ້ໂຄງການ “ສົ່ງເສີມການເຂົ້າເຖິງກົດໝາຍ ແລະ ຄວາມຍຸຕິທໍາຂອງປະຊາຊົນໃນ ສປປ ລາວ (The Legal Aid Support Program)”, ລວມມູນຄ່າທັງໝົດ 194,640,000 ກີບ (ໜຶ່ງຮ້ອຍເກົ້າໝື່ນສີ່ລ້ານຫົກແສນສີ່ໝື່ນກີບ), ໃຫ້ກຽດມອບໂດຍ ທ່ານ ນາງ ດຣ ອິສໂຊເບວ ໂຄແມນ (Dr Isobel Coleman) ຮອງຜູ້ບໍລິຫານສູງສຸດຂອງ ອົງການພັດທະນາສາກົນ ປະເທດສະຫະລັດອາເມລິກາ (USAID).

ງານແຂ່ງຂັນກິລາປະຈໍາປີ ຄັ້ງທີ II ຂອງພະແນກຍຸຕິທຳ 6 ແຂວງ ແລະ 2 ສະຖາບັນ

          ເພື່ອເປັນການຮັດແໜ້ນຄວາມສາມັກຄີ ໃຫ້ແກ່ກອງປະຊຸມພະແນກຍຸຕິທໍາ 6 ແຂວງ ແລະ 2 ສະຖາບັນຍຸຕິທໍາແຫ່ງຊາດ 2 ສາຂາ ໃນການແລກປ່ຽນບົດຮຽນແບບຮອບດ້ານທາງວິຊາການຍຸຕິທຳ. ຈຶ່ງໄດ້ມີການຈັດງານແຂ່ງຂັນກິລາປະຈໍປີ ຄັ້ງທີ II ຂຶ້ນຢ່າງເປັນຂະບວນຟົດຟື້ນ. ໃນວັນທີ 6 ພຶດສະພາ 2022 ທີ່ ເດີ່ນກິລາຂອງສະຖາບັນຍຸຕິທໍາແຫ່ງຊາດ ສາຂາສະຫວັນນະເຂດ, ມີບັນດາຄະນະພັກ-ຄະນະນຳຈາກກະຊວງຍຸຕິທໍາ, ພະນັກງານ-ລັດຖະກອນຈາກພະແນກຍຸຕິທໍາ 6 ແຂວງ ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ, ອັດຕະປື, ສະຖາບັນຍຸຕິທຳແຫ່ງຊາດສາຂາແຂວງ ສະຫວັນນະເຂດ ແລະ ຈໍາປາສັກ ເຂົ້າຮວ່ມ.

ສະຖາບັນຍຸຕິທຳແຫ່ງຊາດ ຈັດພິທີປະຖົມນິເທດໃຫ້ນັກສຶກສາ

          ໃນຕອນເຊົ້າຂອງວັນທີ 4 ພຶດສະພາ 2022 ຢູ່ທີ່ສະຖາບັນຍຸຕິທໍາແຫ່ງຊາດໄດ້ຈັດພິທີປະຖົມນິເທດໃຫ້ນັກສຶກສາກົດໝາຍປີທີ 1 ສົກປີ 2021-2022 ຂຶ້ນ ໂດຍການເປັນປະທານຂອງ ທ່ານ ປອ. ປະເສີດ ສະຫວ່າງດີ ຮອງຫົວໜ້າສະຖາບັນຍຸຕິທຳແຫ່ງຊາດ, ມີຄະນະສະຖາບັນຍຸຕິທຳແຫ່ງຊາດ, ບັນດາຄູ-ອາຈານ ແລະ ນັກສຶກສາກົດໝາຍ ປີ 1 ເຂົ້າຮ່ວມ.

ພິທີມອບ-ຮັບ ທຶນການສຶກສາໃຫ້ນັກສຶກສາ ສະຖາບັນຍຸຕິທຳແຫ່ງຊາດ

          ພີທີດັ່ງກ່າວໄດ້ຈັດຂຶ້ນ ໃນວັນທີ 7 ທັນວາ 2021 ທີ່ສະຖາບັນຍຸຕິທຳແຫ່ງຊາດ ໂດຍການໃຫ້ກຽດເຂົ້າຮ່ວມຂອງທ່ານ ບຸນຕາ ສ.ຜາບມີໄຊ ຫົວໜ້າ ສະຖາບັນຍຸຕິທຳແຫ່ງຊາດ, ທ່ານ ໂຊກໄຊ ສົມໃຈນຶກ ປະທານ ກຸ່ມ ບໍລິສັດໂຊກໄຊ, ທ່ານ ພົນຕີ ບຸນມີ ແສງຄຳຢອງ ຮອງຜູ້ອຳນວຍການອາວຸໂສ ບໍລິສັດ ເອໄອເອັຟ ກຣຸບ ແລະ ທ່ານ ສີທາ ພົມມະລິດ ປະທານ ບໍລິສັດ ພູສີ ກຣຸບ, ມີຮອງຫົວໜ້າ ສະຖາບັນຍຸຕິທຳແຫ່ງຊາດ, ຫົວໜ້າພະແນກ, ຮອງພະແນກ, ຫົວໜ້າພາກວິຊາ ແລະ ບັນດາຄູອາຈານ ເຂົ້າຮ່ວມທັງໝົດຈຳນວນ 22 ທ່ານ, ຍິງ 9 ທ່ານ.

ສະຖາບັນຍຸຕິທໍາແຫ່ງຊາດ ໄດ້ຈັດເປີດຊຸດຝຶກອົບຮົມທັກສະ ແລະ ວິທີການສອນຫຼັກສູດກໍ່ສ້າງວິຊາຊີບທະບຽນສານ

          ໃນຕອນເຊົ້າຂອງວັນທີ 30 ສິງຫາ 2021 ຢູ່ທີ່ໂຮງແຮມເມືອງ ແທ໋ງ ນະຄອນຫຼວງວຽງຈັນ ໄດ້ເປີດຊຸດຝຶກອົບຮົມທັກສະ ແລະ ວິທີການສອນຫຼັກສູດກໍ່ສ້າງວິຊາຊີບທະບຽນສານທາງອອນລາຍຂຶ້ນ ໂດຍການເປັນປະທານຂອງທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ ມີທ່ານ ບຸນຕາ ສ.ຜາບມີໄຊ ຫົວໜ້າສະຖາບັນຍຸຕິທໍາແຫ່ງຊາດ ທ່ານ ຫງວ໋ຽນຊວນທູ ຜູ້ອໍານວຍການສະຖາບັນຍຸຕິທໍາຫວຽດນາມ ມີຄະນະບໍລິຫານ, ຄະນະຊ່ວຍວຽກໂຄງການ, ນາຍແປພາສາ ແລະ ອາຈານ ທັງສອງຝ່າຍ ພ້ອມດ້ວຍນັກຝຶກອົບຮົມຂອງລາວເຂົ້າຮ່ວມ.

Pages