ຂ່າວການເຄື່ອນໄຫວ ແລະ ບົດຄວາມອື່ນໆ

ສະຖາບັນຍຸຕິທໍາແຫ່ງຊາດ ໄດ້ຈັດເປີດຊຸດຝຶກອົບຮົມທັກສະ ແລະ ວິທີການສອນຫຼັກສູດກໍ່ສ້າງວິຊາຊີບທະບຽນສານ

          ໃນຕອນເຊົ້າຂອງວັນທີ 30 ສິງຫາ 2021 ຢູ່ທີ່ໂຮງແຮມເມືອງ ແທ໋ງ ນະຄອນຫຼວງວຽງຈັນ ໄດ້ເປີດຊຸດຝຶກອົບຮົມທັກສະ ແລະ ວິທີການສອນຫຼັກສູດກໍ່ສ້າງວິຊາຊີບທະບຽນສານທາງອອນລາຍຂຶ້ນ ໂດຍການເປັນປະທານຂອງທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ ມີທ່ານ ບຸນຕາ ສ.ຜາບມີໄຊ ຫົວໜ້າສະຖາບັນຍຸຕິທໍາແຫ່ງຊາດ ທ່ານ ຫງວ໋ຽນຊວນທູ ຜູ້ອໍານວຍການສະຖາບັນຍຸຕິທໍາຫວຽດນາມ ມີຄະນະບໍລິຫານ, ຄະນະຊ່ວຍວຽກໂຄງການ, ນາຍແປພາສາ ແລະ ອາຈານ ທັງສອງຝ່າຍ ພ້ອມດ້ວຍນັກຝຶກອົບຮົມຂອງລາວເຂົ້າຮ່ວມ.

ສະຖາບັນຍຸຕິທໍາແຫ່ງຊາດສາຂາແຂວງ ຫຼວງພະບາງ ເປີດກອງປະຊຸມສ້າງແຜນກໍານົດພະນັກງານນໍາພາ-ຄຸ້ມຄອງ

          ໃນຕອນເຊົ້າຂອງວັນພຸດ ວັນທີ 28 ກໍລະກົດ 2021 ສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ ໄດ້ຈັດກອງປະຊຸມກ່ຽວກັບການສ້າງແຜນກໍານົດພະນັກງານນໍາພາ-ຄຸ້ມຄອງຂຶ້ນ ໂດຍການເປັນປະທານຂອງ ທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ, ມີ ທ່ານ ຄຳເສີດ ວິລະພັນ ຫົວໜ້າກົມຈັດຕັ້ງ ແລະ ພະນັກງານກະຊວງຍຸຕິທໍາ, ມີ ທ່ານ ບຸນຕາ ສໍ.ຜາບມີໄຊ ຫົວໜ້າສະຖາບັນຍຸຕິທຳແຫ່ງຊາດ ມີຕາງໜ້າຈາກຄະນະຈັດຕັ້ງແຂວງ, ພະແນກພາຍໃນ, ອົງການກວດກາພັກ-ລັດ, ມີຄະນະສະຖາບັນ ພ້ອມດ້ວຍພະນັກງານ, ຄູ-ອາຈານສະຖາບັນຍຸຕິທຳແຫ່ງຊາດສາຂາແຂວງ ຫຼວງພະບາງ ເຂົ້້າຮ່ວມຢ່າງພ້ອມພຽງ.

ກອງປະຊຸມອອນລາຍຕີລາຄາຜົນຂອງການຈັດຕັ້ງປະຕິບັດແຜນກິດຈະກໍາປະຈໍາປີ 2020 ແລະ 6 ເດືອນຕົ້ນປີ 2021ທີ່ ສະຖາບັນຍຸຕິທຳແຫ່ງຊາດ.

          ກອງປະຊຸມອອນລາຍຕີລາຄາຜົນຂອງການຈັດຕັ້ງປະຕິບັດແຜນກິດຈະກໍາປະຈໍາປີ 2020 ແລະ 6 ເດືອນຕົ້ນປີ 2021 ຂອງໂຄງການຊ່ວຍໜູນສະຖາບັນຍຸຕິທຳລາວ ໄດ້ຈັດຂຶ້ນໃນຕອນເຊົ້າ ຂອງວັນທີ 26 ກໍລະກົດ 2021 ທີ່ສະຖາບັນຍຸຕິທຳແຫ່ງຊາດ ນະຄອນຫຼວງວຽງຈັນ ໂດຍການ ເປັນປະທານຮ່ວມລະຫວ່າງ ທ່ານ ສີວິໄຊ ປະສານພອນ ຮອງຫົວໜ້າສະຖາ ບັນຍຸຕິທໍາແຫ່ງຊາດ, ຫົວໜ້າຄະນະບໍລິຫານໂຄງການຝ່າຍລາວ ແລະ ທ່ານ ຫງ໋ວຽນຊວນທູ, ຜູ້ອໍານວຍການສະຖາບັນຍຸຕິ ທໍາຫວຽດນາມ ແລະ ມີບັນດາຄະນະຊ່ຽວຊານ, ຄະນະບໍລິຫານໂຄງການ ທັງ 2 ຝ່າຍ ເຂົ້າຮ່ວມທັງໝົດ ຈຳນວນ 40 ທ່ານ.

ກອງປະຊຸມສະຫຼຸບວຽກງານກວດກາປະຈໍາປີ 2020 ແລະ ທິດທາງແຜນການປະຈໍາປີ 2021 ສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ

          ໃນຕອນເຊົ້າວັນສຸກ ວັນທີ 26 ມີນາ 2021 ຜ່ານມາ ສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ ໄດ້ເປີດກອງປະຊຸມສະຫຼຸບວຽກງານກວດກາປະຈໍາປີ 2020 ແລະ ທິດທາງແຜນການປະຈໍາປີ 2021 ຂຶ້ນ ໂດຍມີ ສະຫາຍ ແສງອາລຸນ ພັນນະລັດ ເລຂາຄະນະພັກຮາກຖານ ຫົວໜ້າສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ ພ້ອມດ້ວຍຄະນະ, ມີຄະນະໜ່ວຍພັກ, ຄະນະຂະແໜງ ແລະ ຜູ້ຮັບຜິດຊອບວຽກງານກວດກາໜ່ວຍພັກ ແລະ ອົງການຈັດຕັ້ງມະຫາຊົນພາຍໃນສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ ເຂົ້າຮ່ວມຢ່າງພ້ອມພຽງ.

ສະຖາບັນຍຸຕິທຳແຫ່ງຊາດສາຂາແຂວງ ຫຼວງພະບາງ ເຜີຍແຜ່ເອກະສານການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ, ນະຄອນຫຼວງ.

          ໃນວັນທີ 10 ກຸມພາ 2021 ຢູ່ທີ່ຫ້ອງປະຊຸມໃຫຍ່ ສະຖາບັນຍຸຕິທໍາແຫ່ງຊາດສາຂາແຂວງ ຫຼວງພະບາງ ໄດ້ມີພິທີເຜີຍແຜ່ເອກະສານການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຫຼວງພະບາງ ຊຸດທີ II ຂຶ້ນ ໂດຍການເຂົ້າຮ່ວມຂອງ ທ່ານ ນາງ ມະນີວັນ ທ່ຽງວັນນາທີ ຮອງເລຂາຄະນະບໍລິຫານງານຊາວໜຸ່ມ ນະຄອນຫຼວງພະບາງ ພ້ອມດ້ວຍຄະນະ, ມີ ທ່ານ ແສງອາລຸນ ພັນນະລັດ ຫົວໜ້າສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ ມີຄະນະສະຖາບັນ, ພະນັກງານຄູ-ອາຈານ ແລະ ນັກສຶກສາເຂົ້າຮ່ວມ.

ສະຖາບັນຍຸຕິທຳແຫ່ງຊາດສາຂາ ຫຼວງພະບາງ ເຜີຍແຜ່ຄໍາແນະນໍາຂອງຄະນະກໍາມະການເລືອກຕັ້ງລະດັບຊາດ ແລະ ເຊື່ອມຊືມເອກະສານກ່ຽວກັບການປະເມີນລັດຖະກອນ ແລະ ຄັດເລືອກຜົນງານປະຈໍາປີ 2020

ໃນຕອນແລງຂອງວັນພະຫັດ ວັນທີ 29 ຕຸລາ 2020 ຢູ່ທີ່ຫ້ອງປະຊຸມໃຫຍ່ຂອງສະຖາບັນໄດ້ເປີດກອງປະຊຸມເຜີຍແຜ່ຄໍາແນະນໍາຂອງຄະນະກໍາມະການເລືອກຕັ້ງລະດັບຊາດ ແລະ ເຊື່ອມຊືມເອກະສານກ່ຽວກັບການປະເມີນພະນັກງານ-ລັດຖະກອນ ແລະ ຄັດເລືອກຜົນງານປະຈໍາປີ 2020 ຂຶ້ນ ໂດຍເປັນປະທານຂອງ ທ່ານ ແສງອາລຸນ ພັນນະລັດ ເລຂາຄະນະພັກຮາກຖານ ຫົວໜ້າສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ ພ້ອມດ້ວຍຄະນະ ແລະ ພະນັກງານຄູ-ອາຈານເຂົ້າຮ່ວມທັງໝົດ 68 ທ່ານ, ຍິງ 27 ທ່ານ.

ສະຖາບັນຍຸຕິທໍາແຫ່ງຊາດ ສະເຫຼີມສະຫຼອງວັນຄູແຫ່ງຊາດ ຄົບຮອບ 26 ປີ

ໃນຕອນເຊົ້າວັນທີ 6 ຕຸລາ 2020 ທີ່ຜ່ານມານີ້ ຢູ່ສະໂມສອນຂອງສະຖາບັນຍຸຕິທຳແຫ່ງຊາດໄດ້ຈັດພິທີສະເຫຼີມສະຫຼອງວັນຄູແຫ່ງຊາດ ຄົບ ຮອບ 26 ປີ ໂດຍການໃຫ້ກຽດເຂົ້າຮ່ວມ ແລະ ປາຖະກະຖາປະຫວັດຄວາມເປັນມາຂອງວັນຄູແຫ່ງຊາດຂອງ ທ່ານ ປອ. ເສີມສຸກ ສິມພະວົງ ຮອງລັດຖະມົນຕີກະຊວງຍຸຕິທຳ, ມີ ຫົວໜ້າສະຖາບັນຍຸຕິທຳແຫ່ງຊາດ ພະນັກງານ, ຄູ-ອາຈານ ແລະ ນັກສຶກສາເຂົ້າຮ່ວມຢ່າງພ້ອມພຽງ.

ກອງປະຊຸມສໍາມະນາການສ້າງຄວາມເຂົ້າໃຈ ກ່ຽວກັບນິຕິກໍາສະບັບປັບປຸງ ຂອງ ສປປ ລາວ

ກອງປະຊຸມດັ່ງກ່າວໄດ້ຈັດຂຶ້ນໃນລະຫວ່າງວັນທີ 5-7 ຕຸລາ 2020 ຢູ່ທີ່ສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ, ໂດຍການເປັນປະທານຂອງ ທ່ານ ບຸນຕາ ສ.ຜາບມີໄຊ ຫົວໜ້າສະຖາບັນຍຸຕິທໍາແຫ່ງຊາດ, ທ່ານ ຄໍາພອນ ສີປະເສີດ ຫົວໜ້າຫ້ອງການກະຊວງຍຸຕິທໍາ ແລະ ທ່ານ ເຣຈໍນໍ ພາດສະຕານາ ຫົວໜ້າທີ່ປຶກສາດ້ານວິຊາການໂຄງການລາວ 031, ມີຜູ້ຕາງໜ້າຈາກສະຖາບັນຍຸຕິທໍາແຫ່ງຊາດ, ສະຖາບັນຍຸຕິທໍາແຫ່ງຊາດ ສາຂາ ຫຼວງພະບາງ, ສະຖາບັນຍຸຕິທໍາແຫ່ງຊາດ ສາຂາ ສະຫວັນນະເຂດ, ສະຖາບັນຍຸຕິທໍາແຫ່ງຊາດສາຂາ ຈໍາປາສັກ, ມະຫາວິທະຍາໄລແຫ່ງຊາດ, ບັນດາກົມ ທີ່ກ່ຽວຂ້ອງຂອງກະຊວງຍຸຕິທໍາ ເຂົ້າຮ່ວມທັງໝົດ ຈໍານວນ 57 ທ່ານ, ຍິງ 14 ທ່ານ.

ພິທີພົບປະແລກປ່ຽນ ລະຫວ່າງ ສູນກາງຊາວໜຸ່ມປະຊາຊົນປະຕິວັດລາວ ກັບ ສະຖາບັນຍຸຕິທຳແຫ່ງຊາດ, ກະຊວງຍຸຕິທຳ

ໃນຕອນບ່າຍຂອງວັນທີ 1 ຕຸລາ 2020 ຜ່ານມາ ຢູ່ທີ່ ສະໂມສອນສະຖາບັນຍຸຕິທຳແຫ່ງຊາດ ໄດ້ມີພິທີພົບປະ ແລກປ່ຽນລະຫວ່າງ ສູນກາງຊາວໜຸ່ມປະຊາຊົນປະຕິວັດລາວ ກັບ ຄະນະນຳ, ຄູ-ອາຈານ ແລະ ສະມາຊິກຊາວໜຸ່ມສະຖາບັນຍຸຕິທຳແຫ່ງຊາດ, ກະຊວງຍຸຕິທຳ ເນື່ອງໃນໂອກາດສະເຫຼີມສະຫຼອງວັນຄູແຫ່ງຊາດ ຄົບຮອບ 26 ປີ ພາຍໃຕ້ຫົວຂໍ້: ''ຊາວໜຸ່ມລາວຍຸກໃໝ່ ໃສ່ໃຈສຶກສາຮໍ່າຮຽນ ແລະ ສຸຂະພາບ'' ພາຍໃຕ້ການເປັນປະທານຂອງ ສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ; ສະຫາຍ ປອ.​ ເສີມສຸກ ສິມພະວົງ ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງຍຸຕິທຳ; ມີ ສະຫາຍ ບຸນຕາ ສ.ຜາບມີໄຊ ຄະນະບໍລິຫານງານພັກກະຊວງ, ຫົວໜ້າສະ

ສະຖາບັນຍຸຕິທຳແຫ່ງຊາດ ຈັດພິທີສະຫຼຸບສົກຮຽນການສຶກສາ ສົກປີ 2019-2020

ໃນຕອນເຊົ້າຂອງວັນທີ 28 ສິງຫາ 2020 ທີ່ສະຖາບັນຍຸຕິທຳແຫ່ງຊາດ, ກະຊວງຍຸຕິທຳ ໄດ້ຈັດພິທີສະຫຼຸບສົກຮຽນສຳລັບຜູ້ສຳເລັດການສຶກສາກົດໝາຍ 2019-2020 ໂດຍການເປັນປະທານຂອງທ່ານ ບຸນຕາ ສ.ຜາບມີໄຊ ຫົວໜ້າສະຖາບັນຍຸຕິທຳແຫ່ງຊາດ, ມີບັນດາຄູ-ອາຈານ ແລະ ນັກສຶກສາຜູ້ທີ່ສຳເລັດການສຶກສາກົດໝາຍເຂົ້າຮ່ວມຢ່າງພ້ອມພຽງ.

Pages