ຂ່າວການເຄື່ອນໄຫວ ແລະ ບົດຄວາມອື່ນໆ

Leave blank for all. Otherwise, the first selected term will be the default instead of "Any".

ກອງປະຊຸມເປີດກວ້າງທາບທາມຄຳເຫັນໃສ່ ຮ່າງກົດໝາຍ ວ່າດ້ວຍການແກ້ໄຂຂໍ້ຂັດແຍ່ງທາງດ້ານເສດຖະກິດ (ສະບັບປັບປຸງ) ທີ່ ແຂວງ ຫຼວງພະບາງ

 

        ກອງປະຊຸມດັ່ງກ່າວ ໄດ້ໄຂຂຶ້ນໃນຕອນເຊົ້າ ເວລາ 8:30 ໂມງ ຂອງວັນທີ 4 ມັງກອນ 2018 ຢູ່ທີ່ຫ້ອງປະຊຸມພະແນກກະສິກຳ ແລະ ປ່າໄມ້ ແຂວງຫຼວງພະບາງ ໂດຍພາຍໃຕ້ການເປັນປະທານຂອງທ່ານ ໄຊສີ ສັນຕິວົງ, ເລຂາຄະນະບໍລິຫານງານພັກກະຊວງ, ລັດຖະມົນຕີກະຊວງຍຸຕິທຳ, ຊຶ່ງມີຜູ້ເຂົ້າຮ່ວມມາຈາກຫຼາຍພາກສ່ວນ ເປັນຕົ້ນແມ່ນພະແນກຍຸຕິທຳແຂວງ, ບັນດາພະແນກການອ້ອມຂ້າງແຂວງ, ຫ້ອງການແກ້ໄຂຂໍ້ຂັດແຍ່ງທາງດ້ານເສດຖະກິດ 8 ແຂວງພາກເໜືອ ພ້ອມດ້ວຍບັນດາວິສາຫະກິດ-ທຸລະກິດ ພາຍໃນ ແລະ ຕ່າງປະເທດ ໄດ້ມີໜ້າເຂົ້າຮ່ວມຢ່າງພ້ອມພຽງ ລວມທັງໝົດຈຳນວນ 98 ທ່ານ, ຍິງ 35 ທ່ານ.

ກອງປະຊຸມເປີດກວ້າງທາບທາມຄຳເຫັນໃສ່ ຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງທາງດ້ານເສດຖະກິດ ສະບັບປັບປຸງ ທີ່ແຂວງ ຈຳປາສັກ

    ກອງປະຊຸມດັ່ງກ່າວ ໄດ້ໄຂຂຶ້ນໃນຕອນເຊົ້າ ເວລາ 8:30 ໂມງ ຂອງວັນທີ 8 ທັນວາ 2017 ຢູ່ທີ່ຫ້ອງປະຊຸມສະໂມສອນປົກຄອງແຂວງ ຈຳປາສັກ ໂດຍພາຍໃຕ້ການເປັນປະທານຂອງ ທ່ານ ປອ ເສີມສຸກ ສິມພະວົງ ຮອງເລຂາຄະນະບໍລິຫານງານພັກກະຊວງ, ຮອງລັດຖະມົນຕີກະຊວງຍຸຕິທຳ, ຊຶ່ງມີຜູ້ເຂົ້າຮ່ວມມາຈາກຫຼາຍພາກສ່ວນ ເປັນຕົ້ນແມ່ນບັນດາພະແນກການພາຍໃນແຂວງ, ບັນດາພະແນກທີ່ຢູ່ອ້ອມຂ້າງແຂວງ ແລະ ຂະແໜງແກ້ໄຂຂໍ້ຂັດແຍ່ງທາງດ້ານເສດຖະກິດ ອ້ອມຂ້າງແຂວງ, ບັນດາວິສາຫະກິດ-ທຸລະກິດ ພາຍໃນ ແລະ ຕ່າງປະເທດ ໄດ້ມີໜ້າເຂົ້າຮ່ວມຢ່າງພ້ອມພຽງລວມທັງໝົດຈຳນວນ 104 ທ່ານ, ເປັນຍິງ 35 ທ່ານ.

ກະຊວງຍຸຕິທຳ ຈັດສຳມະນາກ່ຽວກັບກົດໝາຍວ່າດ້ວຍການແກ້ໄຂຂໍ້ຂັດແຍ່ງທາງດ້ານເສດຖະກິດ ສປປ ລາວ

        ເພື່ອ​ປະຕິບັດ​ຕາມ​ຂໍ້​ຕົກລົງ​ຂອງ​ທ່ານ ລັດຖະມົນ​ຕີ​ກະຊວງ​ຍຸຕິ​ທຳ ສະບັບ​ເລກທີ 1422/ກຍ, ລົງ​ວັນ​ທີ 08 ທັນວາ 2017 ວ່າ​ດ້ວຍ​ການ​ອະນຸມັດ​ເປີດ​ສຳ​ມະ​ນາ​ກົດໝາຍວ່າ​ດ້ວຍ​ການ​ແກ້​ໄຂ​ຂໍ້​ຂັດ​ແຍ່ງ​ທາງ​ດ້ານ​ເສດຖະກິດ​ຮ່ວມ​ກັບ ກະຊວງ​ຍຸຕິ​ທຳ ສາທາລະນະ​ລັດ ​ເກົາ​ຫຼີ. ສຳ​ມະ​ນາ​ດັ່ງກ່າວ​ໄດ້​ຈັດ​ຂຶ້ນ​ໃນ​ຕອນ​ເຊົ້າ​ຂອງ​ວັນ 14 ທັນວາ 2017 ຢູ່​ທີ່ ​ໂຮງ​ແຮມ ​ແກຣນວຽງຈັນ, ​ໂດຍ​ພາຍ​​ໃຕ້​ການ​ເປັນ​ປະທານ​ຂອງ ທ່ານ ປອ.

ກະຊວງຍຸຕິທຳ ຈັດກອງປະຊຸມເປີດກວ້າງທາບທາມຄໍາເຫັນໃສ່ຮ່າງກົດໝາຍວ່າດ້ວຍ ການແກ້ໄຂຂໍ້ຂັດແຍ່ງທາງດ້ານເສດຖະກິດ ສະບັບປັບປຸງ ຄັ້ງທີ I

     ກອງປະຊຸມດັ່ງກ່າວ ໄດ້​ໄຂຂຶ້ນໃນວັນທີ 16 ພະຈິກ 2017 ໂດຍການເປັນກຽດເຂົ້າຮ່ວມ ແລະ ເປັນປະທານໂດຍ ທ່ານ ໄຊສີສັນຕິວົງ ລັດຖະມົນຕີກະຊວງຍຸຕິທຳ, ມີແຂກຖືກເຊີນທີ່ມາຈາກຫຼາຍພາກສ່ວນເຂົ້າຮ່ວມ ເປັນຕົ້ນ ບັນດາກະຊວງ, ອົງການທຽບເທົ່າ, ພະແນກຍຸຕິທໍາທ້ອງຖິ່ນ, ຜູ້ໄກ່ເກ່ຍ-ກໍາມະການຕັດສີນ, ບັນດາວິສາຫະກິດ-ທຸລະກິດ ພາກລັດ ແລະ ເອກະຊົນ ທັງພາຍໃນ ແລະ ຕ່າງປະເທດ ເຂົ້າຮ່ວມ ທັງໝົດ 152 ທ່ານ.

ກອງປະຊຸມເຜີຍແຜ່ວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ນອກລະບົບສານ

         ທີ່ສະໂມສອນກະຊວງຍຸຕິທໍາ ໄດ້ເປີດກອງປະຊຸມເຜີຍແຜ່ວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ນອກລະບົບສານ ໃນຕອນເຊົ້າຂອງວັນທີ 16 ມິຖຸນາ 2017 ໂດຍການເປັນປະທານຂອງ ທ່ານ ໄຊສີ ສັນຕິວົງ ລັດຖະມົນຕີ ກະຊວງຍຸຕິທໍາ, ມີຜູ້ເຂົ້າຮ່ວມທັງໝົດຈໍານວນ 100 ທ່ານ ຊຶ່ງມາຈາກຫຼາຍພາກສ່ວນຄື: ບັນດາວິສາຫະກິດ-ທຸລະກິດພາກລັດ ແລະ ເອກະຊົນພາຍໃນ ແລະ ຕ່າງປະເທດ, ບັນດາຂະແໜງການຈັດຕັ້ງຂອງ ລັດຂັ້ນເມືອງ ພາຍໃນ ນະຄອນຫຼວງວຽງຈັນ ຄື: ເມືອງຈັນທະບູລີ, ເມືອງ ສີສັດຕະນາກ ແລະ ເມືອງ ໄຊເສດຖາ.

ຝຶກອົບຮົມວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ຢູ່ ພະແນກຍຸຕິທຳ ແຂວງວຽງຈັນ

     ພະແນກຍຸຕິທຳ ແຂວງວຽງຈັນ ໄດ້ເປີດຝຶກອົບຮົມວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດຂຶ້ນ ໃນວັນທີ 26 ມັງກອນ 2016, ເວລາ 8:30 ໂມງ ພາຍໃຕ້ການເປັນທານຂອງ ທ່ານ ກອງສີ ອຸດົມ ກຳມະການພັກແຂວງ, ເລຂາ ໜ່ວຍພັກ, ຫົວໜ້າພະແນກຍຸຕິທຳແຂວງວຽງຈັນ ແລະ ທ່ານ ອຳນວຍພອນ ປັນຍາສະຫວັດ ຮອງຫົວໜ້າສູນແກ້ໄຂຂໍ້ຂັດແຍ່ງທາງດ້ານເສດຖະກິດ.

ການຝຶກອົບຮົມວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ

      ລັດ ສົ່ງເສີມການພົວພັນຮ່ວມມືກັບຕ່າງປະເທດ, ພາກພື້ນ ແລະ ສາກົນ ກ່ຽວກັບວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ. ສະນັ້ນ, ການຝຶກອົບຮົມຈາກຊ່ຽວຊານຕ່າງປະທດ ຈຶ່ງຖືໄດ້ວ່າມີຄວາມຈຳເປັນໃນການປັບປຸງການແກ້ໄຂຂໍ້ຂັດແຍ່ງທາງດ້ານເສດຖະກິດ ເພື່ອໃຫ້ມີປະສິດທິພາບ ແລະ ສອດຄ່ອງກັບພາກພື້ນ ແລະ ສາກົນ. ການຝຶກອົບຮົມວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ໄດ້ຈັດຂຶ້ນໃນວັນທີ 16–17 ພະຈິກ 2015 ທີ່ສູນຮ່ວມມືສາກົນ ແລະ ຝຶກອົບຮົມ (ICTC), ນະຄອນຫຼວງວຽງຈັນ.