ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ຈໍາປາສັກ ປະຖະກະຖາວັນສໍາຄັນຂອງພັກ - ຂອງຊາດ

          ໃນວັນທີ 25 ສິງຫາ 2021 ຜ່ານມາ ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ຈຳປາສັກ, ໄດ້ຈັດພິທີປາຖະກາຖາ ເລົ່າມູນເຊື້ອ 4 ວັນປະຫວັດສາດ ທີ່ສຳຄັນຂອງພັກ-ຂອງຊາດ ພາຍໃຕ້ການເປັນປະທານຂອງ ທ່ານ ບຸນຄົງ ພັນວົງສາ ກຳມະການພັກແຂວງ, ຫົວໜ້າພະແນກຍຸຕິທໍາແຂວງ, ມີທ່ານຄະນະພະແນກ, ຫົວໜ້າ-ຮອງຫົວໜ້າຂະແໜງ, ຕະຫລອດຮອດພະນັກງານ-ລັດຖະກອນ, ພ້ອມດ້ວຍທະນາຍຄວາມເຂົ້າຮ່ວມຢ່າງພ້ອມພຽງ, ເຊິ່ງໃນພິທີດັ່ງກ່າວ ທ່ານ ສົມນຶກ ແສງອາໄພ ຮອງເລຂາໜ່ວຍພັກ ຮອງພະແນກຍຸຕິທຳໃຫ້ກຽດປາຖະກະຖາກ່ຽວກັບ 2 ເອກະສານຄື: ວັນລັດຖະທຳມະນູນ ຄົບຮອບ 30 ປີ (15 ສີງຫາ 1991 - 15 ສິງຫາ 2021), ວັນເກີດ ທ່ານ ພີແຈນ ກາສໂຕ ຣຸດສ ຄົບຮອບ 95 ປີ (13 ສິ

ພະແນກຍຸຕິທຳແຂວງ ຈຳປາສັກ ສະຫຼຸບວຽກງານ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ

          ໃນວັນທີ 6 ສິງຫາ 2021 ຢູ່ທີ່ຫ້ອງປະຊຸມໃຫ່ຍຂອງພະແນກຍຸຕິທໍາແຂວງ ຈໍາປາສັກ ໄດ້ຈັດກອງປະຊຸມສະຫຼຸບວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2021 ພ້ອມທັງປະກາດການຈັດຕັ້ງ ຂອງພະແຍກຍຸຕິທຳແຂວງ ໂດຍການເປັນປະທານຮ່ວມຂອງທ່ານ ສະນັ່ນ ສີພາພົມມະຈັນ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ ແລະ ທ່ານ ບຸນຄົງ ພັນວົງສາ ກຳມະການພັກແຂວງ ຫົວໜ້າພະແນກຍຸຕິທໍາແຂວງ, ມີແຂກຖຶກເຊີນຈາກພະແນກການອ້ອມຂ້າງແຂວງ, ຄະນະພະແນກ, ຫົວໜ້າ, ຮອງຫົວໜ້າຫ້ອງການຍຸຕິທຳ 1 ນະຄອນ/ເມືອງ ແລະ ວິຊາການເຂົ້າຮ່ວມ 55 ຄົນ, ຍິງ 18 ຄົນ.

ພະແນກຍຸຕິທຳແຂວງ ຈຳປາສັກປະຖະກະຖາວັນສຳຄັນຂອງຊາດໃຫ້ພະນັກງານ-ລັດຖະກອນ

          ໃນຕອນເຊົ້້າຂອງວັນທີ 4 ສິງຫາ 2021 ຜ່ານມານີ້ ພະແນກຍຸຕິທຳແຂວງ ຈຳປາສັກ ໄດ້ຈັດພິທີປະຖະກະຖາ ວັນສຳຄັນຂອງຊາດ ຂື້ນຢູ່ທີ່ຫ້ອງປະຊຸມໃຫ່ຍຂອງຕົນ ໂດຍການເປັນປະທານຂອງທ່ານ ສີປະເສີດ ແສນສະຫວັດ ອະດີດຄະນະປະຈຳພັກແຂວງ, ອະດີດຮອງຄະນະໂຄສະນາອົບຮົມສູນກາງ, ເຂົ້າຮ່ວມໂດຍທ່ານ ບຸນຄົງ ພັນວົງສາ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີບັນດາທ່ານຄະນະພະແນກ, ຫົວໜ້າຂະແໜງ, ຮອງຫົວໜ້າຂະແໜງ, ພ້ອມດ້ວຍພະນັກງານ - ລັດຖະກອນ ພາຍໃນພະແນກຍຸຕິທຳແຂວງເຂົ້າຮ່ວມທັງໝົດ 42 ທ່ານ, ຍິງ 17 ທ່ານ.

ໜ່ວຍພັກພະແນກຍຸຕິທໍາແຂວງ ຈຳປາສັກ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2020

          ພິທີດັ່ງກ່າວໄດ້ຈັດຂື້ນໃນວັນທີ 30 ກໍລະກົດ 2021 ທີ່ຫ້ອງປະຊຸມພະແນກຍຸຕິທຳແຂວງ ໂດຍການເປັນປະທານ ຂອງສະຫາຍ ແກ້ວລັດຕະນະ ສີຫາວົງ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງ, ເຂົ້າຮ່ວມໂດຍ ສະຫາຍ ບຸນຄົງ ພັນວົງສາ ກຳມະການພັກແຂວງ ເລຂາໜ່ວຍພັກຮາກຖານ ຫົວໜ້າພະແນກຍຸຕິທຳແຂວງ, ມີຄະນະກວດກາປະເມີນຜົນຂັ້ນແຂວງ, ແຂກເຊີນຈາກໜ່ວຍພັກຂົງເຂດປົກປ້ອງກົດໝາຍ, ຄະນະພັກ - ຄະນະພະແນກ ແລະ ສະມາຊິກພັກພາຍໃນໜ່ວຍພັກຮາກຖານພະແນກຍຸຕິທຳແຂວງເຂົ້າຮ່ວມ.

ພະແນກຍຸຕິທຳແຂວງ ຈຳປາສັກ ເປີດຊຸດຝຶກອົບຮົມກົດໝາຍ 45 ວັນ

          ໃນວັນທີ 13 ກໍລະກົດ 2021 ຜ່ານມາ ຢູ່ທີ່ພະແນກຍຸຕິທໍາແຂວງ ຈໍາປາສັກ ໄດ້ຈັດພິທີເປີດ ຊຸດຝຶກອົບຮົມກົດໝາຍໄລຍະສັ້ນ 45 ວັນ, ໃຫ້ແກ່ພະນັກງານນຳພາ-ຄຸ້ມຄອງ ຂອງພະແນກການອ້ອມຂ້າງແຂວງ, ນະຄອນ ແລະ 9 ເມືອງ, ທຸລະກິດພາກລັດ ແລະ ເອກະຊົນ ຊຸດທີ IX ປະຈໍາ ປີ 2021 ຂຶ້ນ ໂດຍການເປັນປະທານຂອງ ທ່ານ ແກ້ວລັດຕະນະ ສີຫາວົງ ຮອງປະທານສະພາປະຊາຊົນ ແຂວງ ຈຳປາສັກ, ໃຫ້ກຽດເຂົ້າຮ່ວມໂດຍທ່ານ ບຸນຄົງ ພັນວົງສາ ຫົວໜ້າພະແນກຍຸຕິທຳແຂວງ, ມີຄະນະຮັບຜິດຊອບຊຸດຝຶກອົບຮົມ, ຄູ - ອາຈານ, ນັກຝຶກອົບຮົມ ແລະ ພາກສ່ວນກ່ຽວຂ້ອງເຂົ້າຮ່ວມທັງໝົດ 63 ທ່ານ, ຍິງ 7 ທ່ານ.

ແຂວງ ຈຳປາສັກ ເປີດຊຸດຝຶກອົບຮົມ ວຽກງານຊ່ວຍເຫລືອທາງດ້ານກົດໝາຍ ແລະ ວຽກງານແກ້ໄຂຂໍ້ຂັດແຍ່ງຂັ້ນບ້ານ

         ໃນວັນທີ 15 ມີນາ 2021 ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ຈຳປາສັກ ໄດ້ເປີດຊຸດຝຶກອົບຮົມວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານໄກ່ເກັ່ຍຂໍ້ຂັດແຍ່ງຂັ້ນບ້ານຂຶ້ນ ໂດຍການເປັນປະທານຮ່ວມ ຂອງທ່ານ ສົມນຶກ ແສງອາໄພ ຮອງຫົວໜ້າພະແນກຍຸຕິທຳ, ທ່ານ ສີສຸພັນ ທອງສາຍທາລາ ຮອງຫົວໜ້າກົມສົ່ງເສີມລະບົບຍຸຕິທໍາ ກະຊວງຍຸຕິທໍາ, ມີຜູ້ຕາງໜ້າ ຈາກ ມູນນິທິເອເຊຍ ປະຈໍາລາວ, ພະນັກງານ-ລັດຖະກອນ ຂະແໜງສົ່ງເສີມວຽກງານຍຸຕິທຳ, ຫ້ອງການຍຸຕິທໍາ ນະຄອນ ແລະ 9 ເມືອງ ເຂົ້າຮ່ວມທັງໝົດ 33 ທ່ານ, ຍິງ 9 ທ່ານ.

ພະແນກຍຸຕິທໍາ ແຂວງ ຈໍາປະສັກ ລົງເຄື່ອນໄຫວຊຸກຍູ້ວຽກງານຮອບດ້ານຢູ່ບັນດາເມືອງ

ໃນລະຫວ່າງ ວັນທີ 10 - 13 ທັນວາ 2019 ຜ່ານມານີ້ທ່ານ ບົວສອນ ວົງຫາຈັກ ຮັກສາການ ຫົວໜ້າພະແນກຍຸຕິທໍາ ແຂວງ ຈຳປາສັກ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານຮອບດ້ານຂອງຂະແໜງຍຸຕິທຳ ຢູ່ບັນດາເມືອງ ທີ່ຂຶ້ນກັບຄວາມຮັບຜິດຊອບຂອງຕົນ.

ພະແນກຍຸຕິທຳແຂວງ ຈຳປາສັກ ເປີດຊຸດຝືກອົບຮົມກົດໝາຍໄລຍະສັ້ນ 45 ວັນ

ຕອນເຊົ້າ ຂອງວັນທີ 25 ເມສາ 2019 ຜ່ານມານີ້ ຢູ່ທີ່ພະແນກຍຸຕິທຳແຂວງ ຈຳປາສັກ ໄດ້ຈັດພິທີເປີດຊຸດຝືກອົບຮົມກົດໝາຍໄລຍະສັ້ນ 45 ວັນ ໃຫ້ແກ່ພະນັກງານນຳພາ, ຄຸ້ມຄອງຂອງພະແນກການອ້ອມຂ້າງແຂວງ, ນະຄອນ, 9 ຕົວເມືອງ, ພາກສ່ວນທຸລະກິດ ແລະ ເອກະຊົນ ຂຶ້ນຢູ່ທີ່ຫ້ອງປະຊຸມຊັ້ນ 3 ຂອງພະແນກຍຸຕິທຳແຂວງ ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ສີທົນ ແກ້ວພູວົງ ຄະນະປະຈຳພັກແຂວງ ປະທານແນວລາວສ້າງຊາດ, ມີຄະນະພະແນກຍຸຕິທຳ, ຄະນະຮັບຜິດຊອບຊຸດຝຶກອົບຮົມກົດໝາຍໄລຍະສັ້ນ 45 ວັນ, ຄູ-ອາຈານ ພ້ອມດ້ວຍນັກຝືກອົບຮົມເຂົ້າຮ່ວມທັງໝົດ 49 ທ່ານ, ຍິງ 13 ທ່ານ.

Pages