ຂ່າວການເຄື່ອນໄຫວ ແລະ ບົດຄວາມອື່ນໆ

ເມືອງ ແປກ ແຂວງ ຊຽງຂວາງ ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ

          ໃນວັນທີ 3 ກັນຍາ 2021 ຜ່ານມາ, ຢູ່ທີ່ຫ້ອງການບ້ານ ຍວນ ເມືອງ ແປກ ແຂວງ ຊຽງຂວາງ ໄດ້ຈັດພິທີເປີດຊຸດຝຶກອົບຮົມກົດໝາຍຂົັ້ນພື້ນຖານລະບົບບຳລຸງ 45 ວັນ ຂຶ້ນພາຍໃຕ້ການເປັນປະທານຮ່ວມໂດຍທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ແລະ ທ່ານ ສິນທະວົງ ພິມມະວົງ ຮອງເລຂາພັກເມືອງ ປະທານກວດກາພັກ-ລັດເມືອງ ຜູ້ຊີ້ນຳວຽກງານກົດໝາຍ, ມີບັນດາທ່ານກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ປກສ, ປກຊ ແລະ ນັກຝຶກອົບຮົມ ເຂົ້າຮ່ວມທັງໝົດ 55 ທ່ານ, ຍິງ 18 ທ່ານ.

ເມືອງ ຄຳ ແຂວງ ຊຽງຂວາງ ເປີດຮຽນກົດໝາຍ 45 ວັນ

          ໃນວັນທີ 30 ສິງຫາ 2021 ຢູ່ທີ່ຫ້ອງການກຸ່ມ ວຽງໄຊ ເມືອງ ຄຳ ແຂວງ ຊຽງຂວາງ ໄດ້ເປີດພິທີ ຝຶກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ໃຫ້ແກ່ພະນັກງານອ້ອມຂ້າງເມືອງ, ຄະນະພັກຮາກຖານກຸ່ມ, ອົງການປົກຄອງບ້ານ ແລະ ປະຊາຊົນ ໃຫ້ກຽດເຂົ້າຮ່ວມເປັນປະທານໂດຍທ່ານ ໃຈເພັດ ພິມວົງສາ ກຳມະການພັກແຂວງ ເລຂາພັກເມືອງ ເຈົ້າເມືອງ ຄຳ, ທ່ານ ວັນໄຊ ກຶຫວັງເນັ້ງ ຮອງຫົວໜ້າພະແນກຍຸຕິທຳແຂວງ, ທ່ານ ສົມພູ ສີສົມພົງ ເລຂາພັກກຸ່ມ ພ້ອມດ້ວຍຄະນະຮັບຜິດຊອບການຮຽນ-ການສອນກົດໝາຍ 45 ວັນ ຂັ້ນແຂວງ ແລະ ເມືອງ, ມີກຳລັງປ້ອງກັນຊາດ, ປ້ອງກັນຄວາມສະຫງົບ, ອົງການປົກຄອງບ້ານ ແລະ ເປົ້າໝາຍຜູ້ເຂົ້າຮຽນ ເຂົ້າຮ່ວມທັງໝົດ 51 ທ່ານ, ຍິ

ພິທີມອບ-ຮັບ ເຄື່ອງກິລາ ທີ່ ແຂວງ ຊຽງຂວາງ

          ໃນຕອນບ່າຍຂອງວັນທີ 30 ສິງຫາ 2021 ຫ້ອງການສະພາທະນາຍຄວາມປະຈຳແຂວງ ຊຽງຊວາງໄດ້ນຳເອົາເຄື່ອງກິລາຈຳນວນ 32 ຊຸດ ມູນຄ່າ 2,080,000 ກີບ ມາມອບໃຫ້ພະແນກຍຸຕິທຳແຂວງ ຊຽງຂວາງ ໂດຍການກ່າວມອບຂອງ ທ່ານ ສືມົວ ຢົວຢີ ຜູ້ຕາງໜ້າຫ້ອງການສະພາທະນາຍຄວາມ ແລະ ກ່າວຮັບໂດຍ ທ່ານ ທອງດີ ພົມອາສາ ຮອງຫົວໜ້າພະແນກຍຸຕິທຳແຂວງ ຊຽງຂວາງ ໂດຍມີພະນັກງານ-ລັດຖະກອນ ຂອງພະແນກຍຸຕິທຳເຂົ້າຮ່ວມ.

ພະແນກຍຸຕິທຳແຂວງ ຊຽງຂວາງ ໂຄສະນາເຜີຍແຜ່ກົດໝາຍຢູ່ບ້ານ ນາສົມ ເມືອງ ຜາໄຊ

          ໃນຕອນເຊົ້າຂອງວັນທີ 27 ສິງຫາ 2021 ຜ່ານມານີ້ ພະແນກຍຸຕິທຳແຂວງ ສົມທົບກັບຫ້ອງ ການຍຸຕິທຳເມືອງ ໄດ້ລົງເຄື່ອນໄຫວວຽກງານໂຄສະນາເຜີຍແຜ່ກົດໝາຍ ໃຫ້ແກ່ພໍ່ແມ່ປະຊາຊົນບ້ານ ນາສົມ ເມືອງ ຜາໄຊ ແຂວງ ຊຽງຂວາງ ໂດຍການເປັນປະທານຮ່ວມຂອງທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ທ່ານ ສິງໄພ ພິມມະວົງ ຮອງເລຂາພັກເມືອງ ຜູ້ຊີ້ນຳວຽກງານກົດໝາຍ , ທ່ານ ບົວສອນ ທຳມະວົງ ຫົວໜ້າຫ້ອງການຍຸຕິທຳເມືອງ ຜາໄຊ ມີຄະນະຮັບຜິດຊອບຈາກແຂວງ, ເມືອງ, ເລຂາພັກບ້ານ, ນາຍບ້ານ ແລະ ພໍ່ແມ່ປະຊາຊົນເຂົ້າຮ່ວມທັງໝົດ 59 ຄົນ, ຍິງ 26 ຄົນ.

ພິທີເປີດຊຸດຝຶກອົບຮົມກົດໝາຍ 45 ວັນ ຢູ່ເມືອງ ໜອງແຮດ ແຂວງ ຊຽງຂວາງ

          ໃນວັນທີ 12 ສິງຫາ 2021 ຢູ່ທີ່ສະໂມສອນຫ້ອງວ່າການປົກຄອງເມືອງ ໜອງແຮດ ແຂວງ ຊຽງຂວາງ ໄດ້ຈັດພິທີເປີດຊຸດຝຶກອົບຮົມກົດໝາຍຂົັ້ນພື້ນຖານລະບົບບຳລຸງ 45 ວັນໃຫ້ພະນັກງານອ້ອມຂ້າງເມືອງ, ກຸ່ມບ້ານ ແລະ ອົງການຈັດຕັ້ງບ້ານ ພາຍໃຕ້ການເປັນປະທານຮ່ວມໂດຍ ທ່ານ ໜໍເຢັ່ງຢ່າງ ຕົ່ງເຢີເຍ່ຍເກົ້າ ຄະນະປະຈຳພັກເມືອງ ປະທານກວດກາພັກ-ລັດເມືອງຜູ້ຊີ້ນຳວຽກງານກົດໝາຍ, ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ມີບັນດາທ່ານກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ສອງກຳລັງປະກອບອາວຸດ ແລະ ນັກຝຶກອົບຮົມ ເຂົ້າຮ່ວມທັງໝົດ 92 ທ່ານ, ຍິງ 19 ທ່ານ.

ພະແນກຍຸຕິທຳແຂວງ ຊຽງຂວາງ ເອົາໃຈໃສ່ໃນວຽກງານກວດກາ

          ໃນຕອນເຊົ້າຂອງວັນທີ 9 ສິງຫາ 2021 ອົງການກວດກາພັກ-ລັດແຂວງ ຊຽງຂວາງ ໄດ້ລົງກວດກາປົກກະຕິ ປະຈຳປີ 2021 ຢູ່ພະແນກຍຸຕິທຳແຂວງ ຊຽງຂວາງ ໃຫ້ກຽດເປັນປະທານໂດຍທ່ານ ຈັນໄຄ ສຸທິຈັກ ຄະນະປະຈຳພັກແຂວງ ປະທານອົງການກວດກາພັກ - ລັດແຂວງ. ເຂົ້າຮ່ວມກອງປະຊຸມມີທິມງານຂອງອົງການກວດກາພັກ-ລັດແຂວງ, ມີຫົວໜ້າ, ຮອງຫົວໜ້າພະແນກຍຸຕິທຳ, ຫົວໜ້າ ຫຼື ຮອງຫົວໜ້າຂະແໜງເຂົ້າຮ່ວມ ຈຳນວນ 15 ທ່ານ, ຍິງ 5 ທ່ານ.

ເມືອງ ຄຳ ແຂວງ ຊຽງຂວາງ ປະກາດການຈັດຕັ້ງ

          ໃນຕອນເຊົ້າ ຂອງວັນທີ 29 ກໍລະກົດ 2021 ຢູ່ທີ່ຫ້ອງວ່າການປົກຄອງເມືອງ ຄຳ ແຂວງ ຊຽງຂວາງ ໄດ້ຈັດພິທີປະກາດການຈັດຕັ້ງພະນັກງານດຳລົງຕໍາແໜ່ງຫົວໜ້າຫ້ອງການຍຸຕິທຳຂຶ້ນ ໂດຍການເປັນປະທານຮ່ວມຂອງທ່ານ ໃຈເພັດ ພິມວົງສາ ກຳມະການພັກແຂວງ ເລຂາພັກເມືອງ ເຈົ້າເມືອງ ຄຳ ແລະ ທ່ານ ທອງດີ ພົມອາສາ ຮອງຫົວໜ້າພະແນກຍຸຕິທຳ, ມີຄະນະພັກເມືອງ, ຫົວໜ້າຫ້ອງການ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ ຈຳນວນ 28 ທ່ານ, ຍິງ 4 ທ່ານ.

ພິທີປະຖະກະຖາວັນສຳຄັນຕ່າງໆຂອງຊາດ ທີ່ ແຂວງ ຊຽງຂວາງ.

          ໃນຕອນເຊົ້າຂອງວັນທີ 26 ກໍລະກົດ 2021 ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ຊຽງຂວາງ ໄດ້ຈັດພິທີປະຖະກະຖາວັນສຳຄັນຂອງຊາດຂືຶ້ນ ໂດຍການເປັນປະທານຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ພະນັກງານ-ລັດຖະກອນເຂົ້າຮ່ວມຢ່າງພ້ອມພຽງ.

ກອງປະຊຸມສະຫຼຸບການຈັດຕັ້ງປະຕິບັດຄຳແນະນຳຮ່ວມ ຂອງສາມພາກສ່ວນ

          ກອງປະຊຸມສະຫຼຸບການຈັດຕັ້ງປະຕິບັດຄຳແນະນຳຮ່ວມ ຂອງສາມພາກສ່ວນ ໄດ້ຈັດຂຶ້ນໃນຕອນເຊົ້າຂອງວັນທີ 23 ກໍລະກົດ 2021 ຢູ່ທີ່ຄ້າຍຄຸມຂັງ ແລະ ດັດສ້າງ ປກສ ແຂວງ ຊຽງຂວາງ ໂດຍການເປັນປະທານຮ່ວມຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ທ່ານ ຄຳຫຼ້າ ທຳມະວົງ ຫົວໜ້າອົງການໄອຍະການປະຊາຊົນ ແລະ ທ່ານ ພັນໂທ ວຽງຫຼວງ ພົນອາສາ ຫົວໜ້າຄ້າຍຄຸມຂັງ-ດັດສ້າງ ມີພາກສ່ວນກ່ຽວຂ້ອງ ແລະ ພະນັກງານ-ລັດຖະກອນຂອງສາມພາກສ່ວນເຂົ້າຮ່ວມ.

Pages