ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳ ແຂວງ ບໍລິຄໍາໄຊ ເຜີຍແຜ່ເອກສານສຳຄັນ ໃຫ້ພະນັກງານ - ລັດຖະກອນ

ໃນວັນທີ 8 ຕຸລາ 2019 ຜ່ານມານີ້ ຢູ່ທີ່ຫ້ອງປະຊຸມພະແນກຍຸຕິທຳແຂວງບໍ່ລິຄຳໄຊ ໄດ້ຈັດກອງປະຊຸມເຜີຍແຜ່ເອກະສານສຳຄັນ ແລະ ແຈ້ງລະບຽບຈັນຍາບັນຂອງພະນັກງານ- ລັດຖະກອນຂຶ້ນ ໂດຍໃຕ້ການເປັນປະທານຂອງ ທ່ານ ຄຳຜັນ ສິດໄຊຍະສານ ຮອງຫົວໜ້າພະແນກຍຸຕິທຳແຂວງ ບໍລິຄຳໄຊ, ມີຫົວໜ້າຂະແໜງ ແລະ ຮອງຂະແໜງ, ພະນັກງານວິຊາການເຂົ້າຮ່ວມຈຳນວນ 38 ທ່ານ, ຍິງ 14 ທ່ານ.

ບໍລິຄຳໄຊ ເຜີຍແຜ່ດຳລັດການຊ່ວຍເຫຼືອທາງດ້ານກົດໝາຍ ແລະ ປະກາດການຈັດຕັ້ງໃຫ້ການຊ່ວຍເຫຼືອທາງດ້ານກົດໝາຍ

ໃນວັນທີ 13 ກັນຍາ 2019 ຜ່ານມານີ້ ຢູ່ທີ່ໂຮງແຮມວິໄລສັກ ແຂວງ ບໍລິຄຳໄຊ ກົມສົ່ງເສີມລະບົົບຍຸຕິທໍາ ກະຊວງຍຸຕິທໍາ ໄດ້ຈັດພິທີ ເຜີຍແຜ່ດໍາລັດວ່າດ້ວຍການຊ່ວຍເຫຼືອທາງດ້ານກົດໝາຍ ແລະ ການປະກາດການຈັດຕັ້ງໃຫ້ການຊ່ວຍເຫຼືຶອທາງດ້ານກົດໝາຍ ໂດຍພາຍໃຕ້ການເປັນປະທານຂອງ ທ່ານ ບຸນສະຫວາດ ບຸບຜາ ຮອງລັດຖະມົນຕີ ກະຊວງຍຸຕິທຳ ໃຫ້ກຽດເຂົ້າຮ່ວມໂດຍທ່ານ ບຸນມາ ບຸຈະເລີນ ຮອງເຈົ້າແຂວງ ບໍລິຄຳໄຊ ມີຫົວໜ້າພະແນກການ, ພະນັກງານຫ້ອງການຍຸຕິທຳເມືອງ 7 ເມືອງ ແລະ ນາຍບ້ານພ້ອມດ້ວຍ ຄະນະໄກ່ເກ່ຍຂໍ້ຂັດແຍ່ງຂັ້ນບ້ານ ຈຳນວນ 5 ບ້ານເຂົ້າຮ່ວມ.

ກຳມະບານຮາກຖານພະແນກຍຸຕິທຳແຂວງ ບໍລິຄຳໄຊ ຈັດກອງປະຊຸມໃຫຍ່ ຄັ້ງທີ 5

ໃນວັນທີ 9 ກັນຍາ 2019 ຜ່ານມານີ້ ກຳມະບານຮາກຖານພະແນກຍຸຕິທຳແຂວງ ບໍລິຄຳໄຊ ໄດ້ຈັດກອງປະຊຸມໃຫຍ່ ຄັ້ງທີ 5 ຂຶ້ນທີ່ຫ້ອງປະຊຸມ ໄອຍະການປະຊາຊົນເຂດ 1 ພາຍໃຕ້ການເປັນປະທານຂອງ ທ່ານ ສະພັງທອງ ພົມມະຈັກ ປະທານຮາກຖານກຳມະບານ ພະແນກຍຸຕິທຳແຂວງ ໃຫ້ກຽດເຂົ້າຮ່ວມມີ ທ່ານ ດຳລົງ ທັບລາດ ຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກຳມະບານແຂວງ, ທ່ານ ຄໍາຜັນ ສິດໄຊຍະສານ ເລຂາໜ່ວຍພັກ ຮອງຫົວໜ້າພະແນກຍຸຕິທໍາແຂວງ. ມີບັນດາທ່ານແຂກຖືກເຊີນ ແລະ ສະມາຊິກກຳມະບານພາຍໃນ ພະແນກຍຸຕິທຳແຂວງເຂົ້າຮ່ວມ.

ພິທີເປີດຊຸດຝຶກອົບຮົມກົດຫມາຍໄລຍະສັ້ນ 45 ວັນ ທີ່ ຫ້ອງການຍຸຕິທຳເມືອງ ໄຊຈຳພອນ ແຂວງບໍລິຄຳໄຊ.

ໃນວັນທີ 29 ມີນາ 2019 ຜ່ານມານີ້ ໄດ້ຈັດພິທີເປີດຊຸດຝຶກອົບຮົມກົດຫມາຍໄລຍະສັ້ນ 45 ວັນ ຂຶ້ນຢູ່ທີ່ຫ້ອງການຍຸຕິທຳເມືອງ ໄຊຈຳພອນ ແຂວງ ບໍລິຄຳໄຊ ໃຫ້ກງດເປັນປະທານກອງປະຊຸມໂດຍ ທ່ານ ອຸດົມ ໄຊຍວນຕາ ຮອງເລຂາພັກເມືອງ, ຮອງເຈົ້າເມືອງ ໄຊຈຳພອນ, ມີທ່ານ ຄຳສອນ ສີຫາລາດ ວ່າການ ຫົວຫນ້າຫ້ອງການຍຸຕິທຳເມືອງ ມີບັນດາຫົວຫນ້າຫ້ອງການອ້ອມຂ້າງເມືອງ, ເລຂາພັກບ້ານ ແຕ່ລະບ້ານ, ຄູສອນ ແລະ ນັກສໍາມະນາກອນເຂົ້າຮ່ວມຢ່າງພ້ອມພຽງ ມີທັງຫມົດ 40 ທ່ານ, ຍີງ 10 ທ່ານ.

ຫ້ອງການຍຸຕິທຳ ເມືອງ ຄຳເກີດ ແຂວງ ບໍລິຄຳໄຊ ລົງໂຄສະນາກົດໝາຍຢູ່ ບັນດາບ້ານ

ໃນລະຫ່ວາງວັນທີ 22-26 ມີນາ 2019 ຜ່ານມານີ້ ຫ້ອງການຍຸຕິທຳເມືອງ ຄຳເກີດ ແຂວງ ບໍລິຄຳໄຊ, ນໍາໂດຍ ທ່ານ ຄຳພູວັນ ໝັ້ນມະນີ ຫົວໜ້າ ໜ່ວຍງານໂຄສະນາອົບຮົມກົດໝາຍ ຫ້ອງການຍຸຕິທໍາ ເມືອງ ຄຳເກີດ ໄດ້ນຳພານັກສຶກສາກົດໝາຍຝຶກງານ ລົງເຄື່ອນໄຫວປະຕິບັດວຽກງານຍຸຕິທຳຮາກຖານໂດຍສະເພາະ ວຽກງານໂຄສະນາເຜີຍແຜ່ກົດໝາຍ ຢູ່ບັນດາບ້ານ, ໂຮງຮຽນ ຊຶ່ງລວມມີ 13 ບ້ານ, 3 ໂຮງຮຽນຢູ່ພາຍໃນເມືອງ ແລະ ມີຈໍານວນຜູ້ເຂົ້າຮັບຟັງທັງໝົດ 1964 ຄົນ, ຍີງ 1362 ຄົນ. 

ສະມາຊິກພັກພະນັກງານຫຼັກແຫຼ່ງ ຂອງພະແນກຍຸຕິທຳ ແຂວງບໍລິຄຳໄຊ ເຊື່ອມຊືມເອກສານສຶກສາອົບຮົມການເມືອງ - ແນວຄິດ

ເພື່ອເປັນການເຜີຍແຜ່ເຊື່ອມຊຶມບັນດາເອກະສານສຳຄັນຕ່າງໆຂອງພັກໃຫ້ສະມາຊິກພັກ ພະນັກງານຫຼັກແຫຼ່ງ ໃນວັນທີ 18 ກຸມພາ 2019 ຢູ່ຫ້ອງປະຊຸມສະພາປະຊາຊົນແຂວງບໍລິຄຳໄຊ ໄດ້ຈັດກອງປະຊຸມເຜີຍແຜ່ເອກະສານສຶກສາອົບຮົມການເມືອງ-ແນວຄິດເພື່ອກະກຽມດຳເນີນກອງປະຊຸມໃຫຍ່ຂອງພັກ3ຂັ້ນສຳລັບສະມາຊິກພັກ-ພະນັກງານຫຼັກແຫຼ່ງຂອງສະ ພາປະຊາຊົນແຂວງ, ສານປະຊາຊົນແຂວງ, ອົງການໄອຍະການປະຊາຊົນແຂວງ ແລະ ພະແນກຍຸຕິທຳແຂວງບໍລິຄຳໄຊ ຈຳນວນພະນັກງານເຂົ້າຮ່ວມຮັບຟັງທັງໝົດ 51 ສະຫາຍ, ຍິງ 23 ສະຫາຍ ຈຸດປະສົງເພື່ອເຮັດໃຫ້ພະນັກ ງານຫຼັກແຫຼ່ງໃນຂົງເຂດຕຸລາການ ແລະ ນິຕິບັນຍັດ ໄດ້ຮັບຮູ້ ເຂົ້າໃຈແຈ້ງກ່ຽວກັບການນຳພາຂອງພັກເຮົາເພື່ອມາໝູນໃຊ້ເຂົ້າໃນການປະຕິບັດກົດໝາຍ ເອກະສານ

ພິທີມອບຮັບໜ້າທີ່ ລະຫວ່າງຮັກສາການພະແນກຍຸຕິທຳຜູ້ເກົ່າ ແລະ ຫົວໜ້າພະແນກຍູຕິທຳຜູ່ໝ່

     ໃນວັນທີ່ 6 ກຸມພາ 2019 ພະແນກຍຸຕິທຳ ແຂວງບໍລິຄຳໄຊໃດ້ຈັດພິທີມອບຮັບ ໜ້າທີ່ ລະຫວ່າງຮັກສາການພະແນກຍຸຕິທຳຜູ້ເກົ່າ ແລະ ຫົວໜ້າພະແນກຍູຕິທຳຜູ້ໃໝ່ ຂື້ນຢ່າງເປັນທາງການ ໂດຍການໃຫ້ກຽດເປັນປະທານໂດຍ ທ່ານ ປອ ກອງແກ້ວ ໄຊສົງຄາມ ກຳມະການສູນກາງພັກເລຂາພັກແຂວງເຈົ້າແຂວງບໍລິຄຳໄຊ ມີຄະນະຈັດຕັ້ງແຂວງ, ຫົວໜ້າຫ້ອງວ່າການ, ຫົວໜ້າອົງການໄອຍະການປະຊາຊົນແຂວງ, ປະທານສານປະຊາຊົນແຂວງ, ຄະນະເລຂາທິການສະພາປະຊາຊົນແຂວງ ຕະຫລອດຮອດພະນັກງານພາຍໃນພະແນກຍຸຕິທຳແຂວງບໍລິຄຳໄຊເຂົ້າຮ່ວມ. 

ພະແນກຍຸຕິທຳແຂວງບໍລິຄຳໄຊ ຕ້ອນຮັບນັກສຶກສາກົດໝາຍ

ວັນທີ 15 ມັງກອນ 2019 ພະແນກຍຸຕິທຳແຂວງບໍລິຄຳໄຊ. ໄດ້ຮັບຕ້ອນນັກສຶກສາກົດໝາຍຊັ້ນສູງຈາກສະຖານບັນຍຸຕິທຳແຫ່ງຊາດ ຈຳນວນ 68 ຄົນ ຍິງ 30 ຄົນ. ທ່ານ ອາຈານ ສຸລິສັກ ເທບພະວົງ ພ້ອມຄະນະຮັບຜິດຊອບ ໄດ້ນຳພານັກສຶກສາຝຶກງານໃນຄັ້ງນີ້ ໄປມອບໃຫ້ພະແນກຍຸຕິທຳແຂວງ ເພື່ອສືບຕໍ່ນຳພາການເຄື່ອນໄຫວຝຶກງານຂອງນັກສຶກສາ, ເປັນກຽດຮັບຕ້ອນ ແລະ ໂອລົມ ຂອງ ທ່ານ ຄຳຜັນ ສິດໄຊຍະສານ ວ່າການຫົວໜ້າພະແນກຍຸຕິທຳແຂວງ ບໍລິຄຳໄຊ.

ພະ​ແນ​ກຍຸຕິ​ທຳ​ແຂວງ​ບໍລິ​ຄຳ​ໄຊ ເປີດບັ້ນດຳ​ເນີນ​ຊີວິດ​ການ​ເມືອງ​ກວດກາ​ການກໍ່​ສ້າງໜ່ວຍພັກ​ປອດ​ໃສ, ​ເຂັ້ມ​ແຂງ, ໜັກ​ແໜ້ນ ປະຈຳ​ປີ 2018

    ​ໃນ​ວັນ​ທີ 9 ມັງກອນ 2019 ​ທີ່ ​ຫ້ອງ​ປະຊຸມ​ພະ​ແນ​ກຍຸຕິ​ທຳ​ແຂວງ​ບໍລິ​ຄຳ​ໄຊ. ​ໄດ້​​ດຳ​ເນີນ​ຊີວິດ​ການ​ເມືອງ​ກວດກາ​ການ​ກໍ່ສ້າງ​ໜ່ວຍພັກ, ປອດ​ໃສ, ​ເຂັ້ມ​ແຂງ, ໜັກ​ແໜ້ນ ຂອງໜ່ວຍພັກ​ຮາກ​ຖານ​ພະ​ແນ​ກຍຸຕິ​ທຳ​ແຂວງບໍລິຄຳໄຊ ປະຈຳ​ປີ 2018​ ​ພາຍ​ໃຕ້​ການ​ເ​​ປັນ​ປະທານ​ຂອງສະຫາຍ ຄຳ​ຜັນ ສິດ​ໄຊ​ຍະ​ສານ ​ເລຂາ​ໜ່ວຍ​ພັກ ວ່າການ​ຫົວໜ້າພະແນ​ກຍຸຕິ​ທຳ​ແຂວງ. ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ຄຳ​ຕັນ ສີ​ສົມ​ຈິດ ​ແລະ ທ່ານ ນາງ ​ໄອ່​ຄຳ ​ແສນ​ມະນີ  ຄະນະ​ຕິດ​ຕາມ​ຊຸກຍູ້​ຂັ້ນ​ແຂວງ. ມີ​ບັນດາ​ສະຫາຍ​ສະມາ​ຊິກ​ພັກ​ສົມບູນ ​ແລະ ສຳ​ຮອງ​ຕະຫຼອດ​ຮອດ​ພະນັກງານ-ລັດຖະກອນ​ເຂົ້າ​ຮ່ວມ​ຢ່າງ​ພ້ອມພຽງ.

ພະແນກຍຸຕິທຳແຂວງ ບໍລິຄຳໄຊຈັດກອງປະຊຸມຜ່ານຮ່າງຂໍ້ຕົກລົງສຳຄັນຂອງແຂວງ

    ໃນວັນທີ 14 ທັນວາ 2018 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍລິຄຳໄຊ. ໄດ້ຈັດກອງປະຊຸມ ຜ່ານ 2 ໂຄງຮ່າງຂໍ້ຕົກລົງຂອງ ທ່ານເຈົ້າແຂວງບໍລິຄຳໄຊ. ວ່າດ້ວຍນະໂຍບາຍການຊົດເຊີຍຊັບສິນທີ່ໄດ້ຮັບຜົນກະທົບ ແລະ ຂໍຕົກລົງວ່າດ້ວຍລາຄາຫົວໜ່ວຍຊົດເຊີຍຜົນກະທົບຊັບສິນ. ຈາກໂຄງການກໍ່ສ້າງຂົວຂ້າມແມ່ນ້ຳຂອງແຫ່ງທີ5 ປາກຊັນ-ບຶງການ ເມືອງ ປາກຊັນ, ແຂວງ ບໍລິຄຳໄຊ. ຊຶ່ງເນື້ອທີ່ 52.42 ເຮັກຕາ.

Pages