ໃນວັນທີ 22 ພຶດສະພາ 2020 ທີ່ຜ່ານມາ ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ບໍລິຄຳໄຊ ໄດ້ຈັດພິທີເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ ໃຫ້ກຽດເປັນປະທານຂອງ ສະຫາຍ ສົມໃຈ ຄຸນພະໃຊ ເລຂາໜ່ວຍພັກຫົວໜ້າພະແນກຍຸຕິທຳ ແຂວງ ມີ ຄະນະພັກ, ສະມາຊິກພັກ ແລະ ຕາງໜ້າອົງການຈັດຕັ້ງມະຫາຊົນເຂົ້າຮ່ວມ ທັງໜົດ 25 ສະຫາຍ ,ຍິງ 11 ສະຫາຍ ; ຄະນະຮັບຜິດຊອບ ກໍໄດ້ຜ່ານຂໍ້ຕົກລົງວ່າດ້ວຍການເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນຈຳນວນ 02 ສະຫາຍ ,ຍິງ 01 ສະຫາຍ, ຕາມຂໍ້ຕົກລົງ ສະບັບເລກທີ 319 / ຄປພ.ຂບຊ ແລະ ສະບັບເລກທີ 320/ຄປພ.ຂບຊ ລົງວັນທີ 06 ເມສາ 2020 ວ່າດ້ວຍການອະນຸມັດເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ.

ໃນວັນທີ 13 ກັນຍາ 2019 ຜ່ານມານີ້ ຢູ່ທີ່ໂຮງແຮມວິໄລສັກ ແຂວງ ບໍລິຄຳໄຊ ກົມສົ່ງເສີມລະບົົບຍຸຕິທໍາ ກະຊວງຍຸຕິທໍາ ໄດ້ຈັດພິທີ ເຜີຍແຜ່ດໍາລັດວ່າດ້ວຍການຊ່ວຍເຫຼືອທາງດ້ານກົດໝາຍ ແລະ ການປະກາດການຈັດຕັ້ງໃຫ້ການຊ່ວຍເຫຼືຶອທາງດ້ານກົດໝາຍ ໂດຍພາຍໃຕ້ການເປັນປະທານຂອງ ທ່ານ ບຸນສະຫວາດ ບຸບຜາ ຮອງລັດຖະມົນຕີ ກະຊວງຍຸຕິທຳ ໃຫ້ກຽດເຂົ້າຮ່ວມໂດຍທ່ານ ບຸນມາ ບຸຈະເລີນ ຮອງເຈົ້າແຂວງ ບໍລິຄຳໄຊ ມີຫົວໜ້າພະແນກການ, ພະນັກງານຫ້ອງການຍຸຕິທຳເມືອງ 7 ເມືອງ ແລະ ນາຍບ້ານພ້ອມດ້ວຍ ຄະນະໄກ່ເກ່ຍຂໍ້ຂັດແຍ່ງຂັ້ນບ້ານ ຈຳນວນ 5 ບ້ານເຂົ້າຮ່ວມ.