ໃນຕອນເຊົ້າຂອງວັນທີ 12 ພຶດສະພາ 2022 ຢູ່ທີ່ຫ້ອງການບ້ານ ທົ່ງລາດ, ເມືອງ ວຽງພູຄາ, ແຂວງ ຫຼວງນ້ຳທາ ໄດ້ຈັດພິທີປະກາດບ້ານ ທົ່ງລາດ ເປັນບ້ານແບບຢ່າງປະຕິບັດກົດໝາຍ ໂດຍການເປັນປະທານຂອງທ່ານ ຕຽງສະໝອນ ພອນປະເສີດ ກຳມະການພັກແຂວງ, ເລຂາພັກເມືອງ, ເຈົ້າເມືອງ ວຽງພູຄາ, ໃຫ້ກຽດເຂົ້າຮ່ວມໂດຍທ່ານ ແສງຍີ ສິດຕິພອນ ຫົວໜ້າຫ້ອງການຍຸຕິທຳເມືອງ, ມີ ຫົວໜ້າຫ້ອງວ່າການເມືອງ, ປກສ ກຸ່ມທົ່ງລາດ, ພະນັກງານຮາກຖານບ້ານ, ນາຍບ້ານ ແລະ ປະຊາຊົນພາຍໃນບ້ານເຂົ້າຮ່ວມທັງໝົດ 52 ທ່ານ, ຍິງ 21 ທ່ານ.

          ໃນຕອນເຊົ້າຂອງວັນທີ 05 ພຶດສະພາ 2022 ຢູ່ທີ່ສະໂມສອນ ຂອງເມືອງ ວຽງພູຄາ ພະແນກຍຸຕິທໍາແຂວງ ຫຼວງນໍ້າທາ ໄດ້ລົງໂຄສະນາເຜີຍແຜ່ກົດໝາຍ ໃຫ້ແກ່ພະນັກງານຫຼັກແຫຼ່ງອ້ອມຂ້າງເມືອງ ວຽງພູຄາ ໂດຍເປັນປະທານຮ່ວມຂອງ ທ່ານ ນາງ ເຮືອຍ ສົມຫັວງ ກໍາມະການປະຈໍາພັກເມືອງ ຮອງເຈົ້າເມືອງ ວຽງພູຄາ ແລະ ທ່ານ ເພັດສະຫັວນ ສີພົມມະຈັນ ຮອງພະແນກຍຸຕິທໍາແຂວງ , ມີຄະນະປະຈໍາພັກເມືອງ, ກໍາມະການພັກເມືອງ, ສອງກອງບັນຊາການ, ລັດວິສາຫະກິດ, ທະນາຄານ, ຫົວໜ້າຫ້ອງການ, ຮອງຫົວໜ້າຫ້ອງການ ແລະ ພະນັກງານອ້ອມຂ້າງ ເມືອງ ວຽງພູຄາ ເຂົ້າຮ່ວມ 150 ທ່ານ , ຄົນ, ຍິງ 30 ທ່ານ.

          ໃນຕອນເຊົ້າ ຂອງວັນທີ 22 ເມສາ 2022 ຢູ່ທີ່ຫ້ອງການບ້ານ ນໍ້າເສືອ ເມືອງ ຫຼວງນໍ້າທາ ແຂວງ ຫຼວງນໍ້າທາ ໄດ້ຈັດພິທີປະກາດ ບ້ານ ນໍ້າມາງ ແລະ ບ້ານ ນໍ້າເສືອ ເປັນບ້ານແບບຢ່າງປະຕິບັດກົດໝາຍ ໂດຍການເປັນປະທານຂອງທ່ານ ຕຽງສະໝອນ ພອນປະເສີດ ກຳມະການພັກແຂວງ, ເລຂາພັກເມືອງ, ເຈົ້າເມືອງ ວຽງພູຄາ, ໃຫ້ກຽດເຂົ້າຮ່ວມໂດຍ ທ່ານ ເພັດສະຫວັນ ສີພົມມະຈັນ ຮອງຫົວໜ້າພະແນກຍຸຕິທຳແຂວງ ຫຼວງນໍ້າທາ, ມີຫົວໜ້າຫ້ອງຍຸຕິທຳ, ປກສ ກຸ່ມບ້ານ ແລະ ປະຊາຊົນທັງ 2 ບ້ານ ເຂົ້າຮ່ວມທັງໝົດ 134 ທ່ານ, ຍິງ 46 ທ່ານ.

          ຕອນເຊົ້າວັນທີ່ 4 ມີນາ 2022 ທີ່ຫ້ອງປະຊູມສານປະຊາຊົນແຂວງ ໄດ້ຈັດພິທີປາຖະກະຖາ ວັນແມ່ຍິງສາກົນ ຄົບຮອບ 112 ປີ, ໂດຍການເປັນປະທານຂອງ ທ່ານ ນາງ ລຸນນີ ມີ່ງເມືອງ ຄະນະບໍລິຫານງານສະຫະພັນແມ່ຍິງແຂວງ, ຜູ້ຊີ້ນຳໜ່ວຍສະຫະພັນແມ່ຍິງ ພະແນກຍຸຕິທຳ ແລະ ສານປະຊາຊົນແຂວງ, ເຂົ້າຮ່ວມໂດຍທ່ານ ສົມພັນ ແພງສະຫວັດ ຮອງເລຂາໜ່ວຍພັກ, ຮອງປະທານສານປະຊາຊົນແຂວງ, ຕະຫຼອດຮອດເອື້ອຍນ້ອງແມ່ຍິງທັງສອງໜ່ວຍເຂົ້າຮ່ວມ.