ຂ່າວການເຄື່ອນໄຫວ ແລະ ບົດຄວາມອື່ນໆ

ຫ້ອງການຍຸຕິທຳເມືອງ ພູຄູນ ແຂວງ ຫຼວງພະບາງ ຍົກລະດັບຄວາມຮູ້ໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ

          ໃນວັນທີ 26 ສິງຫາ 2021 ຜ່ານມານີ້ ຫ້ອງການຍຸຕິທໍາເມືອງ ພູຄູນ ແຂວງ ຫຼວງພະບາງ ໄດ້ເປີດຝຶກອົບຮົມວຽກງານແກ້ໄຂຂໍ້ຂັດແຍ່ງຂັ້ນບ້ານ ພາຍໃນກຸ່ມບ້ານ ຈີມ ໃຫ້ກຽດເຂົ້າຮ່ວມພິທີເປີດໂດຍແມ່ນ ທ່ານ ອົງຊົ່ງ ໄຊຍະວົງ ຄະນະປະຈໍາພັກເມືອງ ປະທານແນວລາວສ້າງຊາດເມືອງ, ທ່ານ ຄໍາໄຊ ວ່າງ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ, ມີການຈັດຕັ້ງບ້ານ, ປກສ ກຸ່ມບ້ານ ແລະ ຄະນະແກ້ໄຂຂໍ້ຂັດແຍ່ງຂັ້ນບ້ານຂອງບັນດາບ້ານພາຍໃນກຸ່ມບ້ານ ຈີມ ເຂົ້າຮ່ວມທັງໝົດ 36 ທ່ານ, ຍິງ 05 ທ່ານ.

ທ່ານຫົວໜ້າພະແນກຍຸຕິທໍາແຂວງ ຫຼວງພະບາງ ລົງຊຸກຍູ້ວຽກງານຍຸຕິທໍາຮາກຖານ ພາຍໃນ 2 ເມືອງ

          ໃນລະຫວ່າງວັນທີ 19-20 ສິງຫາ 2021 ຜ່ານມານີ້ ທ່ານ ມີໄຊ ໄຊເກີຢ່າຈົ່ງຕົວ ພ້ອມດ້ວຍຄະນະ ໄດ້ລົງຊຸກຍູ້ວຽກງານຍຸຕິທໍາຮາກຖານ ຢູ່ 2 ເມືອງຄື: ເມືອງ ຊຽງເງິນ ແລະ ເມືອງ ນານ ຖືກຕ້ອນຮັບ ໂດຍ ທ່ານ ບຸນຊູ ຄອນຈະເລີນ ຫົວໜ້າຫ້ອງການຍຸຕິທໍາເມືອງ ຊຽງເງິນ ແລະ ທ່ານ ບຸນປອນ ຜະລີໄບ ຫົວໜ້າຫ້ອງການຍຸຕິທໍາເມືອງ ນານ ມີຜູ້ຕາງໜ້າກອງບັນຊາການ ປກສ ເມືອງ ແລະ ສະຫະພັນແມ່ຍິງເມືອງ ພ້ອມດ້ວຍພະນັກງານພາຍໃນຫ້ອງການເຂົ້າຮ່ວມ.

ພະແນກຍຸຕິທໍາແຂວງ ໄດ້ຮັບຟັງການປາຖະກະຖາວັນວັນສຳຄັນຂອງຊາດ ແລະ ເຊື່ອມຊຶມເອກະສານສຳຄັນ

          ໃນຕອນເຊົ້າ ວັນທີ 18 ສິງຫາ 2021 ຜ່ານມານີ້ ທີ່ຫ້ອງປະຊຸມຂອງພະແນກຍຸຕິທໍາແຂວງ ຫຼວງພະບາງ ໄດ້ຈັດມີພິທີປາຖະກະຖາເຜີຍແຜ່ວັນລັດຖະທໍາມະນູນ( 15 ສິງຫາ 1991 – 15 ສິງ 2021 ) ແລະ ເຊື່ອມຊຶມເອກະສານການເພີ່ມທະວີສຶກສາອົບຮົມການເມືອງ-ແນວຄິດ ແລະ ວັດທະນະທໍາໃນໄລຍະໃໝ່ ໂດຍໃຫ້ກຽດເຜີຍແຜ່ຂອງ ທ່ານ ມີໄຊ ໄຊເກີຢ່າຈົ່ງຕົວ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ມີຄະນະພັກ, ຄະນະພະແນກ, ຫົວໜ້າຂະແໜງ, ຮອງຫົວໜ້າຂະແໜງ, ຫົວໜ້າ, ຮອງຫົວໜ້າຫ້ອງການທະນາຍຄວາມ, ພະນັກງານວິຊາການພາຍໃນພະແນກ ແລະ ຫ້ອງການທະນາຍຄວາມເຂົ້າຮ່ວມ.

ເມືອງ ງອຍ ປະກາດຄອບຄົວຄົວ ແລະ ບ້ານແບບຢ່າງປະຕິບັດກົດໝາຍ

          ໃນຕອນເຊົ້າຂອງ ວັນທີ 5 ສິງຫາ 2021 ຜ່ານມາ ຫ້ອງການຍຸຕິທຳເມືອງ ງອຍໄດ້ຈັດພິທີປະກາດບ້ານ ພູຕີເຜີ້ງ ເປັນບ້ານແບບຢ່າງປະຕິບັດກົດໝາຍ, ເປັນບ້ານທີ່ 74 ຂອງເມືອງ ງອຍ ແລະ ໄດ້ມອບໃບຢັ້ງຢືນຄອບຄົວ ແລະ ບ້ານແບບຢ່າງປະຕິບັດກົດໝາຍຈຳນວນ 9 ບ້ານ.
ເປັນກຽດເຂົ້າຮວ່ມພິທີໃນຄັ້ງນີ້ໂດຍ ທ່ານ ນາງ ແສງທອງ ຜາລີວັນ ຄະນະປະຈຳພັກເມືອງ, ຮອງເຈົ້າເມືອງ, ເມືອງ ງອຍ, ມີບັນດາກຳມະການພັກ, ຫົວໜ້າຫ້ອງການ, ພະນັກງານວິຊາການ, ອົງການປົກຄອງບ້ານຕະຫຼອດຮອດພໍ່ແມ່ປະຊາຊົນພາຍໃນບ້ານ ພູຕີເຜີ້ງ ເຂົ້າຮວ່ມ 70 ກວ່າຄົນ.

ເມືອງ ຊຽງເງິນ , ແຂວງ ຫຼວງພະບາງ ໄດ້ຈັດພິທີເປີດບ້ານແບບຢ່າງປະຕິບັດກົດໝາຍຂຶ້ນເປັນທາງການ

          ໃນຕອນເຊົ້າຂອງວັນທີ 6 ສິງຫາ 2021 ນີ້ ທາງຫ້ອງການຍຸຕິທຳເມືອງ ຊຽງເງິນ ໄດ້ສົມທົບກັບ ອຳນາດການປົກຄອງບ້ານ ຊຽງງເງິນ ຕະຮອດພໍ່ແມ່ປະຊາຊົນບັນດາເຜົ່າພ້ອມດ້ວຍແຂກຖືກເຊີນ, ໄດ້ຈັດພິທີມອບ-ຮັບ ນາມມະຍົດ ຄອບຄົວ ແລະ ບ້ານແບບຢ່າງປະຕິບັດກົດໝາຍ , ໃຫ້ກຽດເປັນ ປະທານຮ່ວມ ຂອງ ທ່ານ ຄຳເກັ່ງ ບຸນຢືນວົງ ຮອງເລຂາພັກເມືອງ ປະທານອົງການກວດກາພັກ-ລັດເມືອງ , ມີ ທ່ານ ບຸນຊູ ຄອນຈະເລີນ ກຳມະການພັກເມືອງ ຫົວໜ້າຫ້ອງການຍຸຕິທຳເມືອງ , ມີ ນາຍບ້ານ-ເລຂາພັກບ້ານ ຊຽງເງິນ ພ້ອມດ້ວຍພໍ່ແມ່ປະຊາຊົນກໍໄດ້ເຂົ້າຮ່ວມຢ່າງພ້ອມພຽງ.

ພະແນກຍຸຕິທໍາແຂວງ ຫຼວງພະບາງ ໄດ້ເຊື່ອມຊືມເອກະສານສຳຄັນຂອງພັກ ແລະ ປະເມີນຜົນ ການປະຕິບັດວຽກງານຂອງພະນັກງານ-ລັດຖະກອນ ແລະເອກະສານສໍາຄັນຂອງພັກ

          ໃນຕອນເຊົ້າວັນທີ 5 ສິງຫາ 2021 ນີ້ ພະແນກຍຸຕິທໍາແຂວງ ຫຼວງພະບາງ ໄດ້ຈັດກອງປະຊຸມເຊື່ອມຊືມ ເອກະສານສໍາຄັນຂອງພັກ ຄື: ປາຖະກະຖາວັນເກີດຂອງປະທານສຸພານຸວົງ ຄົບຮອບ 112 ປີ, ວັນສ້າງຕັ້ງພັກຄອມມູນິດຈີນ ຄົບຮອບ 100 ປີ, ມະຕິກອງປະຊຸມໃຫ່ຍຂອງພັກປະຊາຊົນປະຕິວັດລາວ ສະໄໝທີ XI ແລະ ວັນປະກາດໃຊ້ລັດຖະທໍາມະນູນ ຄົບຮອບ 30 ປີ ແລະ ເຊື່ອມຊຶມການຈັດຕັ້ງປະເມີນຜົນການປະຕິບັດໜ້າທີ່ວຽກງານຂອງພະນັກງານ-ລັດຖະກອນ ໃຫ້ກຽດເຊື່ອມຊືມເອກະສານໂດຍທ່ານ ມີໄຊ ໄຊເກີຢ່າຈົ່ງຕົວ ຫົວໜ້າພະແນກຍຸຕິທໍາ, ມີຄະນະພະແນກ, ຫົວໜ້າຂະແໜງ, ຮອງຂະແໜງ ຕະຫຼອດຮອດພະນັກງານ-ລັດຖະກອນພາຍໃນພະແນກເຂົ້າຮ່ວມ.

ເມືອງນ້ຳບາກ ແຂວງຫຼວງພະບາງເປີດຝຶກອົບຮົມກົດໝາຍໃຫ້ແກ່ພະນັກງານຫຼັກແຫຼ່ງ

          ໃນຕອນເຊົ້າ ວັນທີ 7 ກໍລະກົດ 2021 ຜ່ານມານີ້ ຢູ່ທີ່ຫ້ອງປະຊຸມ ເມືອງ ນໍ້າບາກ ໄດ້ມີພິທີເປີດບັ້ນຝຶກອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງເມືອງ ນໍ້າບາກ ຊຸດທີ III ສົກປີ 2021 ຂຶ້ນຢ່າງເປັນທາງການ ໂດຍ ການເປັນປະທານຂອງ ທ່ານ ຄອນສີ ຄອນຈະເລີນ ຮອງຫົວໜ້າພະແນກຍຸຕິທໍາແຂວງ ຫຼວງພະບາງ ແລະ ທ່ານ ຄຳສະໝອນ ເພັດດາລາ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ, ມີບັນດາແຂກຖືກເຊີນ, ຫົວໜ້າຫ້ອງການ, ຮອງຫ້ອງການອ້ອມຂ້າງເມືອງ ນໍ້າບາກ, ຕະຫຼອດຮອດ ຄູ-ອາຈານ ແລະ ຜູ້ເຂົ້າຮ່ວມຝຶກອົບຮົມ ເຂົ້າຮ່ວມທັງໝົດມີ 52 ທ່ານ, ຍິງ 13 ທ່ານ.

ສ້າງສະຕິເຄົາລົບກົດໝາຍໃຫ້ປະຊາຊົນພາຍໃນກຸ່ມ ນໍ້າລວງ ເມືອງ ໂພນທອງ ແຂວງ ຫຼວງພະບາງ.

          ໃນກາງເດືອນມີນາ 2021 ນີ້, ຫ້ອງການຍຸຕິທໍາເມືອງ ໂພນທອງ ແຂວງ ຫຼວງພະບາງ ໄດ້ລົງໂຄສະນາເຜີຍແຜ່ກົດໝາຍ ຢູ່ພາຍໃນກຸ່ມ ນໍ້າລວງ, ຊຶ່ງປະກອບມີ ບ້ານ ນາວັດ, ບ້ານ ສົບພົນ, ບ້ານ ໂພນສຸກ, ບ້ານ ນໍ້າລວງ, ບ້ານ ຫ້ວຍຕະໂລງ, ມຕ ສົບພົນ ແລະ ມສ ບ້ານ ເມືອງຮຶບ ມີຄອບຄົວທັງໝົດ 360 ຄອບຄົວ, ມີພົນລະເມືອງທັງໝົດ 2,585 ຄົນ, ຍິງ 1,270 ຄົນ, ມີຈໍານວນຜູ້ເຂົ້າຮ່ວມຮັບຟັງທັງໝົດ 656 ຄົນ, ຍິງ 297 ຄົນ, ມີເດັກຕໍາກວ່າ 18 ປີ ລົງມາເຂົ້າຮ່ວມຮັບຟັງ 321 ຄົນ, ຍິງ 165 ຄົນ ໂດຍແມ່ນທ່ານ ຄໍາແພງ ໄຊອຸດົມ ຮອງຫົວໜ້າຫ້ອງການຍຸຕິທໍາເມືອງ ພ້ອມດ້ວຍພະນັກງານວິຊາການອີກຈໍານວນໜຶ່ງເປັນຜູ້ໂຄສະນາເຜີຍແຜ່ນິຕິກຳ.

ເມືອງ ໂພນທອງ ປະກາດບ້ານແບບຢ່າງປະຕິບັດກົດໝາຍ

          ໃນຕອນເຊົ້າ ວັນທີ 28-29 ມັງກອນ 2021 ນີ້ຫ້ອງການຍຸຕິທຳເມືອງ ໂພນທອງ ແຂວງ ຫຼວງພະບາງ ໄດ້ຈັດພິທີປະກາດຮັບຮອງ ບ້ານ ນໍ້າລວງ ກຸ່ມນໍ້າລວງ ແລະ ບ້ານ ນາຄຳ ກຸ່ມເມືອງຮຶບ ເປັນບ້ານແບບຢ່າງປະຕິບັດກົດໝາຍ, ໂດນເປັນປະທານທ່ານ ສົມວອນ ແກ້ວຄຳພອນ ປະທານກວດກາພັກ-ລັດເມືອງ, ທ່ານ ສຸວັນນະສົງຄາມ ໄຊຊະນະ ຄະນະພັກພະແນກ ຫົວໜ້າຂະແໜງການຍຸຕິທໍາຮາກຖານ ພະແນກຍຸຕິທຳແຂວງ, ມີເລຂາພັກບ້ານ, ພ້ອມດ້ວຍເຖົ້າແກ່ແນວໂຮມ ແລະ ພໍ່ແມ່ປະຊາຊົນທັງ 2 ບ້ານເຂົ້າຮ່ວມທັງໝົດ 215 ຄົນ, ຍິງ 102 ຄົນ.

ພິທີປິດຝຶກອົບຮົມກົດໝາຍໄລຍະສັ້ນ 45 ວັນຊຸດທີVII ສົກປີ 2020

          ໃນຕອນເຊົ້າວັນທີ 22 ມັງກອນ 2021 ຜ່ານມານີ້, ຢູ່ທີ່ຫ້ອງປະຊຸມພະແນກຍຸຕິທໍາແຂວງ ຫຼວງພະບາງ ໄດ້ມີພິທີປິດການອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງ ແຂວງຫຼວງພະບາງ ຊຸດທີ VII ປະຈໍາປີ 2020 ໃຫ້ກຽດເປັນປະທານໂດຍທ່ານ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ ຫົວໜ້າຄະນະໂຄສະນາອົບຮົມແຂວງ, ມີທ່ານ ມີໄຊ ໄຊເກີຢ່າຈົ່ງຕົວ ຫົວໜ້າພະແນກຍຸຕິທໍາແຂວງ ມີຫົວໜ້າຂະແໜງ, ຮອງຂະແໜງ, ຄູຝຶກ, ແຂກຖືກເຊີນ ແລະ ຜູ້ເຂົ້າຮ່ວມຝຶກອົບຮົມ.

Pages