ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ອັດຕະປື ສະຫຼຸບແຜນກຳນົດພະນັກງານນຳພາ-ຄຸ້ມຄອງ ແຕ່ປີ 2016-2020 ແລະ ສ້າງແຜນກຳນົດ 2021-2025

          ໃນວັນທີ 2 ກັນຍາ 2021 ນີ້, ພະແນກຍຸຕິທຳແຂວງ ອັດຕະປື ໄດ້ຈັດກອງປະຊຸມສະຫຼຸບແຜນກຳນົດພະນັກງານນຳພາ-ຄຸ້ມຄອງ(2016-2020) ແລະ ສ້າງແຜນກຳນົດພະນັກງານນຳພາ-ຄຸ້ມຄອງ (2021-2025). ໂດຍໃຫ້ກຽດເປັນປະທານຂອງ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ແລະ ໃຫ້ກຽດເຂົ້າຮ່ວມເປັນຄະນະປະທານຂອງ ທ່ານ ຄຳເສົາ ອຳມະສອນ ຮອງເລຂາໜ່ວຍພັກ, ຮອງຫົວໜ້າຄະນະຈັດຕັ້ງແຂວງ ມີຄະນະພັກ-ຄະນະນຳ, ມີພະນັກງານສະມາຊິກພັກ, ພະນັກງານ-ລັດຖະກອນພາຍໃນພະແນກຍຸຕິທຳແຂວງ, ແຂກຖືກເຊີນ, ພ້ອມດ້ວຍຄະນະຮັບຜິດຊອບຂັ້ນແຂວງ ເຂົ້າຮ່ວມ 24 ທ່ານ, ຍິງ 11 ທ່ານ.

ຫ້ອງການຍຸຕິທຳເມືອງ ພູວົງ ເຄື່ອນໄຫວຝືກອົບຮົມຄະນະແກ້ໄຂຂໍ້ຂັດແຍ່ງຂັ້ນບ້ານ, ປະເມີນຄອບຄົວ ແລະ ບ້ານແບບຢ່າງປະຕິບັດກົດໝາຍ

          ໃນລະຫວ່າງວັນທີ 10-13 ສິງຫາ 2021 ຜ່ານມາ ຫ້ອງການຍຸຕິທຳເມືອງ ພູວົງ ສົມທົບກັບຂະແໜງສົ່ງເສີມວຽກງານຍຸຕິທຳພະແນກຍຸຕິທຳແຂວງ ໄດ້ລົງເຄື່ອນໄຫວຝືກອົບຮົມໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ 4 ບ້ານ ເຊິ່ງນຳພາໂດຍທ່ານ ສຸລິຍັນ ສີຊານົນ ຮອງຫົວໜ້າຂະແໜງສົ່ງເສີມລະບົບຍຸຕິທຳ ພ້ອມດ້ວຍພະນັກງານວິຊາການຈາກຫ້ອງການຍຸຕິທຳເມືອງ 2 ທ່ານ, ຍິງ 1 ທ່ານ.

ພະແນກຍຸຕິທຳແຂວງ ອັດຕະປື ລົງເຄື່ອນໄຫວຊຸກຍູ້ວຽກງານຍຸຕິທຳ

          ໃນຕອນເຊົ້າ ວັນທີ 3 ສິງຫາ 2021 ນີ້, ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ອັດຕະປື ພ້ອມຄະນະ ໄດ້ລົງເຄື່ອນໄຫວຊຸກຍູ້ວຽກງານວິຊາສະເພາະ ຢູ່ຫ້ອງການຍຸຕິທຳເມືອງ ສາມັກຄີໄຊ. ໂດຍມີທ່ານ ແສງສູລີ ສຸລິຍະຈັນ ຮັກສາການຫົວໜ້າຫ້ອງການຍຸຕິທຳເມືອງ ສາມັກຄີໄຊ ພ້ອມດ້ວຍພະນັກງານຫ້ອງການຍຸຕິທຳເມືອງທັງໝົດເຂົ້າຮ່ວມຢ່າງພ້ອມພຽງ.

ພະແນກຍຸຕິທຳແຂວງ ອັດຕະປື ປະກາດການຈັດຕັ້ງ

          ໃນຕອນເຊົ້າວັນທີ 30 ກໍລະກົດ 2021 ນີ້ ຢູ່ທີ່ຫ້ອງປະຊຸມ ຂອງພະແນກຍຸຕິທຳແຂວງ ໄດ້ຈັດພິທີປະກາດການແຕ່ງຕັ້ງພະນັກງານດຳລົງຕຳແໜ່ງບໍລິຫານຂັ້ນຫົວໜ້າຂະແໜງ ແລະ ຮອງຂະແໜງ ໂດຍການເປັນປະທານ ຂອງທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ມີຄະນະພະແນກ, ຫົວໜ້າ ແລະ ຮອງຂະແໜງ, ພ້ອມດ້ວຍພະນັກງານພະແນກຍຸຕິທຳແຂວງເຂົ້າຮ່ວມຢ່າງພ້ອມພຽງ.

ພະແນກຍຸຕິທຳແຂວງ ອັດຕະປື ລົງເຄື່ອນໄຫວຊຸກຍູ້, ຝືກອົບຮົມຄະນະໜ່ວຍໄກ່ເກ່ຍຂັ້ນບ້ານ

          ໃນວັນທີ 29 ກໍລະກົດ 2021 ຜ່ານມາ ພະແນກຍຸຕິທຳແຂວງ ອັດຕະປື (ຂະແໜງສົ່ງເສີມວຽກງານຍຸຕິທຳ) ສົມທົບກັບຫ້ອງການຍຸຕິທຳເມືອງ ສາມັກຄີໄຊ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ, ຝືກອົບຮົມໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານໃຫ້ແກ່ຄະນະໜ່ວຍໄກ່ເກ່ຍ ແລະ ປະເມີນບ້ານ ແລະ ຄອບຄົວແບບຢ່າງປະຕິບັດກົດໝາຍ ໃຫ້ 05 ບ້ານ. ນຳໂດຍ ທ່ານ ນາງ ຈັນສະໝອນ ສະເຫຼີມສັກ ຫົວໜ້າຂະແໜງສົ່ງເສີມວຽກງານຍຸຕິທຳ ພ້ອມດ້ວຍພະນັກງານວິຊາການ ແລະ ພະນັກງານຈາກຫ້ອງການຍຸຕິທຳເມືອງ.

ພະແນກຍຸຕິທຳແຂວງ ອັດຕະປື ຈັດກອງປະຊຸມປືກສາຫາລືກ່ຽວກັບຂັ້ນຕອນການສ້າງນິຕິກຳໃຕ້ກົດໝາຍ.

          ໃນຕອນເຊົ້າ ຂອງວັນທີ 29 ກໍລະກົດ 2021 ນີ້ ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ອັດຕະປື ໄດ້ຈັດກອງປະຊຸມປືກສາຫາລືແລກປ່ຽນຄຳຄິດຄຳເຫັນກ່ຽວກັບຂັ້ນຕອນການສ້າງນິຕິກຳໃຕ້ກົດໝາຍຂອງແຂວງ ໂດຍການເປັນປະທານຂອງ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ມີຕາງໜ້າຈາກອົງການປົກຄອງແຂວງ, ສະພາປະຊາຊົນແຂວງ ແລະ ພະນັກງານຂະແໜງກົດໝາຍ ຂອງພະແນກຍຸຕິທຳ ເຂົ້າຮ່ວມ ທັງໝົດ 7 ທ່ານ ຍິງ 01 ທ່ານ.

ພະແນກຍຸຕິທຳແຂວງ ອັດຕະປື ເຜີຍແຜ່ດຳລັດ ເລກທີ 77 ໃຫ້ປະຊາຊົນ ຢູ່ເມືອງ ສາມັກຄີໄຊ

          ໃນວັນທີ 8 ກໍລະກົດ 2021 ຜ່ານມາ ຢູ່ທີ່ຫ້ອງການ ບ້ານ ໃຫຍ່ໝື່ນຫົວເມືອງ ເມືອງ ສາມັກຄີໄຊ ແຂວງ ອັດຕະປື ໄດ້ຈັດພິທີໂຄສະນາເຜີຍແຜ່ດຳລັດ ສະບັບເລກທີ 77/ລບ, ລົງວັນທີ 28 ກຸມພາ 2018 ວ່າດ້ວຍການຊ່ວຍເຫຼືອທາງດ້ານກົດໝາຍ ໂດຍການເປັນປະທານຂອງ ທ່ານ ວັນນະເລດ ວິໄລພົນ ຮອງຫົວໜ້າພະແນກຍຸຕິທຳ ແຂວງ, ມີຫົວໜ້າຫ້ອງການຍຸຕິທຳເມືອງ, ຫົວໜ້າຂະແໜງ, ພະນັກງານວິຊາການ, ປກສ ກຸ່ມບ້ານ, ນາຍບ້ານ ແລະ ປະຊາຊົນພາຍໃນ ບ້ານ ໃຫຍ່ໝື່ນຫົວເມືອງເຂົ້າຮ່ວມຮັບຟັງທັງ ໝົດ 43 ຄົນ, ຍິງ 19 ຄົນ.

ພະແນກຍຸຕິທຳແຂວງ ອັດຕະປື ມອບພາຫະນະເຂົ້າເປັນຊັບສິນຂອງລັດ

          ໃນວັນທີ 6 ກໍລະກົດ 2021 ຢູ່ທີ່ກອງບັນຊາການ ປກສ ແຂວງ ອັດຕະປື ໄດ້ຈັດພິທີມອບ-ຮັບ ວັດຖຸ ແລະ ພາຫະນະ ສານຕັດສີນຮິບເຂົ້າເປັນຂອງລັດ ໂດຍ ມີຕາງໜ້າພະແນກຍຸຕິທຳ, ພະແນກການເງິນ, ຫ້ອງການຄຸ້ມຄອງຊັບສິນຂອງລັດ ແລະ ບັນດາພະແນກການທີ່ກ່ຽວຂ້ອງອ້ອມຂ້າງແຂວງເຂົ້າຮ່ວມ.

ເມືອງ ສາມັກຄີໄຊ ປິດຊຸດຝຶກອົບຮົມກົດໝາຍໄລຍະສັ້ນ 45 ວັນ

          ໃນວັນທີ 2 ກໍລະກົດ 2021 ຜ່ານມາ ຫ້ອງການຍຸຕິທຳເມືອງ ສາມັກຄີໄຊ ແຂວງ ອັດຕະປື ໄດ້ຈັດພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ II ຂຶ້ນ ທີ່ຫ້ອງການບ້ານ ເວີນແຄນ ໂດຍໃຫ້ກຽດເປັນປະທານຂອງທ່ານ ເພັດມີໄຊ ຄຳພັກດີ ເຈົ້າເມືອງສາມັກຄີໄຊ, ເຂົ້າຮ່ວມມີ ທ່ານ ຄຳຫຼ້າ ແກ້ວວັນສອນ ຫົວໜ້າພະແນກຍຸຕິທຳແຂວງ, ມີ ຫົວໜ້າ, ຮອງຫົວໜ້າຫ້ອງການຍຸຕິທໍາ, ພະນັກງານ-ລັດຖະກອນ, ຄູ-ອາຈານ ແລະ ຜູ້ເຂົ້າຮ່ວມຝຶກອົບຮົມ ເຂົ້າຮ່ວມ.

ພະແນກຍຸຕິທໍາແຂວງ ອັດຕະປື ເຊື່ອມຊຶມເອກະສານສໍາຄັນຂອງພັກໃຫ້ສະມາຊິກພັກ-ພະນັກງານ

          ໃນວັນທີ 30 ມິຖຸນາ 2021 ພະແນກຍຸຕິທໍາແຂວງ ອັດຕະປື ໄດ້ຈັດພິທີເຊື່ອມຊຶມຜັນຂະຫຍາຍເອກະສານສໍາຄັນຂອງພັກ ໂດຍການເປັນປະທານ ແລະ ເຜີຍແຜ່ເຊື່ອມຊຶມເອກະສານ ຂອງສະຫາຍ ນາງ ບຸນນານ ບຸນນະແສງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ອັດຕະປື, ມີ ສະຫາຍ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ພ້ອມດ້ວຍສະມາຊິກພັກ, ພະນັກງານ-ລັດຖະກອນ ພາຍໃນພະແນກຍຸຕິທຳແຂວງ ອັດຕະປື ເຂົ້າຮ່ວມ.

Pages