ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທໍາແຂວງ ອັດຕະປື ປາຖະກະຖາລະນຶກວັນສ້າງຕັ້ງສະຫະພັນນັກຮົບເກົ່າ

ໃນຕອນເຊົ້າຂອງວັນທີ 19 ກັນຍາ 2019 ຜ່ານມານີ້ ຢູ່ທີ່ຫ້ອງປະຊຸມພະແນກຍຸຕິທຳແຂວງ ອັດຕະປື ໄດ້ຈັດພິທີປາຖະກະຖາລະນຶກວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 17 ປີ (9 ກັນຍາ 2002 - 9 ກັນຍາ 2019) ຂຶ້ນ ໂດຍການເປັນປະທານ ແລະ ໃຫ້ກຽດປາຖະກະຖາ ໂດຍ ທ່ານ ຄຳຫຼ້າ ແກ້ວວັນສອນ ຮອງເລຂາໜ່ວຍພັກ, ຮັກສາການຫົວໜ້າພະແນກຍຸຕິທຳແຂວງ ອັດຕະປື ຜູ້ເຂົ້າຮ່ວມ ມີຄະນະພັກ, ຄະນະພະແນກ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ-ລັດຖະກອນທັງໝົດເຂົ້າຮ່ວມຢ່າງພ້ອມພຽງ.

ໜ່ວຍຊາວໜຸ່ມພະແນກຍຸຕິທຳແຂວງ ອັດຕະປື ມອບເງິນຊ່ວຍເຫຼືອຜູ້ປະສົບໄພນ້ຳຖ້ວມ ແລະ ສ້າງຂະບວນການອະນາໄມ

ຕອນເຊົ້າຂອງວັນທີ 11 ກັນຍາ 2019 ຜ່ານມານີ້ ຊາວໜຸ່ມພະແນກຍຸຕິທໍາແຂວງ ອັດຕະປື ໄດ້ຈັດພິທີມອບ-ຮັບ ເງິນຈໍານວນໜຶ່ງເພື່ອຊ່ວຍເຫຼືອໃຫ້ຜູ້ປະສົບໄພພິບັດນ້ຳຖ້ວມຢູ່ແຂວງອັດຕະປື, ຕາງໜ້າມອບໂດຍ ທ່ານ ວິໄລ ໄຊຍະວົງສາ ຄະນະບໍລິຫານງານຊາວໜຸ່ມແຂວງ ເລຂາໜ່ວຍຊາວໜຸ່ມພະແນກຍຸຕິທໍາແຂວງ ອັດຕະປື ແລະ ກ່າວຮັບໂດຍ ທ່ານ ອ໋ອງຄໍາ ຄູນສະໄໝ ຮອງເລຂາຄະນະບໍລິຫານງານຊາວໜຸ່ມແຂວງ ອັດຕະປື

ແຂວງ ອັດຕະປື ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງຂັ້ນແຂວງ ແລະ ເມືອງ

ຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງຂັ້ນແຂວງ ແລະ ເມືອງ ຊຸດທີ VII ປີ 2019 ໄດ້ໄຂຂຶ້ນ ໃນວັນທີ 27 ສິງຫາ 2019 ໂດຍໃຫ້ກຽດເປັນປະທານຂອງທ່ານ ບຸນຮຽນ ແກ້ວບົວພາດ ຄະນະປະຈຳພັກແຂວງ, ປະທານກວດກາພັກ, ຫົວໜ້າພະແນກກວດກາລັດ, ຫົວໜ້າອົງການຕ້ານການສໍ້ລາດບັງຫຼວງ, ຜູ້ເຂົ້າຮ່ວມມີຄະນະຮັບຜິດຊອບ, ອາຈານສອນ ແລະ ນັກຝຶກອົບຮົມທີ່ມາຈາກຄະນະພະແນກ, ອົງການທຽບເທົ່າ, ກຳລັງ ປກສ, ປກຊ ແລະ ບັນດາ 05 ຕົວເມືອງຂອງແຂວງ ອັດຕະປື.

ຊາວໜຸ່ມພະແນກຍຸຕິທຳແຂວງ ອັດຕະປື ສະຫຼຸບຜົນງານ 5 ປີ

ຕອນເຊົ້າຂອງວັນທີ 16 ສິງຫາ 2019 ເວລາ 8 ໂມງ 00 ນາທີ ຢູ່ທີ່ຫ້ອງປະຊຸມພະແນກຍຸຕິທຳ ແຂວງອັດຕະປື ໄດ້ໄຂກອງປະຊຸມໜ່ວຍຊາວໜຸ່ມຄັ້ງທີ III ປີ 2019 ຂຶ້ນ ໂດຍພາຍໃຕ້ການເປັນປະທານຮ່ວມຂອງ ສະຫາຍ ຫັດສະໄນ ສີບຸນເຫຼືອງ ກຳມະການສູນກາງຊາວໜຸ່ມປະຊາຊົນປະຕິວັດລາວ ເລຂາໜ່ວຍພັກ ເລຂາຄະນະບໍລິຫານງານຊາວໜຸ່ມແຂວງ, ສະຫາຍ ຄຳໄໝ ແສງມະນີ ຄະນະພັກພະແນກຍຸຕິທຳ ຮອງຫົວໜ້າພະແນກຍຸຕິທຳແຂວງອັດຕະປື ແລະ ສະຫາຍ ວິໄລ ໄຊຍະວົງສາ ຄະນະບໍລິຫານງານຊາວໜຸ່ມແຂວງ ເລຂາໜ່ວຍຊາວໜຸ່ມພະແນກຍຸຕິທຳ ແຂວງອັດຕະປື ມີຫົວໜ້າຂະແໜງຈັດຕັ້ງພະນັກງານ ແລະ ກວດກາ ພ້ອມດ້ວຍເລຂາໜ່ວຍຊາວໜຸ່ມຂອງບັນດາພະແນກການ, ອົງການທຽບເທົ່າອອ້ມຂ້າງແຂວງ ແລະ ສະມາຊິກຊາວໜຸ່ມພາຍໃນພະແນກເຂົ້າຮ່ວມ.

ພະແນກຍຸຕິທຳ ແຂວງ ອັດຕະປື ສ້າງຂະບວນການ ອອກແຮງງານ ເພື່ອຄຳນັບຮັບຕ້ອນວັນສ້າງຕັ້ງສະຫະພັນແມ່ຍິງລາວ ຄົບຮອບ 64 ປີ

    ໃນຕອນເຊົ້າຂອງວັນທີ 19 ກໍລະກົດ 2019 ສະມາຊິກແມ່ຍິງ, ຊາວໜຸ່ມ ແລະ ກຳມະບານພະແນກຍຸຕິທຳແຂວງ ອັດຕະປື ໄດ້ປະກອບສ່ວນທາງດ້ານເຫື່ອແຮງເພື່ອຄຳນັບຮັບຕ້ອນວັນສ້າງຕັ້ງສະຫະພັນແມ່ຍິງລາວ ຄົບຮອບ 64 ປີ (20 ກໍລະກົດ 1955-20 ກໍລະກົດ 2019) ຈຸດປະສົງໃນການສ້າງຂະບວນການຄັ້ງນີ້ ກໍເປັນການສະແດງເຖິງຄວາມເຄົາລົບ, ຮັກແພງ ແລະ ເສີມຂະຫຍາຍມູນເຊື້ອອັນໂດດເດັ່ນ, ອົງອາດ, ກ້າຫານຂອງແມ່ຍິງລາວທົ່ວປະເທດ ເວົ້າລວມ, ເວົ້າສະເພາະແມ່ນຢູ່ແຂວງ ອັດຕະປື.

ຄະນະຮາກຖານກຳມະບານພະແນກຍຸຕິທຳ ເປີດກອງປະຊຸມສະຫຼຸບປະຈຳປີ 2018 ແລະ ການເປີດຂະບວນການແຂ່ງຂັນ 5 ເປັນເຈົ້າ ປີ 2019

ໃນຕອນເຊົ້າຂອງວັນທີ 16 ກໍລະກົດ 2019 ຜ່ານມານີ້ ຮາກຖານກຳມະບານໄດ້ໄຂກອງປະຊຸມສະຫຼຸບປະຈຳປີ 2018 ແລະ ເປີດຂະບວນການແຂ່ງຂັນ 5 ເປັນເຈົ້າປະຈຳປີ 2019 ໂດຍພາຍໃຕ້ການເປັນປະທານຮ່ວມລະຫວ່າງ ສະຫາຍ ຄຳຫຼ້າ ແກ້ວວັນສອນ ປະທານຄະນະຮາກຖານກຳມະບານພະແນກຍຸຕິທຳ ແລະ ສະຫາຍ ພົງໄຊ ຈະເລີນສຸກ ຮອງປະທານສະຫະພັນກຳມະບານແຂວງ ອັດຕະປື ພ້ອມດ້ວຍແຂກທີ່ຖືກເຊີນມາຈາກສານປະຊາຊົນແຂວງ, ອົງການໄອຍະການແຂວງ, ສະຫະພັນກຳມະບານແຂວງ, ສະພາປະຊາຊົນແຂວງ ແລະ ສະມາຊິກກຳມະບານພະແນກຍຸຕິທຳເຂົ້າຮ່ວມຢ່າງເປັນຂະບວນການຟົດຟື້ນ.

ພິທີມອບຮັບໜ້າທີ່ເລຂາຄະນະບໍລິຫານງານພັກເມືອງ ໄຊເສດຖາ ແຂວງ ອັດຕະປືຄົນໃໝ່

ພິທີເຊັນບົດບັນທຶກມອບຮັບໜ້າທີ່ ເລຂາພັກເມືອງ-ເຈົ້າເມືອງໄຊເສດຖາ ແຂວງ ອັດຕະປື ໄດ້ໄຂຂື້ນຢ່າງເປັນທາງການໃນຕອນເຊົ້າຂອງວັນທີ 12 ມິຖຸນາ 2019 ຢູ່ທີ່ຫ້ອງປະຊຸມປົກຄອງເມືອງ ໂດຍພາຍໃຕ້ການເປັນປະທານຂອງທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ ພ້ອມດ້ວຍແຂກທີ່ຖືກເຊີນມາຈາກບັນດາອົງການຈັດຕັ້ງພັກ-ລັດຂັ້ນແຂວງ ແລະ ເມືອງ, ຫົວໜ້າຫ້ອງການອອ້ມຂ້າງເມືອງ, ເລຂາພັກບ້ານ-ນາຍບ້ານຈຳນວນ 22 ບ້ານອອ້ມຂ້າງເມືອງ ຕະຫຼອດຮອດພະນັກງານບຳນານປະຕິວັດເຂົ້າຮ່ວມຢ່າງພ້ອມພຽງ.

ເປີດຊຸດຝຶກອົບຮົມ ວຽກງານຊ່ວຍເຫຼືອທາງດ້ານກົດໝາຍ ທີ່ແຂວງ ອັດຕະປື

ໃນຕອນເຊົ້າຂອງວັນທີ 14 ພຶດສະພາ 2019 ກົມສົ່ງເສີມລະບົບຍຸຕິທຳ ກະຊວງຍຸຕິທຳ ແລະ ຂະແໜງສົ່ງເສີມລະບົບຍຸຕິທຳ ພະແນກຍຸຕິທຳແຂວງອັດຕະປື ໄດ້ໄຂຊຸດຝຶກອົບຮົມໄລຍະສັ້ນຂື້ນຢ່າງເປັນທາງການ ໂດຍພາຍໃຕ້ການເປັນປະທານຮ່ວມ ລະຫວ່າງ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທຳ ແລະ ທ່ານ ສີໄລ ສີສະແຫວງສຸກ ເລຂາໜ່ວຍພັກ ຫົວໜ້າພະແນກຍຸຕິທຳ ທັງເປັນສະມາຊິກສະພາປະຊາຊົນແຂວງ ປະຈຳເມືອງ ຊານໄຊ ພ້ອມດ້ວຍຜູ້ຕາງໜ້າຈາກໂຄງການສະໜັບສະໜູນແຜນຍຸດທະສາດເພື່ອສ້າງຄວາມເຂັ້ມແຂງໃຫ້ແກ່ລັດ ທີ່ປົກຄອງດ້ວຍກົດໝາຍຢູ່ ສປປ ລາວ ຫຼື ໂຄງການ 3s-Rol, UNDP ແລະ ພະນັກງານ-ລັດຖະກອນທີ່ຖືກເຊີນມາຈາກຫ້ອງການຍຸຕິທຳ 5 ຕົວເມືອງ ແລະ ພະແນກຍຸຕິທຳແຂວງ ອັດຕະປື ແ

ຂະແໜງຈັດຕັ້ງປະຕິບັດຄຳຕັດສິນຂອງສານ ພະແນກຍຸຕິທຳແຂວງ ອັດຕະປື ຈັດຕັ້ງເຊື່ອມຊືມ 3 ເອກະສານທີ່ສຳຄັນ

ໃນຕອນເຊົ້າຂອງວັນທີ 13 ພຶດສະພາ 2019 ຂະແໜງຈັດຕັ້ງປະຕິບັດຄຳຕັດສີນຂອງສານ ພະແນກຍຸຕິທຳແຂວງ ອັດຕະປື ໄດ້ຈັດພິທີເຊື່ອມຊືມ 3 ເອກະສານທີ່ຄັນຄື: ຄຳແນະນຳກ່ຽວກັບການເພິ່ມທະວີຄວາມຮັບຜິດຊອບໃນການຄຸ້ມຄອງ ແລະ ການຈັດຕັ້ງປະຕິບັດຄຳຕັດສິນຂອງສານ, ຄຳແນະນຳກ່ຽວກັບວຽກງານການເງິນ, ການຮິບ ແລະ ການມອບໃນການຈັດຕັ້ງປະຕິບັດຄຳຕັດສິນຂອງສານ, ຄຳແນະນຳກ່ຽວກັບການຂາຍ ແລະ ການມອບຊັບໃນການຕັ້ງປະຕິບັດຄຳຕັດສິນຂອງສານ ໂດຍພາຍໃຕ້ການເປັນປະທານຂອງ ທ່ານ ຄຳຫຼ້າ ແກ້ວວັນສອນ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທຳແຂວງ ອັດຕະປື, ມີບັນດາຮອງຫົວໜ້າຫ້ອງການຍຸຕິທຳ 5 ຕົວເມືອງ, ຫົວໜ້າ ແລະ ຮອງຫົວໜ້າໜ່ວຍງານຈັດຕັ້ງປະຕິບັດຄຳຕັດສິນຂອງສານ ແລະ ວິຊາການຈຳນວນ

ການເຜີຍແຜ່ກົດໝາຍວ່າດ້ວຍ ທະບຽນຄອບຄົວ(ສະບັບປັບປຸງ)ທີ່ ແຂວງ ອັດຕະປື

ກອງປະຊຸມເຜີຍແຜ່ກົດໝາຍວ່າດ້ວຍທະບຽນຄອບຄົວ ໄດ້ໄຂຂື້ນຢ່າງເປັນທາງການໃນຕອນເຊົ້າຂອງວັນທີ 9 ພຶດສະພາ 2019 ເວລາ 8 ໂມງ 30 ນາທີ ຢູ່ທີ່ຫ້ອງປະຊຸມຊັ້ນ 5 ຂອງຫ້ອງວ່າການປົກຄອງແຂວງ ອັດຕະປື ໂດຍພາຍໃຕ້ການເປັນປະທານຂອງທ່ານ ພອນສະໄໝ ມຽງລາວັນ ຮອງເລຂາພັກແຂວງ ຮອງເຈົ້າແຂວງ ອັດຕະປື.

Pages