ໃນຕອນເຊົ້າ ວັນທີ 22 ທັນວາ 2021 ຜ່ານມາ ທີ່ຫ້ອງປະຊຸມຂອງພະແນກຍຸຕິທຳແຂວງ ອຸດົມໄຊ ໄດ້ຈັດກອງປະຊຸມເຊື່ອມຊຶມ ແລະ ຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ- ການເງີນ ແລະ ແກ້ໄຂບັນຫາຢາເສບຕິດ ໂດຍການເປັນປະທານຂອງ ທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີຮອງເລຂາໜ່ວຍພັກ ຮອງຫົວໜ້າພະແນກ, ມີບັນດາຫົວໜ້າ - ຮອງຫົວໜ້າຂະແໜງ ແລະ ພະນັກງານວິຊາການພະແນກຍຸຕິທຳແຂວງ ເຂົ້າຮ່ວມ.

          ພີທີປະກາດ, ຮັບຮອງ ເອົາຄອບຄົວ ແລະ ບ້ານແບບຢ່າງປະຕິບັດກົດໝາຍ ໄດ້ຈັດຂຶ້ນ ໃນຕອນເຊົ້າຂອງວັນທີ 9 ທັນວາ 2021 ທີ່ສະໂມສອນບ້ານ ຫ້ວຍໄລ່ ເມືອງ ງາ ແຂວງ ອຸດົມໄຊ, ໂດຍການເປັນກຽດເຂົ້າຮ່ວມຂອງ ທ່ານ ບູນທີ ໄຊຍະວົງ ກຳມະການປະຈຳພັກເມືອງ ຮອງເລຂາພັກເມືອງ ປະທານກວດກາພັກ-ລັດເມືອງ ງາ, ມີ ຄະນະປະຈໍາພັກເມືອງ, ຫົວໜ້າຫ້ອງການ, ການຈັດຕັ້ງຂັ້ນເມືອງ, ເລຂາພັກເຂດ, ອົງການປົກຄອງບ້ານ ແລະ ປະຊາຊົນຂອງ 2 ບ້ານເຂົ້າຮ່ວມ.

          ໃນວັນທີ 29 ຕຸລາ 2021 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ອຸດົມໄຊ ໄດ້ເປີດພິທີສະຫຼູບຂະບວນການແຂ່ງຂັນ 5 ເປັນເຈົ້າ ກໍາມະບານຮາກຖານຂອງຕົນຂຶ້ນ ໂດຍການເປັນປະທານຂອງ ສະຫາຍ ລຽງ ພິມຍົງຄໍາ ປະທານກໍາມະບານຮາກຖານ ພະແນກຍຸຕິທໍາແຂວງ ເປັນກຽດເຂົ້າຮ່ວມມີ ສະຫາຍ ສອນສຸວັນ ປັນຍາວົງ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງ, ມີຜູ້ຕາງໜ້າມາຈາກສະຫະພັນກໍາມະບານແຂວງ, ທະນາຄານນະໂຍບາຍ, ທະນາຄານສົ່ງເສີມກະສິກໍາ, ອົງການໄອຍະການປະຊາຊົນ, ສານປະຊາຊົນ, ສະພາປະຊາຊົນແຂວງ ແລະ ສະມາຊິກກໍາມະບານເຂົ້າຮວມທັງໝົດ 41 ສະຫາຍ, ຍິງ 15 ສະຫາຍ.