ຂ່າວການເຄື່ອນໄຫວ ແລະ ບົດຄວາມອື່ນໆ

ກອງປະຊຸມທາບທາມຄຳເຫັນໃສ່ຮ່າງ ກົດໝາຍວ່າດ້ວຍ ການສ້າງນິຕິກຳ (ສະບັບປັບປຸງ)

ກອງປະຊຸມດັ່ງກ່າວ ໄດ້ຈັດຂຶ້ນໃນວັນທີ 12 ກຸມພາ 2020 ຢູ່ທີ່ໂຮງແຮມ ລາວພລາຊາ, ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ; ມີບັນດາທ່ານຮອງລັດຖະມົນຕີ, ຮອງຫົວໜ້າອົງການຂັ້ນສູນກາງ, ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ, ບັນດາທ່ານຫົວໜ້າຫ້ອງການ, ຫົວໜ້າກົມ ຈາກພາກສ່ວນທີ່ກ່ຽວຂ້ອງຂັ້ນສູນກາງ, ຫົວໜ້າຫ້ອງວ່າການປົກຄອງແຂວງ, ຫົວໜ້າພະແນກຍຸຕິທຳແຂວງ, ຄະນະເລຂາທິການສະພາປະຊາຊົນແຂວງວຽງຈັນ, ໄຊສົມບູນ, ບໍລິຄຳໄຊ, ຊຽງຂວາງ ແລະ ຄະນະຮັບຜິດຊອບ ເຂົ້າຮ່ວມທັງໝົດ 112 ທ່ານ ຍິງ 12 ທ່ານ.

ກອງປະຊຸມທາບທາມຄໍາເຫັນໃສ່ ຮ່າງກົດໝາຍວ່າດ້ວຍການຈັດຕັ້ງປະຕິບັດຄໍາຕັດສີນຂອງສານ (ສະບັບປັບປຸງ) ຢູ່ບັນດາແຂວງພາກເໜືອ

ກອງປະຊຸມດັ່ງກ່າວໄດ້ຈັດຂຶ້ນໃນວັນທີ 11 ກຸມພາ 2020 ທີ່ແຂວງ ຫຼວງພະບາງ ໂດຍການເປັນປະທານຂອງ ທ່ານ ປອ. ເສີມສຸກ ສິມພະວົງ ຮອງລັດຖະມົນຕີກະຊວງຍຸຕິທໍາ, ເຂົ້າຮ່ວມມີ ບັນດາທ່ານຫົວໜ້າພະແນກຍຸຕິທຳ 7 ແຂວງພາກເໜືອ, ສະມາຊິກສະພາປະຊາຊົນແຂວງ, ບັນດາຂະແໜງການອ້ອມຂ້າງແຂວງ ແລະ ແຂກຖືກເຊີນ ພ້ອມດ້ວຍຄະນະຮັບຜິດຊອບ ເຂົ້າຮ່ວມທັງໝົດຈໍານວນ 70 ທ່ານ, ຍິງ 10 ທ່ານ.

ພະແນກຍຸຕິທຳ ແຂວງເຊກອງ ມອບບັດໃຫ້ສະມາຊິກພັກສົມບູນ

ວັນທີ 10 ກຸມພາ 2020 ໜ່ວຍພັກຮາກຖານພະແນກຍຸຕິທໍາແຂວງເຊກອງ ໄດ້ຈັດພິທີມອບບັດ ໃຫ້ແກ່ສະມາຊິກສົມບູນ ຂຶ້ນຢູ່ທີ່ຫ້ອງປະຊຸມພະແນກຍຸຕິທໍາແຂວງ ພາຍໃຕ້ການເປັນປະທານຂອງ ສະຫາຍ ອ້ວນຄຳ ທຸງໄຊ ກຳມະການພັກແຂວງ ຫົວໜ້າຄະນະຈັດຕັ້ງແຂວງ ເຂົ້າຮ່ວມມີໜ່ວຍພັກຮາກຖານອ້ອມຂ້າງແຂວງ, ຕາງໜ້າໜ່ວຍພັກອົງການໄອຍະການປະຊາຊົນແຂວງ, ໜ່ວຍພັກຮາກຖານສານປະຊາຊົນແຂວງ, ຄະນະໂຄສະນາອົບຮົມແຂວງ, ກວດກາພັກ-ລັດແຂວງ, ຄະນະຈັດແຂວງ ພ້ອມດ້ວຍສະມາຊິກພັກສົມບູນ, ສຳຮອງໜ່ວຍພັກຮາກຖານ ພະແນກຕິທຳ ເຂົ້າຮ່ວມທັງໝົດ 35 ສະຫາຍ, ຍິງ 15 ສະຫາຍ.

ທາບທາມຄໍາເຫັນໃສ່ຮ່າງກົດໝາຍ ວ່າດ້ວຍການຈັດຕັ້ງປະຕິບັດຄໍາຕັດສີນຂອງສານ ສະບັບປັບປຸງ

   ໃນວັນທີ 8 ກຸມພາ 2020 ທີ່ຫ້ອງປະຊຸມຂອງສູນຝຶກອົບຮົມສູນກາງແນວລາວສ້າງຊາດ, ກະຊວງຍຸຕິທໍາ ໄດ້ຈັດກອງປະຊຸມທາບທາມຄໍາເຫັນໃສ່ຮ່າງກົດໝາຍ ວ່າດ້ວຍການຈັດຕັ້ງປະຕິບັດຄໍາຕັດສີນຂອງສານ ສະບັບປັບປຸງ ໂດຍການເປັນປະທານຂອງ ທ່ານ ໄພວີ ສີບົວລິພາ ຮອງລັດຖະມົນຕີ ກະຊວງຍຸຕິທໍາ, ມີບັນດາຜູ້ຕາງໜ້າຈາກ ສະພາແຫ່ງຊາດ, ສະພາປະຊາຊົນແຂວງ, ອົງການໄອຍະການປະຊາຊົນ, ສານປະຊາຊົນ, ບັນດາກະຊວງ ແລະ ອົງການ, ພະແນກການຂັ້ນສູນກາງ ແລະ ທ້ອງຖິ່ນ ພ້ອມທັງບັນດາ ທະນາຄານທຸລະກິດ ແລະ ບໍລິສັດປະກັນໄພ ເຂົ້າຮ່ວມ.

ພິທີມອບ-ຮັບ ນັກສຶກສາ ປີ 3 ລະບົບຊັ້ນສູງຈາກສະຖາບັນຍຸຕິທຳແຫ່ງຊາດ ທີ່ລົງຝຶກງານຢູ່ແຂວງ ວຽງຈັນ ໃນປີ 2020.

   ໃນຕອນເຊົ້າຂອງວັນທີ 5 ມັງກອນ 2020 ທີ່ຜ່ານມານີ້ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ວຽງຈັນ ໄດ້ຈັດ​ຕັ້ງ​ພິທີ​ມອບ​ຮັບ​ນັກ​ສຶກສາ​ຈາກ​ສະ​ຖາ​ບັນ​ຍຸຕິ​ທຳ​ແຫ່ງ​ຊາດ​ທີ່​ລົງ​ຝຶກ​ງານ​ຢູ່​ແຂວງ​ວຽງ​ຈັນ ໃຫ້ກຽດເປັນປະທານຮ່ວມໂດຍ ທ່ານ ສີສະ​ຫວາດ ​ແສງ​ພະຈັນ ຫົວໜ້າພະແນກຍຸຕິ​ທຳ​ແຂວງ ​ວຽງ​ຈັນ ​ໂດຍ​ການ​ເປັນ​ປະທານ​ຮ່ວມ​ຂອງ​ ທ່ານ ​ໄກ​ທິບ​ພະຈັນ​ ພວງ​ພະຈັນ ຮອງ​ຫົວໜ້າສະ​ຖາ​ບັນ​ຍຸຕິ​ທຳ​ແຫ່ງ​ຊາດ ​ໂດຍ​ມີພະນັກງານ, ຄູ-​ອາຈານ​ຈາກ​ສະ​ຖາ​ບັນ​ຍຸຕິ​ທຳແຫ່ງຊາດ, ຫົວໜ້າ​ຂະ​ແໜງ, ຮອງ​ຂະແໜງ​ທີ່​ກ່ຽວຂ້ອງ​ພາຍ​ໃນພະແນກຍຸຕິທຳແຂວງ, ພ້ອມດ້ວຍພະນັກງານວິຊາ​ການ ​ແລະ ນັກສຶກສາ​ເຂົ້າ​ຮ່ວມ​ຢ່າງ​ພ້ອມພຽງ.

ກອງປະຊຸມໃຫຍ່ຄັ້ງທີ IV ຄະນະພັກຮາກຖານພະແນກຍຸຕິທຳແຂວງ ບໍລິຄຳໄຊ

   ກອງປະຊຸມໃຫຍ່ຄັ້ງທີ IV ຂອງຄະນະພັກຮາກຖານ ພະແນກຍຸຕິທໍາແຂວງ ບໍລິຄໍາໄຊ ໄດ້ຈັດຂຶ້ນໃນວັນທີ 29 ມັງກອນ 2020 ທີ່ຜ່ານມາ ໂດຍພາຍໃຕ້ການເປັນ ປະທານຂອງ ສະຫາຍ ຄໍາຜັນ ສິດໄຊຍະສານ ເລຂາໜ່ວຍພັກຮາກຖານພະແນກຍຸຕິທຳແຂວງ ບໍລິຄໍາໄຊ ແລະ ເປັນກຽດເຂົ້າຮ່ວມ ຂອງສະຫາຍ ແດນປີ ມູນທະດີ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ ບໍລິຄຳໄຊ ມີຜູ້ແທນສົມບູນ 24 ສະຫາຍ, ຍິງ 9 ສະຫາຍ ພ້ອມດ້ວຍແຂກຖືກເຊີນຈາກ ຄະນະພັກຮາກຖານອ້ອມຂ້າງແຂວງເຂົ້າຮ່ວມ.

ຊາວໜຸ່ມສະຖາບັນຍຸຕິທຳແຫ່ງຊາດ ຮັບຟັງການເຜີຍແຜ່ ກ່ຽວກັບ ການຕ້ານການສໍ້ລາດບັງຫຼວງ

ໃນວັນທີ 5 ກຸມພາ 2020 ສະຖາບັນຍຸຕິທຳແຫ່ງຊາດ ໄດ້ຈັດການເຜີຍແຜ່ເອກະສານ ການຕ້ານການສໍ້ລາດບັງຫຼວງ ໃຫ້ແກ່ຊາວໜຸ່ມນັກສຶກສາຂອງສະຖາບັນຍຸຕິທຳແຫ່ງຊາດຂຶ້ນ ພາຍໃຕ້ການເປັນປະທານຮ່ວມຂອງ ສະຫາຍ ບຸນຕາ ສ.ຜາບມີໄຊ ຄະນະພັກກະຊວງ, ຫົວໜ້າສະຖາບັນຍຸຕິທຳແຫ່ງຊາດ, ກະຊວງຍຸຕິທຳ ແລະ ສະຫາຍ ທອງແດງ ສານປະເສີດ ຮອງຫົວໜ້າກົມກວດກາ, ສູນກາງຊາວໜຸ່ມປະຊາຊົນປະຕິວັດລາວ; ເຂົ້າຮ່ວມມີ ສະຫາຍ ບຸບມີ ບຸບຜາລີວັນ ຄະນະປະຈຳ, ຮອງເລຂາຄະນະບໍລິຫານງານຊາວໜຸ່ມກະຊວງຍຸຕິທຳ, ຫົວໜ້າຫ້ອງການ, ຜູ້ຕາງໜ້າບັນດາກົມອ້ອມຂ້າງສູນກາງຊາວໜຸ່ມ, ຄະນະຊາວໜຸ່ມຮາກຖານສະຖາບັນຍຸຕິທຳແຫ່ງຊາດ, ສະມາຊິກຊາວໜຸ່ມພະນັກງານ, ບັນດາຄູ-ອາຈານ ແລະ ນັກສຶກສາ ພາຍໃນສະຖາບັນຍຸຕິທຳແຫ່ງຊາດ ເຂ

ພະແນກຍຸຕິທຳ ແລະ ກອງບັນຊາການ ປກສ ແຂວງ ຈຳປາສັກ ສ້າງຂະບວນການຕ້ອນຮັບວັນສໍາຄັນຂອງຊາດ

ໃນວັນທີ 5 ກຸມພາ 2020 ພະແນກຍຸຕິທຳ ແລະ ຄ້າຍຄຸມຄັງ-ດັດສ້າງ ກອງບັນຊາການ ປກສ ແຂວງ ຈຳປາສັກ ໄດ້ສ້າງຂະບວນການແຂ່ງຂັນກິລາບານເຕະມິດຕະພາບຮ່ວມກັນ ຊຶ່ງຈັດຂຶ້ນທີ່ເດີ່ນບານເຕະ ຄັນແຍງອາລີນາ. ເຂົ້າຮ່ວມ ມີ ທ່ານ ບຸນຄົງ ພັນວົງສາ ຫົວໜ້າພະແນກຍຸຕິທຳແຂວງ ຈຳປາສັກ ແລະ ທ່ານ ພັນໂທ ສີລາວົງ ອິນທະປາສິດ ຮອງຫົວໜ້າ ຄ້າຍຄຸມຂັງ-ດັດສ້າງ ກອງບັນຊາການປ້ອງກັນຄວາມສະຫງົບ ແຂວງ ຈຳປາສັກ ພ້ອມດ້ວຍພະນັກງານ-ລັດຖະກອນຂອງສອງພາກສ່ວນເຂົ້າຮ່ວມ.

ກອງປະຊູມ ປັບປຸງຮ່າງດຳລັດ ວ່າດ້ວຍ ການໂຄສະນາເຜີຍແຜ່ກົດໝາຍ

ກອງປະຊຸມໄດ້ຈັດຂຶ້ນ ໃນລະຫວ່າງວັນທີ 5-7 ກຸມພາ 2020 ຢູ່ທີ່ ເມືອງ ວັງວຽງ ແຂວງ ວຽງຈັນ ໂດຍການເປັນປະທານ ຂອງ ທ່ານ ປ.ອ ເສີມສຸກ ສິມພະວົງ ຮອງລັດຖະມົນຕີ ກະຊວງຍຸຕິທຳ ມີ ທ່ານ ຫົວໜ້າ, ຮອງຫົວໜ້າກົມ ໂຄສະນາເຜີຍແຜ່ກົດໝາຍ ກະຊວງ ຍຸຕິທຳ, ຕາງໜ້າ ຈາກຫ້ອງວ່າການສຳນັກງານນາຍົກລັດຖະມົນຕີ, ທ່ານ ສົມພູ ແກ້ວມູນມະນີ ທີ່ປຶກສາແຜນງານເຊກາ, ຕາງໜ້າຄະນະໂຄສະນາອົບຮົມສູນກາງພັກ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ແລະ ຄະນະຮັບຜິດຊອບສ້າງຮ່າງດຳລັດເຂົ້າຮ່ວມທັງໝົດ 27 ທ່ານ, ຍິງ 8 ທ່ານ.

ພິທີເຊັນບົດບັນທຶກການຮ່ວມມືລະຫວ່າງ ກະຊວງຍຸຕິທຳ ກັບ ມູນນິທິເອເຊຍປະຈຳ ສປປ ລາວ

ພິທີເຊັນບົດບັນທຶກການຮ່ວມມືລະຫວ່າງ ກະຊວງຍຸຕິທຳ ກັບ ມູນນິທິເອເຊຍ ປະຈຳ ສປປ ລາວ ກ່ຽວກັບການສົ່ງເສີມການເຂົ້າເຖິງກົດໝາຍ ແລະ ຄວາມຍຸຕິທຳ ຂອງປະຊາຊົນ ໃນ ສປປ ລາວ ໄດ້ຈັດຂຶ້ນໃນຕອນບ່າຍຂອງວັນທີ 24 ມັງກອນ 2020 ທີ່ໂຮງແຮມຄຣາວພຣາຊາ, ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານ ໄຊສີ ສັນຕິວົງ ກຳມະການສູນກາງພັກ, ລັດຖະມົນຕີກະຊວງຍຸຕິທຳ, ທ່ານ ນາງ ຣີນ່າ ບັດເຕີ ເອກອັກຄະລັດຖະທູດສະຫະລັດອາເມລິກາ ປະຈຳ ສປປ ລາວ ແລະ ທ່ານ ທອດ ວາດເຊວ ຜູ້ຕາງໜ້າມູນນິທິເອເຊຍ ປະຈຳ ສປປ ລາວ.

Pages