ຄະນະຮາກຖານກຳມະບານພະແນກຍຸຕິທຳ ເປີດກອງປະຊຸມສະຫຼຸບປະຈຳປີ 2018 ແລະ ການເປີດຂະບວນການແຂ່ງຂັນ 5 ເປັນເຈົ້າ ປີ 2019
Submitted by wickyboubphalyvanh on
ໃນຕອນເຊົ້າຂອງວັນທີ 16 ກໍລະກົດ 2019 ຜ່ານມານີ້ ຮາກຖານກຳມະບານໄດ້ໄຂກອງປະຊຸມສະຫຼຸບປະຈຳປີ 2018 ແລະ ເປີດຂະບວນການແຂ່ງຂັນ 5 ເປັນເຈົ້າປະຈຳປີ 2019 ໂດຍພາຍໃຕ້ການເປັນປະທານຮ່ວມລະຫວ່າງ ສະຫາຍ ຄຳຫຼ້າ ແກ້ວວັນສອນ ປະທານຄະນະຮາກຖານກຳມະບານພະແນກຍຸຕິທຳ ແລະ ສະຫາຍ ພົງໄຊ ຈະເລີນສຸກ ຮອງປະທານສະຫະພັນກຳມະບານແຂວງ ອັດຕະປື ພ້ອມດ້ວຍແຂກທີ່ຖືກເຊີນມາຈາກສານປະຊາຊົນແຂວງ, ອົງການໄອຍະການແຂວງ, ສະຫະພັນກຳມະບານແຂວງ, ສະພາປະຊາຊົນແຂວງ ແລະ ສະມາຊິກກຳມະບານພະແນກຍຸຕິທຳເຂົ້າຮ່ວມຢ່າງເປັນຂະບວນການຟົດຟື້ນ.