ຫ້ອງການຍຸຕິທຳເມືອງ ແປກ ຝຶກອົບຮົມວຽກງານໂຄສະນາອົບຮົມກົດໝາຍ ແລະ ມອບປື້ມປະມວນກົດໝາຍອາຍາ-ແພ່ງ ໃຫ້ອົງການປົກຄອງບ້ານ

Primary tabs

          ໃນລະຫວ່າງວັນທີ 30–31 ພຶດສະພາ 2022 ທີ່ຜ່ານມາ ຫ້ອງການຍຸຕິທຳເມືອງ ແປກ ໄດ້ເປີດຊຸດຝຶກອົບຮົມກົດໝາຍໃນຫົວຂໍ້ ເນື້ອໃນກົດໝາຍ, ນິຕິກຳລຸ່ມກົດໝາຍໂດຍສົມທຽບໃສ່ບັນຫາທີ່ເກິດຂື້ນພາຍໃນບ້ານ, ໃຫ້ອົງການປົກຄອງບ້ານ ໂດຍການເປັນປະທານຂອງທ່ານ ບົວລອຍ ຈັນທະວົງ ກຳມະການພັກເມືອງ ຮອງເຈົ້າເມືອງ ແປກ ຜູ້ຊີ້ນຳຂົງເຂດເສດຖະກິດ ທັງເປັນຫົວໜ້າຄະນະຊີ້ນຳໂຄງການຂັ້ນເມືອງ, ມີ ທ່ານ ຄຳຫຼ້າ ສີບົວທອງ ຮອງໜ່ວຍງານກົດໝາຍ ແລະ ໂຄສະນາເຜີຍແຜ່ກົດໝາຍ ຫ້ອງການຍຸຕິທໍາເມືອງ ແປກ ແລະ ຄູຝຶກທີ່ມາຈາກ ຫ້ອງການກະສີກໍາ ແລະ ປ່າໄມ້ເມືອງ ຊື່ງມີຜູ້ເຂົ້າຮ່ວມຝຶກອົບຮົມ ທັງໝົດ 25 ທ່ານ ຍິງ 8 ທ່ານ ທີ່ມາຈາກບ້ານ.
อาจเป็นรูปภาพของ 12 คน, ผู้คนกำลังยืน และ ผู้คนกำลังนั่ง
          ຈຸດປະສົງກໍເພື່ອສ້າງຄວາມເຂັ້ມແຂງໃຫ້ແກ່ອຳນາດການປົກຄອງ ບ້ານ ນາຄູນ, ບ້ານ ຫ້ວຍຊັ້ງ, ບ້ານ ມ່ວງພາ, ບ້ານ ພູເກງ ໄດ້ຮັບຮູ້ ແລະ ວິທີໃນການນຳປື້ມກົດໝາຍ, ເຕັກນີກການນຳໃຊ້ຂໍ້ມູນທາງດ້ານກົດໝາຍ (ທາງອີນເຕີເນັດ), ນິຕິກຳລຸ່ມກົດໝາຍ ໂດຍສົມທຽບກັບບັນຫາທີ່ເກິດຂື້ນພາຍໃນບ້ານດັ່ງກ່າວວ່າມັນຢູ່ໃນກົດໝາຍໃດ ແລະ ຢູ່ໃນມາດຕາໃດແລ້ວມາດຕານັ້ນເວົ້າເຖິງຫຍັງ ແລະ ຍັງໄດ້ມອບປື້ມປະມວນກົດໝາຍອາຍາ, ປະມວນກົດໝາຍແພ່ງ ໃຫ້ບັນດາບ້ານ ບ້ານລະ 2 ຊຸດ.
ຖ່າຍພາບ-ຂຽນຂ່າວ: ທ່ານ ຄຳຫຼ້າ ສີບົວທອງ
ປະເພດຂ່າວ: