ສະຫະພັນແມ່ຍິງ 3 ໜ່ວຍ ປາຖະກະຖາເຫຼົ່າຄືນມູນເຊື້ອວັນສ້າງຕັ້ງແມ່ຍິງລາວຄົບຮອບ 66 ປີ

Primary tabs

          ໃນຕອນເຊົ້າຂອງວັນທີ 19 ກໍລະກົດ 2021 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໄດ້ຈັດພິທີປາຖະກະຖາເຫຼົ່າຄືນມູນເຊື້ອວັນສ້າງຕັ້ງແມ່ຍິງລາວ ຄົບຮອບ 66 ປີ ຂຶ້ນໂດຍການເປັນປະທານ ແລະ ໃຫ້ກຽດເຫຼົ່າມູນເຊື້ອ ຂອງສະຫາຍ ນ. ສາຄອນ ບານຸວົງ ຄະນະບໍລິຫານງານສະຫະພັນແມ່ຍິງແຂວງ, ປະທານສະຫະພັນແມ່ຍິງໜ່ວຍພະແນກຍຸຕິທຳແຂວງ, ມີບັນດາປະທານ, ຮອງປະທານ, ພ້ອມດ້ວຍສະມາຊິກສະຫະພັນແມ່ຍິງໜ່ວຍສານປະຊາຊົນແຂວງ, ໜ່ວຍອົງການໄອຍະການປະຊາຊົນ ແລະ ໜ່ວຍພະແນກຍຸຕິທຳແຂວງ ເຂົ້າຮ່ວມຢ່າງພ້ອມພຽງ.
อาจเป็นรูปภาพของ 5 คน, ผู้คนกำลังนั่ง, ผู้คนกำลังยืน และสถานที่ในร่ม
          ຈຸດປະສົງເພື່ອທົບທວນຄືນປະຫວັດມູນເຊື້ອການກຳເນີດ, ການເຕີບໃຫ່ຍຂະຫຍາຍຕົວ ແລະ ຜົນງານການເຄື່ອນໄຫວຂອງສະຫະພັນແມ່ຍິງລາວບັນດາເຜົ່າ, ແມ່ຍິງລາວຍາມໃດກໍ່ໄດ້ອຸທິດ ແລະ ຄ່ຽງບ່າຄ່ຽງໄລ່ກັບເພດຊາຍ, ພາລະກິດປົກປັກຮັກສາສ້າງສາພັດທະນາປະເທດຊາດໃນປະຈຸບັນ ແລະ ຈາລຶກບຸນຄຸນ, ຜົນງານຂອງສະຫະພັນແມ່ຍິງລາວ ທີ່ຕໍ່ສູ້ປົດປ່ອຍຊາດ ກໍຄືພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດ. ຍົກສູງບົດບາດຂອງແມ່ຍິງລາວບັນດາເຜົ່າໃຫ້ມີຄວາມໝາຍ, ຄວາມສໍາຄັນຫຼາຍຂຶ້ນກວ່າເກົ່າ ແລະ ພ້ອມກັນນັ້ນທ່ານປະທານກໍຍັງໄດ້ຮຽກຮ້ອງໃຫ້ເອື້ອຍນ້ອງແມ່ຍິງທຸກຄົນຕ້ອງໄດ້ເອົາໃຈໃສ່ໃນການຍົກລະດັບວິຊາສະເພາະ, ເປັນແບບຢ່າງໃນການອານຸລັກຮີດຄອງປະເພນີອັນດີງາມຂອງຊາດ ແລະ ປະຕິບັດໜ້າທີ່ວິຊາສະເພາະຂອງຕົນໃຫ້ສຳເລັດ
ຖ່າຍພາບ-ຂຽນຂ່າວ: ພຸດທະຈັກ ວິໄລພອນ
ປະເພດຂ່າວ: