ພິທີມອບ-ຮັບໜ້າທີ່ຫົວໜ້າຫ້ອງການຍຸຕິທໍາເມືອງ ຕົ້ນເຜິ້ງ ແຂວງ ບໍ່ແກ້ວ.

Primary tabs

          ຕອນເຊົ້າຂອງວັນທີ 17 ມິຖຸນາ 2021 ຢູ່ຫ້ອງການຍຸຕິທໍາເມືອງ ຕົ້ນເຜິ້ງ ແຂວງ ບໍ່ແກ້ວ ໄດ້ຈັດພິທີມອບ-ຮັບໜ້າທີ່ລະຫວ່າງຫົວໜ້າຫ້ອງການ ແລະ ຮອງຫົວໜ້າຫ້ອງການ ຂຶ້ນ ໂດຍເປັນປະທານຂອງ ທ່ານ ຄຳລຸນ ລໍມີໄຊ ຮອງເຈົ້າເມືອງ ຕົ້ນເຜິ້ງ, ມີຄະນະຈັດຕັ້ງເມືອງ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງເຂົ້າຮ່ວມ.

          ໃນພິທີ ທ່ານ ອີ່ນຄຳ ແກ້ວນາລີ ຫົວໜ້າຄະນະຈັດຕັ້ງເມືອງ ໄດ້ຜ່ານຂໍ້ຕົກລົງຂອງທ່ານເຈົ້າແຂວງ ບໍ່ແກ້ວ ວ່າດ້ວຍການຍົກຍ້າຍບ່ອນປະຈຳການຂອງພະນັກງານ ຊຶ່ງໄດ້ຕົກລົງຍົກຍ້າຍ ທ່ານ ສາຍຄຳ ຄຳປະເສີດ ຫົວໜ້າຫ້ອງການຍຸຕິທຳເມືອງ ຕົ້ນເຜິ້ງ ໄປປະຈຳການຢູ່ສະພາປະຊາຊົນແຂວງ ບໍ່ແກ້ວ, ຈາກນັ້ນ, ທ່ານ ສາຍຄຳ ຄຳປະເສີດ ກໍໄດ້ຜ່ານບົດສະຫຼຸບການນໍາພາວຽກງານຮອບດ້ານໃນໄລຍະຜ່ານມາ ແລະ ເຊັນບົດບັນທຶກມອບ-ຮັບໜ້າທີ່ລະຫວ່າງ ທ່ານ ສາຍຄຳ ຄຳປະເສີດ ຫົວໜ້າຫ້ອງການຍຸຕິທຳເມືອງ ຕົ້ນເຜິ້ງ (ຜູ້ເກົ່າ) ແລະ ທ່ານ ນາງ ມະນີຈັນ ຮອງຫົວໜ້າຫ້ອງການ (ຮັກສາການຫົວໜ້າຫ້ອງການ)

          ຕອນທ້າຍພິທີ ທ່ານ ຮອງເຈົ້າເມືອງ ກໍໄດ້ມີຄຳເຫັນໂອ້ລົມ ຊຶ່ງທ່ານ ໄດ້ເນັ້ນໜັກໃຫ້ທ່ານ ຮັກສາການຫົວໜ້າຫ້ອງການຍຸຕິທໍາເມືອງ ຕົ້ນເຜິ້ງ ຈົ່ງເອົາໃສ່ໃຈສຶກສາອົບຮົມການເມືອງ-ແນວຄິດໃຫ້ພະນັກງານ-ລັດຖະກອນ ໃຫ້ມີຄວາມໜັກແໜັ້ນທາງດ້ານການເມືອງ, ເຂັ້ມແຂງທາງດ້ານການຈັດຕັ້ງ ເພີ່ມທະວີຄວາມເອົາໃຈໃສ່ແບບແຜນວິທີນໍາພາ, ເຮັດວຽກເປັນໝູ່ຄະນະ, ປະຕິບັດຕາມຫຼັກການລວມສູນປະຊາທິປະໄຕ, ມອບວຽກໃຫ້ບຸກຄົນຮັບຜິດຊອບຢ່າງທົ່ວເຖິງ.

ຂ່າວ ແລະ ພາບຈາກ: ຫ້ອງການຍຸຕິທໍາເມືອງຕົ້ນເຜິ້ງ