ກໍາມະບານຮາກຖານພະແນກຍຸຕິທຳແຂວງ ຜົ້ງສາລີ ປະຖະກະຖາວັນກໍາມະກອນສາກົນ ຄົບຮອບ 136 ປີ ແລະ ສ້າງຂະບວນການອອກແຮງງານ

Primary tabs

          ໃນວັນທີ 29 ເມສາ 2022 ຄະນະກໍາມະບານຮາກຖານພະແນກຍຸຕິທຳແຂວງ ຜົ້ງສາລີ ໄດ້ຈັດພິທີປາຖະກະຖາວັນກໍາມະກອນສາກົນ ຄົບຮອບ 136 ປີ ແລະ ສ້າງຂະບວນການອອກແຮງງານ ໂດຍການເປັນປະທານຂອງ ສະຫາຍ ຈັນສະໝອນ ຄຸນນະເລີດ ຮອງເລຂາໜ່ວຍພັກ, ຮອງຫົວໜ້າພະແນກຍຸຕິທຳແຂວງ, ຜູ້ຊີ້ນຳອົງການຈັດຕັ້ງມະຫາຊົນ, ສະຫາຍ ນາງ ອຳໄພພອນ ຕ່ອມມະນີ ຄະນະບໍລິຫານງານກຳມະບານແຂວງ, ປະທານສະຫະພັນກຳມະບານຮາກຖານພະແນກຍຸຕິທຳແຂວງ, ມີຄະນະກໍາມະບານຮາກຖານ ແລະ ສະມາຊິກກໍາມະບານພາຍໃນພະແນກຍຸຕິທຳແຂວງເຂົ້າຮ່ວມທັງໝົດ 31 ທ່ານ, ຍິງ 16 ທ່ານ.
อาจเป็นรูปภาพของ 13 คน, ผู้คนกำลังยืน และ สถานที่ในร่ม
          ໃນພິທີ ສະຫາຍນາງ ອໍາໄພພອນ ຕ່ອມມະນີ ໄດ້ຜ່ານແຈ້ງການແນະນໍາ ສະບັບເລກທີ 362/ກບຂ.ຜລ, ລົງວັນທີ 18 ເມສາ 2022 ແລະ ປາຖະກະຖາເລົ່າມູນເຊື້ອວັນກໍາມະກອນສາກົນ ຄົບຮອບ 136 ປີ (1 ພຶດສະພາ 1886-1 ພຶດສະພາ 2022) ຊຶ່ງສະຫາຍໄດ້ຍົກໃຫ້ເຫັນປະຫວັດການກຳເນີດຊົນຊັ້ນ ແລະ ປະຫວັດຄວາມເປັນມາຂອງວັນກໍາມະກອນສາກົນວ່າ ໃນທ້າຍສະຕະວັດທີ 18 - ຕົ້ນສະຕະວັດທີ 19 ລະບອບນາຍທຶນຫຼາຍປະເທດໃນໂລກໄດ້ສຳເລັດການໂຄ່ນລົ້ມສັກດີນາ ແລະ ສ້າງຕັ້ງລະບົບນາຍທຶນແທນ, ຊົນຊັ້ນກຳມະກອນໄດ້ຖືກກົດຂີ່ຂູດຮີດນັບມື້ນັບໜັກໜ່ວງ ມີຫຼາຍເຫດການເກີດຂຶ້ນ, ການອອກແຮງງານແສນລໍາບາກ ແລະ ມີຄວາມສ່ຽງສູງຕໍ່ຊີວິດ ເນື່ອງຈາກລະບົບສະຫວັດດີການຍັງບໍ່ທັນມີນາຍທືນເພີ່ມການຂົມຂີ່ ຂົ່ມເຫັງ ໃຫ້ກຳມະກອນອອກແຮງງານໂດຍບໍ່ມີເວລາພັກຜ່ອນ ເຮັດວຽກຫຼາຍຄ່າແຮງງານຕໍ່າ ມາຮອດວັນທີ 1 ພຶດສະພາ 1886 ເປັນເທື່ອທໍາອິດໃນປະເທດອາເມລິກາຢູ່ຊິກາໂກ ຊົນຊັ້ນກໍາມະກອນ ແລະ ຊາວຜູ້ອອກແຮງງານໄດ້ມີການຕໍ່ສູ້ ເພື່ອທວງເອົາສິດຜົນປະໂຫຍດຮຽກຮ້ອງໃຫ້ນາຍທຶນຕ້ອງປະຕິບັດຕາມການສະເໜີຂອງກຳມະກອນວ່າຕໍ່ໄປນີ້ບໍ່ໃຫ້ກຳມະກອນເຮັດວຽກເກີນ 8 ຊົ່ວໂມງ, ເຮັດວຽກ 8 ຊົ່ວໂມງ ພັກຜ່ອນ 8 ຊົ່ວໂມງ ນັບແຕ່ວັນນັ້ນມາໄດ້ກໍານົດເອົາວັນທີ 1 ພຶດສະພາ 1886 ເປັນວັນກຳມະກອນສາກົນ.
          ໃນຕອນທ້າຍ ສະຫາຍ ຈັນສະໝອນ ຄຸນນະເລີດ ຮອງເລຂາໜ່ວຍພັກ, ຮອງຫົວໜ້າພະແນກຍຸຕິທຳແຂວງ, ຜູ້ຊີ້ນຳອົງການຈັດຕັ້ງມະຫະຊົນ ກໍໄດ້ມີຄຳເຫັນໂອ້ລົມ ແລະ ໄດ້ໃຫ້ທິດຊີ້ນຳໃນພິທີ ຊຶ່ງສະຫາຍໄດ້ຮຽກຮ້ອງໃຫ້ບັນດາສະມາຊິກກໍາມະບານຮາກຖານພາຍໃນພະແນກຍຸຕິທຳແຂວງ ຈົ່ງນໍາເອົາເນື້ອໃນຈິດໃຈດັ່ງກ່າວ ນຳໄປຈັດຕັ້ງຜັນຂະຫຍາຍສູງຂຶ້ນອີກຕື່ມ.
ຖ່າຍພາບ ແລະ ຂຽນຂ່າວ: ທ່ານ ບຸນຈັນ ທິບນິພົນ
ປະເພດຂ່າວ: