ຫົວໜ້າພະແນກຍຸຕິທໍາແຂວງ ວຽງຈັນ ລົງຊຸກຍູ້ວຽກງານຍຸຕິທໍາຮາກຖານ

Primary tabs

          ໃນວັນທີ 22-23 ທັນວາ 2021 ຜ່ານມາ ທ່ານ ຄໍາພັນ ຊະນະໄພ ຫົວໜ້າພະແນກຍຸຕິທໍາແຂວງ ວຽງຈັນ ພ້ອມດ້ວຍຄະນະ ໄດ້ລົງຊຸກຍູ້ວຽກງານຍຸຕິທຳຮາກຖານ ຢູ່ເມືອງ ໂພນໂຮງ, ເມືອງ ວຽງຄໍາ, ເມືອງ ແກ້ວອຸດົມ ແລະ ເມືອງ ທຸລະຄົມ ໂດຍມີຫົວໜ້າຫ້ອງການທີ່ກ່ຽວຂ້ອງພ້ອມດ້ວຍຄະນະໃຫ້ການຕ້ອນຮັບ.
ການລົງເຄື່ອນຊຸກຍູ້ວຽກງານໃນຄັ້ງນີ້ ທ່ານ ຫົວໜ້າພະແນກຍຸຕິທໍາແຂວງ ໄດ້ຮັບຟັງການສະຫຼຸບລາຍການຈັດຕັ້ງປະຕິບັດວຽກງານປະຈຳປີ ແລະ ທິດທາງແຜນການໃນຕໍ່ໜ້າ ຂອງຫ້ອງການຍຸຕິທໍາ ທັງ 4 ເມືອງ. ການຈັດຕັ້ງປະຕິບັດວຽກງານໃນໄລຍະຜ່ານມາ ຊຶ່ງມີທັງດ້ານດີ, ດ້ານອ່ອນ, ຂໍ້ສະດວກ ແລະ ຂໍ້ຫຍຸ້ງຍາກ. ນອກຈາກນັ້ນ, ທ່ານ ຫົວໜ້າພະແນກຍຸຕິທໍາແຂວງ ຍັງໄດ້ເຜີຍແຜ່ການຈັດຕັ້ງປະຕິບັດວາລະແຫ່ງຊາດ ແລະ ໄດ້ໃຫ້ທິດຊີ້ນໍາແກ່ບັນດາຫົວໜ້າຫ້ອງການຍຸຕິທໍາເມືອງພ້ອມດ້ວຍຄະນະ ກ່ຽວກັບການຈັດຕັ້ງປະຕິບັດວຽກງານໃນຕໍ່ໜ້າ ເພື່ືອໃຫ້ມີຜົນສໍາເລັດຕາມລະດັບຄາດໝາຍຫຼາຍຂຶ້ນກວ່າເກົ່າ.
ຂ່າວ-ພາບ: ຈາກພະແນກຍຸຕິທໍາແຂວງ ວຽງຈັນ