ພະແນກຍຸຕິທໍາແຂວງ ອັດຕະປື ເຊື່ອມຊຶມເອກະສານສໍາຄັນຂອງພັກໃຫ້ສະມາຊິກພັກ-ພະນັກງານ

          ໃນວັນທີ 30 ມິຖຸນາ 2021 ພະແນກຍຸຕິທໍາແຂວງ ອັດຕະປື ໄດ້ຈັດພິທີເຊື່ອມຊຶມຜັນຂະຫຍາຍເອກະສານສໍາຄັນຂອງພັກ ໂດຍການເປັນປະທານ ແລະ ເຜີຍແຜ່ເຊື່ອມຊຶມເອກະສານ ຂອງສະຫາຍ ນາງ ບຸນນານ ບຸນນະແສງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ອັດຕະປື, ມີ ສະຫາຍ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ພ້ອມດ້ວຍສະມາຊິກພັກ, ພະນັກງານ-ລັດຖະກອນ ພາຍໃນພະແນກຍຸຕິທຳແຂວງ ອັດຕະປື ເຂົ້າຮ່ວມ.
อาจเป็นรูปภาพของ 17 คน, ผู้คนกำลังนั่ง, ผู้คนกำลังยืน และสถานที่ในร่ม
          ເອກະສານທີ່ເຜີຍແຜ່ເຊື່ອມຊຶມຄັ້ງນີ້ປະກອບມີ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກົມການເມືອງສູນກາງພັກ ສະບັບເລກທີ 206/ກມ.ສພ, ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບແນວຄິດການເມືອງ ຂອງສະມາຊິກພັກໃນໄລຍະໃໝ່, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025) ຂອງແຂວງ ອັດຕະປື ແລະ ກົດລະບຽບພັກປະຊາຊົນປະຕິວັດລາວສະໄໝທີ XI.
          ຈຸດປະສົງ ເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນພາຍໃນພະແນກໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ, ກຳແໜ້ນແນວທາງນະໂຍບາຍຂອງພັກ, ກົດໝາຍ ແລະ ລະບຽບການຂອງລັດວາງອອກໃນແຕ່ລະໄລຍະ ໂດຍສະເພາະ ແມ່ນເນື້ອໃນສໍາຄັນ, ຕົ້ນຕໍ ແລະ ວຽກງານຈຸດສຸມທີ່ຕິດພັນກັບພາລະບົດບາດ, ສິດ ແລະ ໜ້າທີ່ຄວາມຮັບຜິດຊອບຂອງຂະແໜງການຂອງຕົນ ສ້າງການຫັນປ່ຽນດ້ານແນວຄິດ, ຈິນຕະນາການ ຍົກສູງຫຼັກໝັ້ນຄວາມຮັບຜິດຊອບຕໍ່ໜ້າທີ່ການເມືອງ, ເພີ່ມທະວີນໍ້າໃຈເສຍສະລະຂອງສະມາຊິກພັກ-ພະນັກງານ ໃນການຮັບໃຊ້ປະເທດຊາດ ແລະ ຮັບໃຊ້ປະຊາຊົນດ້ວຍຄວາມບໍລິສຸດໃຈ.
ຂ່າວ-ພາບ: ທົງໄຊ ຈຳສິນ
ປະເພດຂ່າວ: