ຫ້ອງການຍຸຕິທໍາເມືອງ ໄຊ ໄດ້ຈັດພິທີປະກາດ-ຮັບຮອງເອົາຄອບຄົວ ແລະ ບ້ານແບບຢ່າງປະຕິບັດກົດໝາຍ 3 ບ້ານໃນເມືອງ ໄຊ ແຂວງ ອຸດົມໄຊ

Primary tabs

          ພີທີປະກາດ-ຮັບຮອງເອົາຄອບຄົວ ແລະ ບ້ານແບບຢ່າງປະຕິບັດກົດໝາຍ ຈໍານວນ 3 ບ້ານຄື: ບ້ານ ກອນແກ່ນ, ບ້ານ ນາມົນ ແລະ ບ້ານ ນາຮ້ວງ ເມືອງ ໄຊ ແຂວງ ອຸດົມໄຊ, ໄດ້ຈັດຂື້ນ ໃນຕອນເຊົ້າຂອງວັນທີ 26 ສິງຫາ 2021 ທີ່ຜ່ານມານີ້, ທີ່ສະໂມສອນບ້ານ ກອນແກ່ນ, ເປັນກຽດເຂົ້າຮ່ວມ ພິທີມີ ທ່ານ ພັທ ສົມເພັດ ສຸລິວັນ ຄະນະປະຈໍາພັກເມືອງ ຫົວໜ້າກອງບັນຊາການ ທະຫານເມືອງ ໄຊ, ມີທ່ານ ບຸນຈັນ ສີບຸນຕາ ຮອງຫົວໜ້າພະແນກຍຸຕິທໍາແຂວງ, ທ່ານ ວຽງເງິນ ວົງລັດສະໝີ ຫົວໜ້າຫ້ອງການຍຸຕິທໍາເມືອງ ໄຊ, ການຈັດຕັ້ງຂັ້ນເມືອງພ້ອມດ້ວຍເລຂາພັກເຂດ, ອໍານາດການປົກຄອງ ແລະ ພໍ່ແມ່ປະຊາຊົນພາຍໃນ 3 ບ້ານດັ່ງກ່າວເຂົ້າຮ່ວມ.
อาจเป็นรูปภาพของ 7 คน และผู้คนกำลังนั่ง
          ໃນພິທີ ທ່ານ ບຸນທີ ແສງສຸເພັງ ເລຂາພັກເຂດ ໄດ້ຜ່ານບົດສະຫຼຸບປະເມີນຜົນໃນການ ປະຕິບັດວຽກງານກໍ່ສ້າງເປັນບ້ານແບບຢ່າງປະຕິບັດກົດໝາຍຂອງລັດຖະມົນຕີກະຊວງຍຸຕິທໍາ ສະບັບເລກທີ 1399/ກຍ, ລົງວັນທີ 12 ທັນວາ 2017 ທີ່ໄດ້ກໍານົດເອົາຫຼັກການ, ລະບຽບການ, ມາດຕະການໃນການຄຸ້ມຄອງຕິດຕາມກວດກາ ການສ້າງຄອບຄົວ ແລະ ບ້ານແບບຢ່າງປະຕິບັດກົດໝາຍ ແມ່ນໄດ້ແນ່ໃສ່ ສະມາຊິກພາຍໃນຄອບຄົວ ແລະ ປະຊາຊົນພາຍໃນບ້ານ ມີຄວາມຮັບຮູ້ ເຂົ້າໃຈຕໍ່ລັດຖະທໍາມະນູນ ແລະ ກົດໝາຍຢ່າງຖືກຕ້ອງ ເລິກເຊິ່ງມີສະຕິຕື່ນຕົວເຄົາລົບ ແລະ ປະຕິບັດກົດໝາຍ ນັບມື້ນັບເຂັ້ມງວດ.
          ຜ່ານການຕິດຕາມກວດກາການປະເມີນຜົນຂອງຫ້ອງການຍຸຕິທໍາເມືອງ ແມ່ນປະຕິບັດໄດ້ ບັນລຸຕາມ 6 ມາດຖານເງື່ອນໄຂກໍານົດໄວ້. ຈາກນັ້ນຄະນະຮັບຜິດຊອບໄດ້ຜ່ານຂໍ້ຕົກລົງຂອງທ່ານເຈົ້າເມືອງ ໄຊ ສະບັບເລກທີ່ 164/ຈມ.ມຊ, ລົງວັນທີ 26 ມີນາ 2021 ວ່າດ້ວຍການຮັບຮອງເອົາ ບ້ານແບບຢ່າງປະຕິບັດກົດໝາຍ ແລະ ຂໍ້ຕົກລົງຫົວໜ້າຫ້ອງການຍຸຕິທໍາເມືອງ ສະບັບເລກທີ 286/ຍທ,ມຊ, ລົງວັນທີ 17 ສິງຫາ 2021 ວ່າດ້ວຍການມອບໃບຢັ້ງຢືນຄອບຄົວແບບຢ່າງປະຕິບັດກົດຫມາຍ ໃຫ້ແກ່ອໍານາດການປົກຄອງ 3 ບ້ານດັ່ງກ່າວຢ່າງເປັນທາງການ. ໃຫ້ກຽດມອບໃບຢັ້ງຢືນບ້ານແບບຢ່າງປະຕິບັດກົດໝາຍ ໂດຍ ທ່ານ ພັທ ສົມເພັດ ສຸລິວັນ ຄະນະປະຈໍາພັກເມືອງ ຫົວໜ້າກອງບັນຊາການ ທະຫານເມືອງ ໄຊ.
          ຕອນທ້າຍພິທີ ທ່ານ ຫົວໜ້າກອງບັນຊາການ ທະຫານເມືອງ ໄຊ ໄດ້ກ່າວສະແດງຄວາມ ຊົມເຊີຍຕໍ່ຜົນງານອັນໃຫຍ່ຫຼວງຄັ້ງນີ້ ແລະ ທ່ານຍັງໄດ້ເນັ້ນໜັກໃຫ້ອໍານາດການປົກຄອງບ້ານ ຈົ່ງ ພ້ອມກັນສືບຕໍ່ເອົາໃຈໃສ່ສຶກສາອົບຮົມ ການເມືອງ-ແນວຄິດ ໃຫ້ກັບພໍ່ແມ່ປະຊາຊົນບັນດາເຜົ່າຢູ່ພາຍໃນບ້ານ ເປັນຕົ້ນແມ່ນປຸກລະດົມໃຫ້ ທົ່ວປວງຊົນຕ້ອງໄດ້ຮັບຮູ້ ແນວທາງນະໂຍບາຍຂອງພັກ-ລະບຽບກົດໝາຍຂອງລັດຢ່າງກວ້າງຂວາງເລິກເຊິ່ງ ເສີມຂະຫຍາຍຄວາມສາມັກຄີ ປອງດອງ, ຮັກແພງ ຊ່ວຍເຫຼືອເຊິ່ງກັນ ແລະ ກັນ, ຕັ້ງໜ້າປະກອບສ່ວນເຂົ້າໃນວຽກງານ ປົກປັກຮັກສາ ແລະ ສ້າງສາປະເທດຊາດ.
ຂຽນຂ່າວ: ບຸນມີ ອິນທະວົງ
ພາບ: ທ່ານ ສີທອງ ຈັນນາລີ
ປະເພດຂ່າວ: