ໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ເປີດກອງປະຊຸມຈັດຕັ້ງເນື້ອໃນຂໍ້ແຂ່ງຂັນ 4 ບຸກ.

Primary tabs

ໃນຕອນບ່າຍຂອງ 10 ທັນວາ 2020 ໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ໄດ້ເປີດກອງປະຊຸມຈັດຕັ້ງເນື້ອໃນຂໍ້ແຂ່ງຂັນ 4 ບຸກ ປະຈໍາປີ 2020 ຂອງຕົນຂຶ້ນ ຢູ່ທີ່ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວຂອງແຂວງ ໂດຍການເປັນປະທານຂອງ ສະຫາຍ ສຸກສັນ ຈັນທະວົງ ເລຂາໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ໃຫ້ກຽດເຂົ້າຮ່ວມໂດຍ ສະຫາຍ ລືຢ່າງ ຫວັງເຢັງ ຮອງເລຂາໜ່ວຍພັກ ພະແນກຍຸຕິທຳແຂວງ ໄຊສົມບູນ ມີສະຫາຍ ເຍ່ຍຊົ່ງ ຫວັງທ່າວ ເລຂາຄະນະບໍລິຫານງານຊາວໜຸ່ມແຂວງ, ຮອງເລຂາໜ່ວຍພັກ, ເລຂາໜ່ວຍຊາວໜຸ່ມຈາກສະພາປະຊາຊົນ, ອົງການໄອຍະການປະຊາຊົນ, ສານປະຊາຊົນ, ພະແນກການອ້ອມຂ້າງແຂວງ ພ້ອມດ້ວຍສະມາຊິກພາຍໃນພະແນກຍຸຕິທໍາເຂົ້າຮ່ວມ.

ສະຫາຍ ສຸກສັນ ຈັນທະວົງ ເລຂາໜ່ວຍຊາວໜຸ່ມ ໄດ້ຂຶ້ນຜ່ານຮ່າງແຜນການເປີດຂະບວນການ ຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 4 ບຸກ ຂອງໜ່ວຍຊາວໜຸ່ມພະແນກຍຸຕິທໍາແຂວງ ໄຊສົມບູນ. ການສ້າງໜ່ວຍຊາວໜຸ່ມແຕ່ລະຂະແໜງການ ໃຫ້ກາຍເປັນໜ່ວຍ 4 ບຸກ ເປົ້າໝາຍເພື່ອຍົກສູງໃຫ້ສະມາຊິກຊາວໜຸ່ມແຕ່ລະສະຫາຍມີລັກສະນະຫຼັກໝັ້ນທີ່ໜັກແໜ້ນ, ມີຄຸນສົມບັດສິນທໍາປະຕິວັດ, ມີຄວາມເຂັ້ມແຂງທາງດ້ານການເມືອງ-ແນວຄິດ, ມີຫົວຄິດປະດິດສ້າງ ພ້ອມທັງມີນໍ້າໃຈຮັກຊາດ, ຊ່ວຍເຫຼືອຊຶ່ງກັນ ແລະ ກັນ, ເປັນເຈົ້າການຝຶກຝົນຫຼໍ່ຫຼອມຕົນເອງ ໃຫ້ມີຄວາມຫ້າວຫັນຕໍ່ໜ້າທີ່ວຽກງານວິຊາສະເພາະທີ່ຕົນຮັບຜິດຊອບ ໂດຍຕິດພັນກັບຂະບວນການຕ່າງໆາຂອງຊາວໜຸ່ມ ເປັນຕົ້ນ ຂະບວນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມປະຊາຊົນປະຕິວັດລາວ ໃຫ້ປາກົດຜົນເປັນຈິງເທື່ອລະກ້າວ.

ໃນຕອນທ້າຍ ສະຫາຍ ລືຢ່າງ ຫວັງເຢັງ ກໍໄດ້ໃຫ້ກຽດໂອ້ລົມຕໍ່ກອງປະຊຸມ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່່ໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ທີ່ມີຄວາມອຸ່ນອ່ຽນ ທຸ່ນທ່ຽງ, ຫ້າວຫັນຕໍ່ໜ້າທີ່ວຽກງານ ແລະ ເປັນແບບຢ່າງທີດີ ໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມປະຊາຊົນປະຕິວັດລາວ.

ຂຽນຂ່າວ-ຖ່າຍພາບ: ຫົງທອງ ອຸ່ນທະວີສັກ

ປະເພດຂ່າວ: