ໃນວັນທີ 18 ທັນວາ 2020 ຢູ່ທີ່ສູນ ICTC, ນະຄອນຫຼວງວຽງຈັນ ສະພາທະນາຄວາມ ໄດ້ເປີດກອງປະຊຸມໃຫຍ່ທະນາຍຄວາມ ທົ່ວປະເທດ ຄັ້ງທີ VIII ຂຶ້ນ ໂດຍການເປັນປະທານຂອງ ທ່ານ ຄຳໃສ ສຸລິນທອນ ປະທານສະພາທະນາຍຄວາມ; ເປັນກຽດເຂົ້າຮ່ວມຂອງ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ. ມີບັນດາຄະນະບໍລິຫານງານສະພາທະນາຍຄວາມ, ສະມາຊິກທະນາຍຄວາມທົ່ວປະເທດ ພ້ອມດ້ວຍແຂກຖືກເຊີນເຂົ້າຮ່ວມ ຈຳນວນ 239 ທ່ານ, ຍິງ 59 ທ່ານ.

ກອງປະຊຸມໄດ້ຈັດຂຶ້ນໃນຕອນບ່າຍຂອງວັນທີ 12 ພະຈິກ 2020 ທີ່ຫ້ອງປະຊຸມຂອງກະຊວງຍຸຕິທຳ ໂດຍການເປັນປະທານຂອງທ່ານ ປອ. ຈອມຄຳ ບຸບຜາລີວັນ ຫົວໜ້າກົມສົ່ງເສີມລະບົບຍຸຕິທຳ ກະຊວງຍຸຕິທຳ, ເຂົ້າຮ່ວມມີ ຫົວໜ້າກົມ-ຮອງຫົວໜ້າ, ຫົວໜ້າພະແນກ-ຮອງພະແນກ ແລະ ພະນັກງານວິຊາການກົດໝາຍ ຕາງໜ້າຈາກບັນດາກົມພາຍໃນກະຊວງຍຸຕິທຳ ແລະ ອົງການຈັດຕັ້ງສາກົນ ເຂົ້າຮ່ວມທັງໝົດຈຳນວນ 31 ທ່ານ, ຍິງ 17 ທ່ານ.

ໃນລະຫວ່າງວັນ 09-12 ກໍລະກົດ 2019 ຜ່ານມານີ້ ທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ ກະຊວງຍຸຕິທຳ ພ້ອມດ້ວຍຄະນະ ຮ່ວມກັບອົງການຢູນິເຊັບ (UNICEF) ໄດ້ລົງຕິດຕາມ, ຊຸກຍູ້ ວຽກງານໂຄງການທົດລອງການປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ຢູ່ແຂວງ ສະຫວັນນະເຂດ ຫົວໜ້າຄະນະລົງຕິດຕາມໃນຄັ້ງນີ້ແມ່ນ ທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ນາງ ຈອນສີ ຄຳດອກທອງ ຫົວໜ້າພະແນກທະບຽນຄອບຄົວ ແລະ ຍຸຕິທຳເດັກ, ຜູ້ຕາງໜ້າອົງການຢູນິເຊັບ ປະຈຳ ສປປ ລາວ ພ້ອມດ້ວຍຄະນະຮັບຜິດຊອບຂັ້ນແຂວງ, ຂັ້ນເມືອງ, ນະຄອນ.

    ໃນວັນທີ 4 ທັນວາ 2018 ກົມສົ່ງເສີມລະບົບຍຸຕິທໍາ, ກະຊວງຍຸຕິທຳ ໂດຍການສະໜັບສະໜູນຂອງອົງການສະຫະປະຊາຊາດສຳລັບເດັກ (ຢູນິເຊັບ) ໄດ້ເປີດຊຸດຝຶກອົບຮົມວຽກງານໂຄງການທົດລອງການປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ທີ່ຫ້ອງປະຊຸມພະແນກຍຸຕິທຳແຂວງສະຫວັນນະເຂດ ໂດຍການເປັນກຽດເຂົ້າຮ່ວມເປັນປະທານຂອງທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ອຸໄພວັນ ໄຊຍະວົງ ຫົວໜ້າພະແນກຍຸຕິທຳແຂວງສະຫວັນນະເຂດ ແລະ ທ່ານ ນາງ ຈອນສີ ຄຳດອກທອງ ຫົວໜ້າພະແນກທະບຽນຄອບຄົວ ແລະ ຍຸຕິທຳເດັກ ກົມສົ່ງເສີມລະບົບຍຸຕິທຳ ກະຊວງຍຸຕິທຳ ພ້ອມດ້ວຍນັກຝຶກອົບຮົມທັງໝົດ 30 ທ່ານ, ຍິງ 5 ທ່ານ ຊຶ່ງມາຈາກ ພະແນກຍຸຕິທຳແຂວງ, ຫ້ອ