ແຂວງ ອຸດົມໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ອຸດົມໄຊ ລົງຊີ້ນຳວຽກງານຍຸຕິທໍາ ບັນດາຫ້ອງການຍຸຕິທຳເມືອງ

Submitted by xaiyphimphone on

          ໃນລະຫວ່າງວັນທີ 20-21 ກໍລະກົດ 2021 ທີ່ຜ່ານມາ ນີ້ ທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳ ພ້ອມດ້ວຍຄະນະໄດ້ລົງຕິດຕາມຊຸກຍູ້, ຫ້ອງການຍຸຕິທຳ 3 ເມືອງຄື: ເມືອງແບງ, ເມືອງຮຸນ, ເມືອງປາກແບງ.

ເປິດຊຸດຝຶກອົບຮົມກົດໝາຍ 45 ວັນໃຫ້ພະນັກງານຫຼັກແຫຼ່ງເມືອງ ນາໝໍ້

Submitted by xaiyphimphone on

          ໃນວັນທີ 20 ກໍລະກົດ 2021 ຢູ່ທີ່ ສະໂມສອນຂອງເມືອງ ນາໝໍ້ ແຂວງ ອຸດົມໄຊ ໄດ້ຈັດພິທີເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງອ້ອມຂ້າງເມືອງ. ໂດຍການເປັນປະທານຮ່ວມ ຂອງທ່ານ ໄຊພອນ ສີຈະເລີນ ຮອງເຈົ້າເມືອງ ນາໝໍ້ ແລະ ທ່ານ ສີຖານ ມະນີໄຊ ຮອງຫົວໜ້າພະແນກຍຸຕິທຳແຂວງ ອຸດົມໄຊ, ມີຄະນະພັກເມືອງ, ຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ ແລະ ພາກສ່ວນກ່ຽວຂ້ອງເຂົ້າຮ່ວມທັງໝົດ 62 ທ່ານ, ຍິງ 16 ທ່ານ.

ພະແນກຍຸຕິທໍາແຂວງ ອຸດົມໄຊ ສະຫຼູບວຽກງານຮອບດ້ານ 6 ເດືອນຕົ້ນປີ, ວາງທິດທາງແຜນການ 6 ເດືອນທ້າຍປີ 2021 ແລະ ມອບໃບຍ້ອງຍໍຜົນງານປະຈໍາປີ 2020

Submitted by xaiyphimphone on

          ໃນຕອນບ່າຍຂອງວັນທີ 16 ກໍລະກົດ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ອຸດົມໄຊ ໄດ້ຈັດກອງປະຊຸມສະຫຼູບ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2021, ພ້ອມທັງມອບໃບຍ້ອງຍໍຜົນງານປະຈໍາປີ 2020 ປະເພດ 1 ແລະ ປະເພດ 2 ຂອງພະແນກຍຸຕິທໍາຂື້ນໂດຍ ການເປັນປະທານຂອງທ່ານ ສອນສຸວັນ ປັນຍາວົງ ກໍາມະການພັກແຂວງ, ຫົວໜ້າພະແນກຍຸຕິທໍາ, ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ-ລັດຖະກອນເຂົ້າຮວມ 27 ທ່ານ, ຍິງ 9 ທ່ານ.

ຫ້ອງການຍຸຕິທຳເມືອງ ຫຼາ ລົງໂຄສະນາເຜີຍແຜ່ກົດໝາຍ ແລະ ເອກະສານສຳຄັນ ຢູ່ກຸ່ມອາໂນ

Submitted by xaiyphimphone on

          ໃນວັນທີ 07 ຫາວັນທີ 10 ກໍລະກົດ 2021 ຜ່ານມາ ທ່ານ ສົມໝາຍ ພູມມີສຸກ ຫົວໜ້າຫ້ອງການຍຸຕິທຳເມືອງ ຫຼາ ແຂວງ ອຸດົມໄຊ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ ແລະ ເອກະສານສຳຄັນ ຂອງຂະແໜງຍຸຕິທຳ ໃຫ້ປະຊາຊົນ ຢູ່ບ້ານ ປາກປູຍ, ບ້ານ ຕະໂລະລົ່ມ ແລະ ບ້ານ ມົກລະຫາງ ກຸ່ມອາໂນ; ມີ ເລຂາພັກບ້ານ - ນາຍບ້ານ ແລະ ປະຊາຊົນທັງສາມບ້ານເຂົ້າຮ່ວມຮັບຟັງທັງໝົດ 165 ຄົນ, ຍິງ 63 ຄົນ.

ຫ້ອງການຍຸຕິທຳເມືອງ ແບງ ລົງໂຄສະນາເຜີຍແຜ່ກົດໝາຍ ໃຫ້ກຸ່ມ ເທດສະບານ ແລະ ກຸ່ມນາປາ

Submitted by xaiyphimphone on

          ໃນວັນທີ 5-6 ມີຖຸນາ 2021 ນີ້ ທ່ານ ນາງ ອໍາພອນ ບໍລິວັນ ຮັກສາການ ຫົວໜ້າຫ້ອງການຍຸຕິທຳເມືອງ ແບງ ແຂວງ ອຸດົມໄຊ ພ້ອມດ້ວຍວິຊາການ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ ແລະ ເອກະສານສຳຄັນ ໃຫ້ປະຊາຊົນຢູ່ສອງກຸ່ມບ້ານ ຄື ກຸ່ມເທດສະບານ ແລະ ກຸ່ມນາປາ ກວມເອົາ 03 ບ້ານຄື: ບ້ານປາງທອງ, ບ້ານຊຽງແລ ແລະ ບ້ານ ຫວ້ຍຫົກ, ມີນາຍບ້ານ ແລະ ພໍ່ແມ່ປະຊາຊົນທັງ ສາມ ບ້ານເຂົ້າຮ່ວມທັງໝົດ 200 ຄົນ, ຍິງ 65 ຄົນ.

ຫ້ອງການຍຸຕິທຳເມືອງ ນາໜໍ້ ປະກາດການແຕ່ງຕັ້ງຫົວໜ້າ ແລະ ຮອງຫົວໜ້າ

Submitted by xaiyphimphone on

          ພິທີປະກາດການແຕ່ງຕັ້ງຫົວໜ້າ ແລະ ຮອງຫົວໜ້າຫ້ອງການຍຸຕິທຳເມືອງ ນາໜໍ້ ໄດ້ຈັດຂື້ນໃນວັນທີ 1 ກໍລະກົດ 2021 ທີ່ຜ່ານມານີ້ ທີ່ຫ້ອງປະຊຸມ ຫ້ອງການຍຸຕິທຳເມືອງ ນາໜໍ້ ແຂວງ ອຸດົມໄຊ ໂດຍການເປັນປະທານຮ່ວມຂອງທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ ແລະ ທ່ານ ໄກເພັດ ອີນພູວຽງ ຮອງເລຂາພັກເມືອງ, ມີບັນດາຫ້ອງການອ້ອມຂ້າງເມືອງ ແລະ ພະນັກງານ-ລັດຖະກອນ ພາຍໃນຫ້ອງການຍຸຕິທຳເມືອງ ນາໜໍ້ ເຂົ້າຮ່ວມຢ່າງພ້ອມພຽງ.

ເມືອງ ງາ ປິດຊຸດຝຶກອົບຮົມກົດໝາຍ 45 ວັນ

Submitted by xaiyphimphone on

          ໃນວັນທີ 25 ມີຖຸນາ 2021 ຜ່ານມາ ຢູ່ທີ່ ສະໂມສອນຂອງເມືອງ ງາ ແຂວງ ອຸດົມໄຊ ໄດ້ຈັດພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ II ປະຈຳປີ 2021 ຂຶ້ນ, ໂດຍການເປັນປະທານຮ່ວມ ຂອງທ່ານ ນາງ ມະນີຈັນ ວິໄລຈິດ ເຈົ້າເມືອງ ເມືອງ ງາ ແລະ ທ່ານ ບຸນຈັນ ສີບຸນຕາ ຮອງຫົວໜ້າພະແນກຍຸຕິທຳແຂວງ ອຸດົມໄຊ, ມີຄະນະພັກເມືອງ, ຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ, ຄະນະຮັບຜິດຊອບ, ຄູ-ອາຈານ ແລະ ນັກຝຶກອົບຮົມເຂົ້າຮ່ວມທັງໝົດ 67 ທ່ານ, ຍິງ 5 ທ່ານ.

ຫ້ອງການຍຸຕິທໍາເມືອງ ຮຸນ ປະກາດການແຕ່ງຕັ້ງຫົວໜ້າໜ່ວຍງານ

Submitted by xaiyphimphone on

          ພິທີປະກາດແຕ່ງຕັ້ງຫົວໜ້າໜ່ວຍງານ ໄດ້ຈັດຂຶ້ນ ວັນທີ 30 ມິຖຸນາ 2021 ຜ່ານມາ ຢູ່ທີ່ຫ້ອງປະຊຸມ ຫ້ອງການຍຸຕິທຳເມືອງ ຮຸນ ແຂວງ ອຸດົມໄຊ ໂດຍການເປັນປະທານຂອງ ທ່ານ ຄຳກອງ ຕິດຕະວົງ ກຳມະການພັກເມືອງ ຫົວໜ້າຄະນະຈັດຕັ້ງເມືອງຮຸນ, ມີທ່ານ ວິໄຊເຮີ ພັນດາລີ ຫົວໜ້າຫ້ອງການຍຸຕິທຳເມືອງ ຮຸນ ພ້ອມດ້ວຍພະນັກງານ-ລັດຖະກອນເຂົ້າຮ່ວມທັງໝົດ 13 ທ່ານ, ຍິງ 4 ທ່ານ.

ຫ້ອງການຍຸຕິທຳເມືອງ ຮຸນ ລົງໂຄສະນາເຜີຍແຜ່ເອກະສານສໍາຄັນໃຫ້ກຸ່ມ ນາຊຽງດີ ແລະ ນໍ້າຢືງ

Submitted by xaiyphimphone on

          ໃນວັນທີ 22 ມິຖຸນາ 2021 ຜ່ານມາ ທ່ານ ພອນປະເສີດ ພັນທະວົງ ຮອງຫົວໜ້າຫ້ອງການຍຸຕິທຳ ເມືອງ ຮຸນ ແຂວງ ອຸດົມໄຊ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາເຜີຍແຜ່ເອກະສານສໍາຄັນ ຂອງຂະແໜງຍຸຕິທໍາ ໃຫ້ປະຊາຊົນ ຢູ່ກຸ່ມບ້ານ ນາຊຽງດີ ແລະ ບ້ານ ນໍ້າຢືງ ມີ ພະນັກງານ-ລັດຖະກອນຈາກຫ້ອງການຍຸຕິທໍາເມືອງ, ນາຍບ້ານ ແລະ ປະຊາຊົນທັງສອງບ້ານເຂົ້າຮ່ວມຮັບຟັງທັງໝົດ 74 ຄົນ, ຍິງ 36 ຄົນ.

ພະແນກຍຸຕິທຳແຂວງ ອຸດົມໄຊ ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI

Submitted by xaiyphimphone on

          ໃນວັນທີ 22 ມິຖຸນາ 2021 ພະແນກຍຸຕິທຳແຂວງ ອຸດົມໄຊ ໄດ້ຈັດພິທີເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ XI (2021-2025), ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງແຂວງ ອຸດົມໄຊ (2021-2025) ແລະ ບາງຜົນສໍາເລັດກອງປະຊຸມໃຫຍ່ຂອງສະພາປະຊາຊົນແຂວງ ຊຸດທີ II ໂດຍການເປັນປະທານ ແລະ ເຜີຍແຜ່ເອກະສານ ຂອງ ທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ ອຸດົມໄຊ,​ ມີຄະພະແນກ, ສະມະຊິກພັກ, ພະນັກງານ-ລັດຖະກອນພາຍໃນພະແນກເຂົ້າຮ່ວມ 27 ທ່ານ, ຍິງ 9 ທ່ານ.

Pages