ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ບໍລິຄຳໄຊ ສະຫຼຸບ ແລະ ຖອດຖອນບົດຮຽນການລົງຝຶກງານຂອງນັກສຶກສາ

          ໃນວັນທີ 31 ມີນາ 2021 ຜ່ານມາ ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ບໍລິຄຳໄຊ ໄດ້ເປີດກອງປະຊຸມສະຫລຸບຕີລາຄາການລົງຝຶກງານຂອງນັກສຶກສາທີ່ມາຈາກສະຖາບັນຍຸຕິທຳແຫ່ງຊາດລະບົບຊັ້ນສູງ 3 ປີ ສົກຮຽນ 2020-2021 ຈຳນວນ 12 ທ່ານ, ຍິງ 5 ທ່ານ. ໂດຍການເປັນປະທານຮ່ວມຂອງ ທ່ານ ບົວພັນ ຈັນທະວິລຸນ ຮອງຫົວໜ້າພະແນກຍຸຕິແຂວງ ບໍລິຄຳໄຊ ແລະ ທ່ານ ບຸນຕາ ສ.ຜາບມີໄຊ ຫົວໜ້າສະຖາບັນຍຸຕິທຳແຫ່ງຊາດ ມີອາຈານ , ພະນັກງານ ແລະ ນັກສຶກສາຝຶກງານເຂົ້າຮ່ວມ.

ພະແນກຍຸຕິທໍາແຂວງ ບໍລິຄຳໄຊ ປາຖະກະຖາວັນແມ່ຍິງສາກົນຄົບຮອບ 111 ປີ

          ໃນວັນທີ 17 ມີນາ 2021 ພະແນກຍຸຕິທໍາແຂວງ ບໍລິຄຳໄຊ ໄດ້ຈັດພິທີປາຖະກະຖາວັນແມ່ຍິງສາກົນ ຄົບຮອບ 111 ປີ ( 8/3/ 1910 - 8/3/2021) ໂດຍການເປັນປະທານຂອງທ່ານ ປອ ນາງວິໄລ ພິລາວົງ ເລຂາໜ່ວຍພັກ ວ່າການຫົວໜ້າພະແນກຍຸຕິທໍາແຂວງ ບໍລິຄຳໄຊ, ມີຄະນະພັກ, ຄະນະພະແນກ, ຄະນະໜ່ວຍສະຫະພັນແມ່ຍິງ, ອົງການຈັດຕັ້ງມະຫາຊົນ ແລະ ສະມາຊິກແມ່ຍິງພາຍໃນພະແນກເຂົ້າຮ່ວມທັງໜົດ 26 ທ່ານ;

ຊາວໜຸ່ມພະແນກຍຸຕິທຳແຂວງ ບໍລິຄຳໄຊ ສ້າງຂະບວນການອອກແຮງານ ຕ້ອນຮັບວັນສຳຄັນຕ່າງໆ

          ໃນວັນທີ 12 ມີນາ 2021 ຊາວໜຸ່ມຮາກຖານພະແນກຍຸຕິທໍາແຂວງ ບໍລິຄຳໄຊ ໄດ້ສ້າງຂະບວນການອອກແຮງງານລວມພາຍໃນສະຖານທີ່ເຮັດວຽກຂອງຕົນ ນໍາພາໂດຍ ສະຫາຍ ບຸນເລີດ ລັດທະພອນ ເລຂາຊາວໜຸ່ມ ມີສະມາຊິກຊາວໜຸ່ມພາຍໃນພະແນກຍຸຕິທຳເຂົ້າຮ່ວມຢ່າງພ້ອມພຽງ.

ພະແນກຍຸຕິທໍາແຂວງ ບໍລິຄຳໄຊ ຮ່ວມລົງນາມເຊັນສັນຍາຮ່ວມກັບບໍລິສັດ ສີຄໍາຈະເລີນ

          ໃນວັນທີ 9 ມີນາ 2021 ຢູ່ທີ່ຫ້ອງປະຊຸມ ພະແນກຍຸຕິທຳແຂວງ ໄດ້ຈັດໃຫ້ພິທີເຊັນບົດບັນທຶກສັນຍາການສືບຕໍ່ກໍ່ສ້າງອາຄານ ແລະ ສາງເກັບຂອງກາງຄະດີ ພະແນກຍຸຕິທຳແຂວງ ກັບບໍລິສັດ ສີຄຳຈະເລີນ ຈຳກັດຜູ້ດຽວ. ໂດຍການເປັນປະທານຂອງ ທ່ານ ເລື່ອນວິໄລ ຈັນທະລາພັນ ຄະນະປະຈໍາພັກແຂວງ ຜູ້ຊີ້ນຳວຽກງານຂົງເຂດຕຸລາການ ເຂົ້າຮ່ວມມີ ທ່ານສີຄຳ ວິທະຍາ ຫົວໜ້າບໍລິສັດ ສີຄຳຈະເລີນ ຈຳກັດຜູ້ດຽວ ພ້ອມດ້ວຍ ທ່ານ ນາງ ປອ. ວິໄລ ພິລະວົງ ວ່າການຫົວໜ້າພະແນກຍຸຕິທຳແຂວງ ມີຄະນະພັກ-ຄະນະພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ພະແນກຍຸຕິທຳແຂວງ ລົງຊຸກຍູ້ວຽກງານວິຊາສະເພາະຢູ່ຫ້ອງການຍຸຕິທຳເມືອງ 4 ເມືອງຂອງແຂວງບໍລິຄໍາໄຊ

          ເພື່ອເຮັດໃຫ້ວຽກງານພາຍໃນຂົງເຂດຍຸຕິທໍາຢູ່ທ້ອງຖິ່ນມີຄວາມເຂັ້ມແຂງໃນທຸກດ້ານ ໃນວັນທີ 12–14 ມັງກອນ 2021 ຜ່ານມານີ້ ທ່ານ ປອ ນາງ ວິໄລ ພິລາວົງ ວ່າການຫົວໜ້າພະແນກຍຸຕິທຳແຂວງ ພ້ອມດ້ວຍບັນດາຫົວໜ້າຂະແໜງ, ຮອງຫົວໜ້າຂະແໜງການທີ່ກ່ຽວຂ້ອງ ໄດ້ລົງເຄື່ອນໄຫວເຮັດວຽກຮ່ວມກັບພະນັກງານຫ້ອງການຍຸຕິທໍາເມືອງ ບໍລິຄັນ, ເມືອງ ວຽງທອງ, ເມືອງ ຄໍາເກີດ ແລະ ເມືອງ ປາກກະດິງ ເພື່ອຊຸກຍູ້ວຽກງານວິຊາສະເພາະບາງໜ່ວຍງານຈົ່ງເອົາໃຈໃສ່ປະຕິບັດຢ່າງເຂັ້ມງວດຕໍ່ໜ້າທີ່ ທີ່ໄດ້ຮັບມອບໝາຍ.

ພະແນກຍຸຕິທຳແຂວງ ບໍລິຄຳໄຊ ສະຫຼຸບວຽກງານປະຈໍາເດືອນ

ໃນວັນທີ 8 ທັນວາ 2020 ນີ້ ພະແນກຍຸຕິທຳແຂວງ ບໍລິຄຳໄຊ ໄດ້ຈັດກອງປະຊຸມ ປືກສາຫາລືກ່ຽວກັບວຽກງານວິຊາສະເພາະປະຈຳເດືອນຂອງຕົນຂຶ້ນ ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍລິຄໍາໄຊ ໂດຍການເປັນປະທານຂອງ ທ່ານ ປອ ນ. ວິໄລ ພິລາວົງ ວ່າການຫົວໜ້າພະແນກຍຸຕິທຳແຂວງ ບໍລິຄຳໄຊ ມີຄະນະພະແນກ, ຫົວໜ້າຂະແໜງ ແຕ່ລະຂະແໜງພາຍໃນພະແນກເຂົ້າຮ່ວມ.

ກອງປະຊຸມໄດ້ຮັບຟັງການລາຍງານກ່ຽວກັບ ການຈັດຕັ້ງປະຕິບັດວຽກງານ ປະຈຳເດືອນ ທັນວາ 2020 ແລະ ທິດທາງແຜນການ ປະຈໍາເດືອນ ມັງກອນ 2021 ຂອງບັນດາຂະແໜງການ ຊຶ່ງໄດ້ຍົກໃຫ້ເຫັນດ້ານດີ ຜົນງານທີ່ຍາດມາໄດ້ ແລະ ດ້ານອ່ອນ, ຂໍ້ຄົງຄ້າງທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ.

ພະແນກຍຸຕິທຳແຂວງ ບໍລິຄຳໄຊ ທາບທາມຮ່າງຂໍ້ຕົກລົງ

ໃນຕອນເຊົ້າວັນທີ 26 ພະຈິກ 2020 ຢູ່ທີ່ຫ້ອງປະຊຸມ ພະແນກຍຸຕິທຳແຂວງ ບໍລິຄຳໄຊ ໄດ້ຜ່ານຮ່າງນິຕິກຳ ກ່ຽວກັບ ຂໍ້ຕົກລົງ ວ່າດ້ວຍ ນະໂຍບາຍ ແລະ ລາຄາຫົວໜ່ວຍທົດແທນ ຕໍ່ຊັບສິນທີ່ໄດ້ຮັບຜົນກະທົບຈາກໂຄງການປັບປຸງ ແລະ ສ້ອມແປງທາງຫຼວງແຫ່ງຊາດ ເລກທີ 13 ໄຕ້ ແຂວງ ບໍລິຄຳໄຊ ໃຫ້ກຽດເປັນປະທານໂດຍ ທ່ານ ຄຳຜັນ ສິດໄຊຍະສານ ຮອງຫົວໜ້າພະແນກຍຸຕິທຳ ຜູ້ຊີ້ນຳວຽກນິຕິກຳ ພະແນກຍຸຕິທຳແຂວງ ມີທ່ານ ທອງດອມ ຈັນທະລາ ຮອງຫົວໜ້າພະແນກ ສະຖາບັນຄົ້ນຄ້ວາໂຍທາທິການ ແລະ ຂົນສົ່ງ ກະຊວງໂຍທາທິການ ແລະ ການຂົນສົ່ງ ພ້ອມດ້ວຍຄະນະຮັບຜິດຊອບຂັ້ນແຂວງ ແລະ ຫົວໜ້າ, ຮອງຫົວໜ້າຂະແໜງພາຍໃນພະແນກຍຸຕິທຳແຂວງ ບໍລິຄຳໄຊເຂົ້າຮ່ວມຈຳນວນ 13 ທ່ານ, ຍິງ 03 ທ່ານ.

ພະແນກຍຸຕິທຳແຂວງ ບໍລິຄຳໄຊ ກະກຽມປະເມີນພະນັກງານ - ລັດຖະກອນ ປະຈໍາປີ 2020

ໃນວັນທີ 24 ພະຈິກ 2020 ທີ່ຜ່ານມາ ພະແນກຍຸຕິທຳແຂວງ ບໍລິຄຳໄຊ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດໜ້າທີ່ວຽກງານຂອງພະນັກງານ-ລັດຖະກອນປະຈໍາປີ 2020 ຂຶ້ນໂດຍການເປັນປະທານຂອງ ທ່ານ ຄຳຜັນ ສິດໄຊຍະສານ ຮອງຫົວໜ້າພະແນກຸຕິທຳແຂວງ ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ວິຊາການພາຍໃນພະແນກຍຸຕິທຳເຂົ້າຮ່ວມທັງໝົດ 36 ທ່ານ, ຍິງ 12 ທ່ານ.

Pages