ຂ່າວການເຄື່ອນໄຫວ ແລະ ບົດຄວາມອື່ນໆ

ຫ້ອງການຍຸຕິທໍາເມືອງ ເມິງ ແຂວງ ບໍ່ແກ້ວ ເຜີຍແຜ່ເຊື່ອມຊຶມ ບາງເອກະສານທີ່ສໍາຄັນຂອງຂະແໜງວຽກງານຍຸຕິທໍາ

ໃນຕອນເຊົ້າຂອງວັນທີ 12 ພະຈິກ 2020 ຢູ່ທີ່ຫ້ອງປະຊຸມຫ້ອງການຍຸຕິທຳເມືອງ ເມິງ ແຂວງ ບໍ່ແກ້ວ ໄດ້ຈັດກອງປະຊຸມເຜີຍແຜ່ເຊື່ອມຊຶມ ເອກະສານທີ່ສໍາຄັນຂອງຂະແໜງການຍຸຕິທຳ ໂດຍການເປັນປະທານຂອງ ທ່ານ ທອງລຸນ ວິໄລທອງ ຫົວໜ້າຫ້ອງການຍຸຕິທຳເມືອງ ເມີງ, ມີ ທ່ານຮອງຫົວໜ້າຫ້ອງການຍຸຕິທຳ, ບັນດາຫົວໜ້າໜ່ວຍງານ, ຮອງໜ່ວຍງານ ແລະ ພະນັກງານວິຊາການຫ້ອງການຍຸຕິທໍາເຂົ້າຮ່ວມ.

ຮອງຫົວໜ້າພະແນກຍຸຕິທຳ ຂຶ້ນຫ້ອງສອນກົດໝາຍໄລຍະສັ້ນ 45 ວັນ ຢູ່ເມືອງ ຫ້ວຍຊາຍ ແຂວງ ບໍ່ແກ້ວ

ໃນວັນທີ 21-22 ຕຸລາ 2020 ທ່ານ ວິພົງ ບົວອາໄພ ຮອງຫົວໜ້າພະແນກຍຸຕິທຳແຂວງ ບໍ່ແກ້ວ ໄດ້ຂຶ້ນຫ້ອງສິດສອນກົດໝາຍໄລຍະສັ້ນ 45 ວັນ ຢູ່ເມືອງ ຫ້ວຍຊາຍ ແຂວງ ບໍ່ແກ້ວ, ໃຫ້ແກ່ນັກຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ I ຂອງເມືອງ ຊຶ່ງເປັນຊຸດທີ X ຂອງແຂວງ ມີນັກຝຶກອົບຮົມເຂົ້າຮ່ວມທັງໝົດ 51 ທ່ານ, ຍິງ 9 ທ່ານ;

ພະແນກຍຸຕິທຳແຂວງ ບໍ່ແກ້ວ ມອບ LCD ແລະ ເຄື່ອງສຽງ ໃຫ້ຫ້ອງການຍຸຕິທຳເມືອງ

ໃນຕອນເຊົ້າຂອງວັນທີ 16 ຕຸລາ 2020 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໄດ້ມີການມອບ LCD ແລະ ເຄື່ອງສຽງ ໃຫ້ແກ່ຫ້ອງການຍຸຕິທຳເມືອງ 3 ເມືອງ: ເມືອງ ປາກທາ, ເມືອງ ຕົ້ນເຜິ້ງ ແລະ ເມືອງ ເມິງ ໂດຍໃຫ້ກຽດມອບໂດຍທ່ານ ຄຳຫຼ້າ ອຸດທະຍອດ ກຳມະການພັກແຂວງ ຫົວໜ້າພະແນກຍຸຕິທຳແຂວງ ແລະ ຮັບໂດຍ ບັນດາຫົວໜ້າຫ້ອງການຍຸຕິທຳເມືອງ 3 ເມືອງ, ມີຮອງຫົວໜ້າພະແນກ, ບັນດາຫົວໜ້າຫ້ອງການຍຸຕິທຳເມືອງ, ຫົວໜ້າຂະແໜງ, ຮອງຫົວໜ້າຂະແໜງ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ພິທີ ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງເມືອງ ຫ້ວຍຊາຍ ແຂວງ ບໍ່ແກ້ວ

ໃນວັນທີ 15 ຕຸລາ 2020 ຜ່ານມານີ້ ຢູ່ທີ່ສູນຝຶກອົບຮົມຂອງເມືອງ ຫ້ວຍຊາຍ ແຂວງ ບໍ່ແກ້ວ ໄດ້ຈັດພິທີເປີດຊຸດຝຶກອົບຮົມກົດໝາຍຂັ້ນພື້ນຖານລະບົບບໍາລຸງໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງ ແລະ ພະນັກງານສືບທອດຂອງເມືອງ ຫ້ວຍຊາຍ ຊຸດທີ I ປະຈໍາປີ 2020 ຂຶ້ນ ໂດຍການເປັນປະທານຂອງ ທ່ານ ຈອມສີ ລັດຕະນະປັນ ຄະນະປະຈໍາພັກແຂວງ ຮອງເຈົ້າແຂວງ ບໍ່ແກ້ວ, ເຂົ້າຮ່ວມມີ ທ່ານ ຫົງແກ້ວ ວິໄນວົງ ກໍາມະການພັກແຂວງ, ເລຂາພັກເມືອງ, ເຈົ້າເມືອງ ຫ້ວຍຊາຍ ແລະ ທ່ານ ຄໍາຫຼ້າ ອຸດທະຍອດ ກໍາມະການພັກແຂວງ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງ ບໍ່ແກ້ວ ມີບັນດາຄະນະປະຈໍາພັກ, ກໍາມະການພັກເມືອງ, ຫົວໜ້າຫ້ອງການ, ແຂກຖືກເຊີນ, ຄູຝຶກ ແລະ ນັກຝຶກອົບຮົມເຂົ້າຮ່ວມທັ

ກໍາມະບານຮາກຖານພະແນກຍຸຕິທຳແຂວງ ບໍ່ແກ້ວ ເອົາໃຈໃສ່ຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ

ກໍາມະບານຮາກຖານພະແນກຍຸຕິທຳແຂວງ ບໍ່ແກ້ວໄດ້ເອົາໃຈໃສ່ຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າເຫັນວ່າມີຄວາມສຳເລັດຫຼາຍດ້ານ ດັ່ງນັ້ນ, ການປະເມີນຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າຈຶ່ງໄດ້ເປີດກອງປະຊຸມຂຶ້ນໃນຕອນເຊົ້າຂອງວັນທີ 14 ຕຸລາ 2020 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໂດຍການເປັນປະທານຂອງ ສະຫາຍ ສຸລິເດດ ບັນດາກອນ ປະທານກຳມະບານຮາກຖານພະແນກຍຸຕິທຳແຂວງ, ເປັນກຽດເຂົ້າຮ່ວມຂອງສະຫາຍ ຄຳຫຼ້າ ອຸດທະຍອດ ກໍາມະການພັກແຂວງ, ເລຂາໜ່ວຍພັກ, ຫົວຫນ້າພະແນກຍຸຕິທຳແຂວງ ແລະ ສະມາຊິກກໍາມະບານພາຍໃນພະແນກເຂົ້າຮ່ວມຢ່າງພ້ອມພຽງ.

ຜັນຂະຫຍາຍຜົນສຳເລັດກອງປະຊຸມວຽກງານຍຸຕິທຳທົ່ວປະເທດຕິດພັນກັບການລົງຊຸກຍູ້ວຽກງານວິຊາສະເພາະຢູ່ເມືອງ ຜາອຸດົມ ແຂວງ ບໍ່ແກ້ວ.

ໃນຕອນບ່າຍຂອງວັນທີ 24 ກັນຍາ 2020 ທ່ານ ຄຳຫຼ້າ ອຸດທະຍອດ, ເລຂາໜ່ວຍພັກ, ກຳມະການພັກແຂວງ, ຫົວໜ້າພະແນກຍຸຕິທໍາແຂວງ ບໍ່ແກ້ວ, ພ້ອມດ້ວຍຄະນະໄດ້ລົງຈັດຕັ້ງຜັນຂະຫຍາຍຜົນສຳເລັດຂອງກອງປະຊຸມວຽກງານຍຸຕິທຳທົ່ວປະເທດ ປະຈຳປີ 2019 ຢູ່ເມືອງ ຜາອຸດົມ, ໂດຍມີທ່ານ ຫົວໜ້າຫ້ອງການຍຸຕິທໍາເມືອງ ຜາອຸດົມ ພ້ອມດ້ວຍຄະນະ ແລະ ພະນັກງານ-ລັດຖະກອນເຂົ້າຮ່ວມທັງໝົດຈໍານວນ 11 ທ່ານ ຍິງ 03 ທ່ານ.

ໜ່ວຍຊາວໜຸ່ມພະແນກຍຸຕິທໍາແຂວງ ບໍ່ແກ້ວ ປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2020.

ໃນຕອນບ່າຍຂອງວັນທີ 22 ກັນຍາ 2020 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໜ່ວຍຊາວໜຸ່ມ ພະແນກຍຸຕິທໍາແຂວງ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2020 ຂຶ້ນໂດຍເປັນປະທານ ສະຫາຍ ນາງ ສີພອນ ແອ່ນວິໄລ ເລຂາໜ່ວຍຊາວໜຸ່ມພະແນກຍຸຕິທຳແຂວງ, ໂດຍການເຂົ້າຮ່ວມຂອງ ສະຫາຍ ນາງ ສາຄອນ ບານຸວົງ ກຳມະການໜ່ວຍພັກ, ຫົວໜ້າຂະແໜງສົ່ງເສີມວຽກງານຍຸຕິທຳ, ຜູ້ຊີ້ນຳວຽກງານອົງການຈັດຕັ້ງມະຫາຊົນພ້ອມດ້ວຍຊາວໜຸ່ມພາຍໃນພະແນກ.

ໜ່ວຍຊາວໜຸ່ມພະແນກຍຸຕິທຳແຂວງ ບໍ່ແກ້ວ ເຊື່ອມຊຶມຜົນສຳເລັດກອງປະຊຸມໃຫຍ່ຜູ້ແທນຊາວໜຸ່ມ ປະຊາຊົນ ປະຕິວັດລາວ ທົ່ວແຂວງ ບໍ່ແກ້ວ ຄັ້ງທີ VII.

ໃນຕອນບ່າຍຂອງວັນທີ 15 ກັນຍາ 2020 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໄດ້ເຜີຍແຜ່ຜົນສໍາເລັດຂອງກອງປະຊຸມໃຫຍ່ຜູ້ແທນຊາວໜຸ່ມ ປະຊາຊົນ ປະຕິວັດລາວ ທົ່ວແຂວງບໍ່ແກ້ວ ຄັ້ງທີ VII. ໂດຍການ ເປັນປະທານ ຂອງ ສະຫາຍ ນາງ ສີພອນ ແອ່ນໄລ ເລຂາໜ່ວຍຊາວໜຸ່ມພະແນກຍຸຕິທຳແຂວງ ບໍ່ແກ້ວ ໃຫ້ກຽດເຂົ້າຮ່ວມຂອງ ສະຫາຍ ນາງ ສາຄອນ ບານຸວົງ, ກຳມະການໜ່ວຍພັກ ( ຜູ້ຊີ້ນຳວຽກງານອົງການຈັດຕັ້ງມະຫາຊົນ ) ແລະ ມີບັນດາສະມາຊິກຊາວໜຸ່ມພາຍໃນໜ່ວຍເຂົ້າຮ່ວມຢ່າງພ້ອມພຽງ.

ຜັນຂະຫຍາຍຜົນສຳເລັດກອງປະຊຸມວຽກງານຍຸຕິທຳທົ່ວປະເທດ ຕິດພັນກັບການລົງຊຸກຍູ້ວຽກງານວິຊາສະເພາະຢູ່ຂັ້ນເມືອງ ທີ່ ແຂວງ ບໍ່ແກ້ວ.

ໃນຕອນບ່າຍຂອງວັນທີ 14 ກັນຍາ 2020 ທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທໍາແຂວງ ບໍ່ແກ້ວ ພ້ອມດ້ວຍຄະນະ ໄດ້ລົງຈັດຕັ້ງຜັນຂະຫຍາຍຜົນສຳເລັດຂອງກອງປະຊຸມວຽກງານຍຸຕິທຳທົ່ວປະເທດ ປະຈຳປີ 2019 ຢູ່ເມືອງ ຫ້ວຍຊາຍ, ມີທ່ານຫົວໜ້າຫ້ອງການຍຸຕິທໍາເມືອງ ຫ້ວຍຊາຍ ພ້ອມດ້ວຍຄະນະ ແລະ ພະນັກງານ-ລັດຖະກອນເຂົ້າຮ່ວມທັງໝົດຈໍານວນ 15 ທ່ານ ຍິງ 4 ທ່ານ.

ພະແນກຍຸຕິທໍາແຂວງ ບໍ່ແກ້ວ ສ້າງຂະບວນການອອກແຮງານເພື່ອຕ້ອນຮັບກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງ.

ໃນວັນທີ 10-11 ກັນຍາ 2020 ພະນັກງານ-ລັດຖະກອນພາຍໃນພະແນກຍຸຕິທໍາແຂວງ ບໍ່ແກ້ວ ໄດ້ສ້າງຂະບວນການອອກແຮງງານລວມ ຕາມຂອບເຂດຄວາມຮັບຜິດຊອບຂອງຕົນ ນໍາພາໂດຍ ທ່ານ ຄຳຫຼ້າ ອຸດທະຍອດ ຫົວໜ້າພະແນກຍຸຕິທໍາແຂວງ ບໍ່ແກ້ວ ພ້ອມດ້ວຍຄະນະພັກ, ຄະນະພະແນກ ແລະ ພະນັກງານ-ລັດຖະກອນພາຍໃນພະແນກເຂົ້າຮ່ວມ 23 ຄົນ, ຍິງ 13 ຄົນ.

Pages