ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ສະຫວັນນະເຂດ ເອົາໃຈໃສ່ວຽກງານຍຸຕິທຳຮາກຖານ

          ໃນວັນທີ 22 ເມສາ 2022 ທ່ານ ມະນີວັນ ແກ້ວພິກຸນ ຮອງຫົວໜ້າພະແນກຍຸຕິທຳແຂວງ ສະຫວັນນະເຂດ ພ້ອມຄະນະ ລົງເຄື່ອນໄຫວຊຸກຍູ້ວຽກງານຮອບດ້ານຢູ່ ເມືອງ ຊົນນະບູລີ ໃນໂອກາດທີ່ລົງເຄື່ອນໄຫວໃນຄັ້ງນີ້ ທ່ານ ຮອງຫົວໜ້າພະແນກຍຸຕິທຳແຂວງ ໄດ້ເຂົ້າພົບ ທ່ານ ຮອງເລຂາພັກເມືອງ ເພື່ອແຈ້ງຈຸດປະສົງໃນການລົງເຄື່ອນໄຫວໃນຄັ້ງນີ້ໃຫ້ທ່ານຮັບຊາບ ໂດຍສະເພາະ 5 ກິດຈະກຳຫຼັກຂອງວຽກງານຍຸຕິທຳຮາກຖານ.

ພະແນກຍຸຕິທຳແຂວງ ສະຫວັນນະເຂດ ທາບທາມ ພະນັກງານນຳພາ-ຄຸ້ມຄອງ

          ໃນວັນທີ 21 ເມສາ 2022 ຢູ່ທີ່ຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ໄດ້ຈັດກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງ ພະແນກຍຸຕິທຳແຂວງ ສະຫວັນນະເຂດ ໂດຍການເປັນຄະນະປະທານຂອງທ່ານ ສີສະຫວາດ ເພັງທະລັງສີ ເລຂາໜ່ວຍພັກ ຫົວໜ້າພະແນກຍຸຕິທໍາ, ມີ ທ່ານ ມະນີວັນ ແກ້ວພິກຸນ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທໍາ, ທ່ານ ຄຳສິງ ເພັດໄຊຍະພອນ ກໍາມະການກວດກາພັກ ຮອງຫົວໜ້າພະແນກຍຸຕິທໍາ, ທ່ານ ສີສຸກ ເທບທານີ ຮອງຫົວໜ້າພະແນກຍຸຕິທໍາ ມີຫົວໜ້າ, ຮອງຫົວໜ້າຂະແໜງ, ສະມາຊິກພັກ ແລະ ພະນັກງານເຂົ້າຮ່ວມຈຳນວນ 45 ທ່ານ, ຍິງ 18 ທ່ານ.

ພະແນກຍຸຕິທຳແຂວງ ສະຫວັນນະເຂດ ເອົາໃຈໃສ່ວຽກງານຍຸຕິທຳຮາກຖານ

          ໃນລະຫວ່າງວັນທີ 5-8 ເມສາ 2022 ຜ່ານມາ ທ່ານ ສີສຸກ ເທບທານີ ຮອງຫົວໜ້າພະແນກຍຸຕິທຳແຂວງ ສະຫວັນນະເຂດ ພ້ອມຄະນະ ລົງເຄື່ອນໄຫວຊຸກຍູ້ວຽກງານຮອບດ້ານຢູ່ ເມືອງ ພີນ, ເມືອງ ວິລະບູລີ, ເມືອງ ເຊໂປ ແລະ ເມືອງ ນອງ. ໃນໂອກາດທີ່ລົງເຄື່ອນໄຫວໃນຄັ້ງນີ້ ທ່ານ ຮອງຫົວໜ້າພະແນກຍຸຕິທຳແຂວງ ໄດ້ເຂົ້າພົບ ທ່ານ ຮອງເລຂາພັກເມືອງ ເພື່ອແຈ້ງຈຸດປະສົງໃນການລົງເຄື່ອນໄຫວໃນຄັ້ງນີ້ໃຫ້ ທ່ານຮັບຊາບ ໂດຍສະເພາະ 5 ກິດຈະກຳຫຼັກຂອງວຽກງານຍຸຕິທຳຮາກຖານ.

ພະແນກຍຸຕິທຳແຂວງ ສະຫວັນນະເຂດ ຈັດຕັ້ງປາຖະກະຖາເລົ່າມູນເຊື້ອອັນສໍຳຄັນຂອງພັກ-ຂອງຊາດ ໃຫ້ພະນັກງານ-ລັດຖະກອນ

          ໃນຕອນເຊົ້າວັນທີ 29 ມີນາ 2022 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ສະຫວັນນະເຂດ ໄດ້ຮັບຟັງການເຜີຍແຜ່ເອກະສານສຳຄັນຊອງຊາດ ໂດຍການເປັນປະທານຂອງ ທ່ານ ສີສະຫວາດ ເພັງທະລັງສີ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ມີ ທ່ານ ຄຳສິງ ເພັດໄຊຍະພອນ ກຳມະການກວດກາພັກ ຮອງຫົວໜ້າພະແນກຍຸຕິທຳ ມີຄະນະພະແນກ, ຫົວໜ້າຂະແໜງ, ພະນັກງານ-ລັດຖະກອນ ພ້ອມດ້ວຍນັກສຶກສາກົດໝາຍທີ່ລົງຝຶກງານເຂົ້າຮ່ວມຈຳນວນ 45 ທ່ານ, ຍິງ 19 ທ່ານ.

ຫ້ອງການຍຸຕິທຳເມືອງ ອຸທຸມພອນ ສຳເລັດການຮຽນ-ການສອນກົດໝາຍໄລຍະສັ້ນ 45 ວັນ

          ໃນຕອນເຊົ້າວັນທີ 23 ມີນາ 2022 ທີ່ຜ່ານມາຢູ່ທີ່ສະໂມສອນເມືອງ ອຸທຸມພອນ ແຂວງ ສະຫວັນນະເຂດ ໄດ້ຈັດພິທີປິດຊຸດຝິກອົບຮົມກົດໝາຍ 45 ວັນ ຊຸດທີ VII ຂື້ນ ໂດຍການເປັນປະທານຂອງທ່ານ ແສນສັກ ພິມວົງສາ ກຳມະການພັກແຂວງ ເລຂາພັກເມືອງ ເຈົ້າເມືອງ ອຸທຸມພອນ, ທ່ານ ສີສະຫວາດ ເພັງທະລັງສີ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ທ່ານ ສົມສະໜິດ ດອນປະເສີດ ເລຂາຄະນະພັກ ຫົວໜ້າສະຖາບັນຍຸຕິທຳແຫ່ງຊາດ ສາຂາພາກກາງແຂວງ ສະຫວັນນະເຂດ, ມີຫ້ອງການອ້ອມຂ້າງເມືອງ, ຄູ, ອາຈານ ແລະ ນັກຝຶກອົບຮົມເຂົ້າຮ່ວມຈຳນວນ 80 ທ່ານ.

ພະແນກຍຸຕິທໍາແຂວງສະຫວັນນະເຂດຕ້ອນຮັບນັກສຶກສາລົງເຝິກງານ

          ໃນຕອນເຊົ້າວັນທີ 7ມີນາ2022 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ໄດ້ມີພິທີມອບ-ຮັບນັກສຶກສາມາຈາກສະຖາບັນຍຸຕິທຳແຫ່ງຊາດ ສາຂາແຂວງສະຫວັນນະເຂດ ລົງເຝິກງານ, ໃຫ້ກຽດເປັນປະທານ ແລະ ກ່າວຮັບໂດຍ ທ່ານ ສີສະຫວາດ ເພັງທະລັງສີ ຫົວໜ້າພະແນກຍຸຕິທຳແຂວງ, ກ່າວມອບໂດຍ ທ່ານ ອາຈານ ບຸນຊູ ເພັດສະຫວັນ ຮອງຫົວໜ້າສະຖາບັນຍຸຕິທຳແຫ່ງຊາດ ສາຂາແຂວງສະຫວັນນະເຂດ, ມີຄູອາຈານ, ຄະນະພະແນກ, ຫົວໜ້າຂະແໜງພ້ອມນັກສຶກສາລົງເຝິກງານເຂົ້າຮ່ວມຢ່າງພ້ອມພຽງ.

ພະແນກຍຸຕິທຳແຂວງ ສະຫວັນນະເຂດ ທາບທາມ ພະນັກງານນຳພາ-ຄຸ້ມຄອງ

          ໃນຕອນເຊົ້າວັນທີ 3 ມີນາ 2022 ຢູ່ທີ່ຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ໄດ້ຈັດກອງປະຊຸມຄົ້ນ ຄວ້າກຳນົດຕຳແໜ່ງງານຂັ້ນຮອງພະແນກ ແລະ ຫົວໜ້າພະແນກ ໂດຍການເປັນປະທານຂອງ ທ່ານ ບົວສອນ ມະຫາວົງ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ, ມີຫົວໜ້າ-ຮອງຫົວໜ້າພະແນກຍຸຕິທຳແຂວງ, ຈັດຕັ້ງແຂວງ, ພາຍໃນແຂວງ, ກວດກາພັກ-ລັດແຂວງ, ຫົວໜ້າ-ຮອງຫົວໜ້າຂະແໜງ-ສະມາຊິກພັກ ແລະ ແຂກຖືກເຊີນ.

ຮອງຫົວໜ້າພະແນກຍຸຕິທຳແຂວງ ສະຫວັນນະເຂດ ລົງຊຸກຍູ້ວຽກງານຍຸຕິທຳຮາກຖານ

           ໃນລະຫວ່າງວັນທີ 23-24 ກຸມພາ 2022 ທ່ານ ມະນີວັນ ແກ້ວພິກຸນ ຮອງຫົວໜ້າພະແນກຍຸຕິທຳແຂວງ ສະຫວັນນະເຂດພ້ອມຄະນະ ລົງເຄື່ອນໄຫວຊຸກຍູ້ວຽກງານຍຸຕິທຳຮາກຖານຢູ່ເມືອງ ສອງຄອນ ແລະ ເມືອງ ທ່າປາງທອງ. ໃນໂອກາດທີ່ລົງເຄື່ອນໄຫວໃນຄັ້ງນີ້ ທ່ານ ຮອງຫົວໜ້າພະແນກຍຸຕິທຳແຂວງ ໄດ້ເຂົ້າພົບ ທ່ານ ຮອງເລຂາພັກເມືອງ ເພື່ອແຈ້ງຈຸດ ປະສົງໃນການລົງເຄື່ອນໄຫວໃນຄັ້ງນີ້ໃຫ້ ທ່ານ ຮອງເຈົ້າເມືອງຮັບຊາບ ໂດຍສະເພາະ 5 ກິດຈະກຳຫຼັກຂອງວຽກງານຍຸຕິທຳຮາກຖານ.

ພະແນກຍຸຕິທຳແຂວງ ສະຫວັນນະເຂດ ເຊື່ອມຊຶມເອກະສານສຳຄັນ

          ໃນຕອນເຊົ້າວັນທີ 25 ກຸມພາ 2022, ຢູ່ທີ່ຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ໄດ້ຈັດກອງປະຊຸມເຊື່ອມຊຶມເອກະສານສຳຄັນໂດຍການເປັນປະທານຂອງ ສະຫາຍ ສີສະຫວາດ ເພັງທະລັງສີ ເລຂາໜ່ວຍພັກ-ຫົວໜ້າພະແນກຍຸຕິທໍາ, ມີ ສະຫາຍ ມະນີວັນ ແກ້ວພິກວນ ຮອງເລຂາໜ່ວຍພັກ-ຮອງຫົວໜ້າພະແນກຍຸຕິທໍາ ແລະ ບັນດາສະມາຊິກພັກ-ພະນັກງານ-ລັດຖະກອນ ພາຍໃນພະແນກເຂົ້າຮ່ວມຈຳນວນ 32 ສະຫາຍ, ຍິງ 16 ສະຫາຍ.

Pages