ຂ່າວການເຄື່ອນໄຫວ ແລະ ບົດຄວາມອື່ນໆ

ແຂວງ ຫຼວງນຳ້ທາ ປະກາດບ້ານແບບຢ່າງປະຕິບັດກົດໝາຍທີ່ ເມືອງ ຫຼວງນໍ້າທາ

          ໃນຕອນເຊົ້າ ຂອງວັນທີ 30 ມິນາ 2021 ທີ່ຜ່ານມາ ຢູ່ທີ່ ບ້ານ ນໍ້າຍາງ ເມືອງ ຫຼວງນໍ້າທາ ແຂວງ ຫຼວງນໍ້າທາ ໄດ້ຈັດພິທີປະກາດບ້ານແບບຢ່າງປະຕິບັດກົດໝາຍຂຶ້ນ ໂດຍການເປັນປະທານຮ່ວມຂອງ ທ່ານ ຫຼ້າປະເສີດ ສີປະເສີດ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງ ຫຼວງນໍ້າທາ ແລະ ທ່ານ ຄໍາເຜີຍ ບຸດດີ ຫົວໜ້າຫ້ອງການຍຸຕິທໍາເມືອງ ຫຼວງນໍ້າທາ. ມີຫົວໜ້າຫ້ອງ, ຮອງຫົວໜ້າຫ້ອງການພາຍໃນເມືອງ , ຄະນະພັກຮາກຖານບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ, ແຂກຖືກເຊີນ ພໍ່,ແມ່ ປະຊາຊົນພາຍໃນບ້ານ ແລະ ພະນັກງານ-ລັດຖະກອນ ຫ້ອງການຍຸຕິທໍາເມືອງ ເຂົ້າຮ່ວມທັງໝົດ 174 ທ່ານ, ຍິງ 28 ທ່ານ.

ສ້າງຄວາມເຂັ້ມແຂງວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານໄກ່ເກັ່ຍຂໍ້ຂັດແຍ່ງຂັ້ນບ້ານໃຫ້ພະນັກງານຫຼັກແຫຼ່ງສອງແຂວງພາກເໜືອ

          ໃນວັນທີ 15 ມີນາ 2021 ຢູ່ທີ່ຫ້ອງປະຊຸມຂອງຫ້ອງວ່າການປົກຄອງແຂວງ ຫຼວງນໍ້າທາ ໄດ້ເປີດຊຸດຝຶກອົບຮົມວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານໄກ່ເກັ່ຍຂໍ້ຂັດແຍ່ງຂັ້ນບ້ານຂຶ້ນ ໂດຍການເປັນປະທານຮ່ວມ ຂອງທ່ານ ເພັດສະຫວັນ ສີພົມມະຈັນ ຮອງຫົວໜ້າພະແນກຍຸຕິທໍາແຂວງ ຫຼວງນໍ້າທາ ແລະ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທໍາ ກະຊວງຍຸຕິທໍາ, ມີຜູ້ຕາງໜ້າ ຈາກ ມູນນິທິເອເຊຍ ປະຈໍາລາວ, ພະນັກງານ-ລັດຖະກອນ, ຫ້ອງການຍຸຕິທໍາແຂວງ ອຸດົມໄຊ ແລະ ພະນັກງານ-ລັດຖະກອນ ເມືອງ ສິງ ແລະ ເມືອງ ລອງ ແຂວງ ຫຼວງນໍ້າທາ ເຂົ້າຮ່ວມທັງໝົດ 40 ທ່ານ, ຍິງ 9 ທ່ານ.

ພະນັກງານ-ລັດຖະກອນພະແນກຍຸຕິທໍາ ແລະ ສານປະຊາຊົນແຂວງ ຫຼວງນໍ້າທາ ຮ່ວມແຮງຮ່ວມໃຈບໍລິຈາກເລືອດຊ່ວຍເຫຼືອສັງຄົມ.

          ຕອນເຊົ້າຂອງວັນທີ 24 ກຸມພາ 2021 ຢູ່ທີ່ພະແນກຍຸຕິທໍາແຂວງ ຫຼວງນໍ້າທາ ໄດ້ຈັດພິທີ ບໍລິຈາກເລືອດ ໂດຍການເປັນປະທານ ຂອງທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ ເຂົ້າຮ່ວມໃນພິທີ ມີ ທ່ານ ນາງ ຈັນສະໝອນ ສຸລິຍະວົງ ຕາງໜ້າສູນເລືອດ ປະຈໍາແຂວງຫຼວງນໍ້າທາ ພ້ອມດ້ວຍພະນັກງານແພດ, ມີພະນັກງານ-ລັດຖະກອນພະແນກຍຸຕິທໍາ ແລະ ສານປະຊາຊົນແຂວງເຂົ້າຮ່ວມ.

ພະແນກຍຸຕິທໍາ ແຂວງ ຫຼວງນໍ້າທາ ເປີດກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ

ໃນຕອນເຊົ້າຂອງວັນທີ 29 ທັນວາ 2020 ທີ່ຜ່ານມາ ຢູ່ທີ່ຫ້ອງປະຊຸມຂອງພະແນກຍຸຕິທໍາແຂວງ ຫຼວງນໍ້າທາ ໄດ້ຈັດກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂຶ້ນ ໂດຍການເປັນປະທານຂອງ ສະຫາຍ ນາງ ມາລີພອນ ນາບຸນແພງ ກໍາມະການພັກແຂວງ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງ. ມີຕາງໜ້າຈາກອົງການຈັດຕັ້ງພັກ ຄະນະຈັດຕັ້ງແຂວງ, ຄະນະໂຄສະນາອົບຮົມແຂວງ, ສະພາປະຊາຊົນແຂວງ, ສານປະຊາຊົນແຂວງ, ອົງການໄອຍະການປະຊາຊົນແຂວງ ແລະ ສະມາຊິກພັກ ພາຍໃນພະແນກຍຸຕິທໍາເຂົ້າຮ່ວມທັງໝົດ 32 ສະຫາຍ, ຍິງ 15 ສະຫາຍ

ບ້ານ ນໍ້າລື ເມືອງ ຫຼວງນໍ້າທາ ປະກາດບ້ານແບບຢ່າງປະຕິບັດກົດໝາຍ

ໃນຕອນເຊົ້າ ຂອງວັນທີ 28 ທັນວາ 2020 ຜ່ານມາ ຢູ່ທີ່ຫ້ອງການ ກຸ່ມບ້ານ ນໍ້າລື ເມືອງ ຫຼວງນໍ້າທາ ແຂວງ ຫຼວງນໍ້າທາ ໄດ້ຈັດພິທີປະກາດບ້ານແບບຢ່າງປະຕິບັດກົດໝາຍຂຶ້ນ ພາຍໃຕ້ການເປັນປະທານຂອງ ທ່ານ ສົມສະນິດ ຈັນທະຄໍາ ຮອງເຈົ້າເມືອງ ຫຼວງນໍ້າທາ ໂດຍການເຂົ້າຮ່ວມຂອງທ່ານ ເພັດສະຫວັນ ສີພົມມະຈັນ ຮອງຫົວໜ້າພະແນກຍຸຕິທໍາ ມີຫົວໜ້າຫ້ອງ, ຮອງຫົວໜ້າຫ້ອງການ ພ້ອມດ້ວຍພະນັກງານ-ລັດຖະກອນ ຂອງຫ້ອງການຍຸຕິທໍາເມືອງ ຫຼວງນໍ້າທາ, ຄະນະພັກຮາກຖານບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ, ແຂກຖືກເຊີນ ພໍ່, ແມ່ ປະຊາຊົນພາຍໃນບ້ານເຂົ້າຮ່ວມທັງໝົດ 346 ຄົນ, ຍິງ 119 ຄົນ.

ເມືອງ ຫຼວງນ້ຳທາ ປິດການຮຽນ-ການສອນ ກົດໝາຍ 45 ວັນ.

ໃນຕອນເຊົ້າວັນທີ 25 ພະຈີກ 2020 ຢູ່ທີ່ສະໂມສອນເມືອງ ຫຼວງນ້ຳທາ ແຂວງ ຫຼວງນຳ້ທາ ໄດ້ມີພິທີປິດຊຸດຝືກອົບຮົມ ການຮຽນ - ການສອນ ກົດໝາຍຂັ້ນພື້ນຖານລະບົບບຳລຸງ 45 ວັນ ຊຸດທີ II ໃຫ້ພະນັກງານຮາກຖານບ້ານ ແລະ ກຸ່ມທົ່ງປຸ່ງ, ເມືອງ ຫຼວງນໍ້າທາ, ແຂວງ ຫຼວງນ້ຳທາ ປະຈໍາປີ 2020 ໃຫ້ກຽດເປັນປະທານໂດຍ ທ່ານ ຄຳຫຼ້າ ແຫຼ່ງໄຊຍະທຳ ຮອງເລຂາພັກເມືອງ, ຮອງເຈົ້າເມືອງ ຫຼວງນ້ຳທາ ໃຫ້ກຽດເຂົ້າຮ່ວມໂດຍທ່ານ ເພັດສະຫັວນ ສີພົມມະຈັນ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍວິຊາການຈາກພະແນກຍຸຕິທຳແຂວງ, ມີກຳມະການພັກເມືອງ, ມີຫົວໜ້າຫ້ອງການຍຸຕິທໍາເມືອງ, ຮອງຫົວໜ້າຫ້ອງການ, ພະນັກງານວິຊາການຂອງເມືອງ, ຕະຫຼອດຮອດຄູ - ອາຈານ ແລະ ສໍາມະນາກອນເຂົ້າຮ່ວມ ທັງໝົດ 84

ພະແນກຍຸຕິທໍາແຂວງ ຫຼວງນໍ້າທາ ເຜີຍແຜ່ເຊື່ອມຊືມຜົນສໍາເລັດກອງປະຊຸມໃຫ່ຍ ຄັ້ງທີ VIII ຂອງຄະນະພັກແຂວງ.

ໃນວັນທີ 24 ພະຈິກ 2020 ຢູ່ທີ່ຫ້ອງປະຊຸມຂອງພະແນກຍຸຕິທໍາ ໄດ້ມີພິທີ ເຜີຍແຜ່ເຊື່ອມຊືມຜົນສໍາເລັດກອງປະຊຸມໃຫ່ຍຄັ້ງທີ VIII ຂອງອົງຄະນະພັກແຂວງ ຫຼວງນໍ້າທາ ຂຶ້ນ ໂດຍການເປັນປະທານຂອງ ສະຫາຍ ນາງ ມາລີພອນ ນາບຸນແພງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ ມີຄະນະໜ່ວຍພັກ, ສະມາຊິກພັກ ແລະ ພະນັກງານ-ລັດຖະກອນ ພາຍໃນພະແນກເຂົ້າຮ່ວມຢ່າງພ້ອມພຽງ

ເມືອງ ວຽງພູຄາ ແຂວງ ຫຼວງນໍ້າທາ ປິດການຮຽນ-ການສອນ ກົດໝາຍ ຂັ້ນພື້ນຖານລະບົບບຳລຸງ 25 ວັນ.

ໃນຕອນເຊົ້າວັນທີ 19 ພະຈີກ 2020 ຢູ່ທີ່ສະໂມສອນເມືອງ ວຽງພູຄາ, ແຂວງ ຫຼວງນໍ້າທາ ໄດ້ມີພິທີປິດຊຸດຝືກອົບຮົມ ການຮຽນ - ການສອນ ກົດໝາຍຂັ້ນພື້ນຖານລະບົບບຳລຸງ 45 ວັນ ຊຸດທີ່ II ໃຫ້ພະນັກງານຮາກຖານບ້ານ ແລະ ກຸ່ມບ້ານ ເມືອງ ວຽງພູຄາ, ແຂວງ ຫຼວງນໍ້າທາ ປະຈໍາປີ 2020 ຂື້ນ ໃຫ້ກຽດເປັນປະທານໂດຍ ທ່ານ ນາງ ຈັນຄຳ ທອງມີໄຊ ຮອງເລຂາພັກເມືອງ ປະທານແນວລາວສ້າງຊາດເມືອງ ໃຫ້ກຽດເຂົ້າຮ່ວມໂດຍ ທ່ານ ເພັດສະຫັວນ ສີພົມມະຈັນ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະ, ມີຫົວໜ້າຫ້ອງການຍຸຕິທໍາເມືອງ, ຮອງຫົວໜ້າຫ້ອງການ, ພະນັກງານວິຊາການ, ຕະຫຼອດຮອດຄູ - ອາຈານ ແລະ ສໍາມະນາກອນເຂົ້າຮ່ວມ ທັງໝົດມີ 78 ທ່ານ, ຍີງ 10 ທ່ານ.

ກອງປະຊຸມແລກປ່ຽນ ແລະ ຖອດຖອນບົດຮຽນວຽກງານຍຸຕິທຳ ແຂວງ ຫຼວງນໍ້າທາ

ໃນຕອນເຊົ້າຂອງວັນທີ່ 13 ພະຈີກ 2020 ຢູ່ທີສະໂມສອນເມືອງສີງ ແຂວງຫຼວງນໍ້າທາ ໄດ້ເປີດກອງປະຊຸມແລກປ່ຽນ ແລະ ຖອດຖອນບົດຮຽນ ວຽກງານຍຸຕິທຳ 5 ເມືອງຂຶ້ນ, ພາຍໃຕ້ການເປັນປະທານ ຂອງທ່ານ ສົມລິດ ພອນປະເສີດ ຮອງເລຂາພັກເມືອງ ຮອງເຈົ້າເມືອງ ສີງ, ມີທ່ານ ເພັດສະຫວັນ ຈິດດາລາ ຮອງເລຂາພັກເມືອງ ຮອງເຈົ້າເມືອງ ລອງ, ທ່ານ ເພັດສະຫັວນ ສີພົມມະຈັນ ຮອງຫົວໜ້າພະແນກຍຸຕິທຳ ພ້ອມດ້ວຍພະນັກງານ-ລັດຖະກອນ ພາຍໃນຫ້ອງການຍຸຕິທຳຂອງ 5 ເມືອງເຂົ້າຮ່ວມທັງໝົດ 34 ທ່ານ, ຍິງ 12 ທ່ານ.

Pages