ແຂວງ ອຸດົມໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ຫ້ອງການຍຸຕິທໍາເມືອງ ຮຸນ ປະກາດການແຕ່ງຕັ້ງຫົວໜ້າໜ່ວຍງານ

          ພິທີປະກາດແຕ່ງຕັ້ງຫົວໜ້າໜ່ວຍງານ ໄດ້ຈັດຂຶ້ນ ວັນທີ 30 ມິຖຸນາ 2021 ຜ່ານມາ ຢູ່ທີ່ຫ້ອງປະຊຸມ ຫ້ອງການຍຸຕິທຳເມືອງ ຮຸນ ແຂວງ ອຸດົມໄຊ ໂດຍການເປັນປະທານຂອງ ທ່ານ ຄຳກອງ ຕິດຕະວົງ ກຳມະການພັກເມືອງ ຫົວໜ້າຄະນະຈັດຕັ້ງເມືອງຮຸນ, ມີທ່ານ ວິໄຊເຮີ ພັນດາລີ ຫົວໜ້າຫ້ອງການຍຸຕິທຳເມືອງ ຮຸນ ພ້ອມດ້ວຍພະນັກງານ-ລັດຖະກອນເຂົ້າຮ່ວມທັງໝົດ 13 ທ່ານ, ຍິງ 4 ທ່ານ.

ຫ້ອງການຍຸຕິທຳເມືອງ ຮຸນ ລົງໂຄສະນາເຜີຍແຜ່ເອກະສານສໍາຄັນໃຫ້ກຸ່ມ ນາຊຽງດີ ແລະ ນໍ້າຢືງ

          ໃນວັນທີ 22 ມິຖຸນາ 2021 ຜ່ານມາ ທ່ານ ພອນປະເສີດ ພັນທະວົງ ຮອງຫົວໜ້າຫ້ອງການຍຸຕິທຳ ເມືອງ ຮຸນ ແຂວງ ອຸດົມໄຊ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາເຜີຍແຜ່ເອກະສານສໍາຄັນ ຂອງຂະແໜງຍຸຕິທໍາ ໃຫ້ປະຊາຊົນ ຢູ່ກຸ່ມບ້ານ ນາຊຽງດີ ແລະ ບ້ານ ນໍ້າຢືງ ມີ ພະນັກງານ-ລັດຖະກອນຈາກຫ້ອງການຍຸຕິທໍາເມືອງ, ນາຍບ້ານ ແລະ ປະຊາຊົນທັງສອງບ້ານເຂົ້າຮ່ວມຮັບຟັງທັງໝົດ 74 ຄົນ, ຍິງ 36 ຄົນ.

ພະແນກຍຸຕິທຳແຂວງ ອຸດົມໄຊ ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI

          ໃນວັນທີ 22 ມິຖຸນາ 2021 ພະແນກຍຸຕິທຳແຂວງ ອຸດົມໄຊ ໄດ້ຈັດພິທີເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ XI (2021-2025), ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງແຂວງ ອຸດົມໄຊ (2021-2025) ແລະ ບາງຜົນສໍາເລັດກອງປະຊຸມໃຫຍ່ຂອງສະພາປະຊາຊົນແຂວງ ຊຸດທີ II ໂດຍການເປັນປະທານ ແລະ ເຜີຍແຜ່ເອກະສານ ຂອງ ທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ ອຸດົມໄຊ,​ ມີຄະພະແນກ, ສະມະຊິກພັກ, ພະນັກງານ-ລັດຖະກອນພາຍໃນພະແນກເຂົ້າຮ່ວມ 27 ທ່ານ, ຍິງ 9 ທ່ານ.

ເມືອງ ຮຸນ ແຂວງ ອຸດົມໄຊ ໂຄສະນາເຜີຍແຜ່ ດໍາລັດ ແລະ ຄໍາແນະນໍາ ວ່າດ້ວຍການຊ່ວຍເຫຼືອທາງດ້ານກົດໝາຍ

          ໃນວັນທີ 28 - 30 ມີນາ 2011 ຜ່ານມາ ຫ້ອງການຍຸຕິທໍາ ເມືອງ ຮຸນ ແຂວງ ອຸດົມໄຊ ໄດ້ຈັດພິທີ ໂຄສະນາເຜີຍແຜ່ດໍາລັດ ສະບັບເລກທີ 77/ລບ, ລົງວັນທີ 28 ກຸມພາ 2018 ວ່າດ້ວຍການຊ່ວຍເຫຼືອທາງດ້ານກົດໝາຍ ໂດຍບໍ່ເສຍຄ່າ, ຄໍາແນະນໍາ ສະບັບເລກທີ 1077/ກຍ, ລົງວັນທີ 3 ກັນຍາ 2018 ວ່າດ້ວຍການຈັດຕັ້ງປະຕິບັດ ການຊ່ວຍເຫຼືອທາງດ້ານກົດໝາຍ, ການຊ່ວຍເຫຼືອທາງດ້ານກົດໝາຍ ເຄື່ອນທີ່, ເຜີຍແຜ່ຂໍ້ຕົກລົງສະບັບເລກທີ 2399/ກຍ, ລົງວັນທີ 7 ທັນວາ 2017 ຂອງກະຊວງຍຸຕິທໍາ ວ່າດ້ວຍການສ້າງຄອບຄົວ ແລະ ບ້ານແບບຢ່າງປະຕິບັດກົດໝາຍ ແລະ ແນະນໍາ ການແກ້ໄຂຂໍ້ຂັດແຍ່ງຂັ້ນບ້ານ ຢູ່ທີ່ກຸ່ມບ້ານ ໂພນໄຊ ມີບ້ານ ໂພນໄຊ ແລະ ບ້ານ ກະຕ່າງຢາ.

ເມືອງ ງາ ແຂວງ ອຸດົມໄຊ ຍົກລະດັບຄວາມຮູ້ທາງດ້ານກົດໝາຍ ໃຫ້ພະນັກງານຫຼັກແຫຼ່ງອ້ອມຂ້າງເມືອງ.

          ຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ II ຂອງເມືອງ ງາ ໄດ້ຈັດຂື້ນໃນຕອນເຊົ້າ ຂອງວັນທີ 29 ມີນາ 2021 ຢູ່ທີ່ ສະໂມສອນຂອງເມືອງ ໂດຍເປັນປະທານຮ່ວມ ຂອງ ທ່ານ ບຸນທີ ໄຊຍະວົງ ຮອງເລຂາພັກເມືອງ ປະທານກວດກາລັດ ສະມາຊິກສະພາປະຊາຊົນແຂວງ ແລະ ທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີຄະນະພັກເມືອງ, ຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ, ມີພະນັກງານວິຊາການ, ແຂກຖືກເຊີນ, ຄູຝຶກ ແລະ ຜູ້ເຂົ້າຮ່ວມຝຶກອົບຮົມ ເຂົ້າຮ່ວມທັງໝົດ 54 ທ່ານ, ຍິງ 7 ທ່ານ.

Pages