ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳ ແຂວງໄຊສົມບູນ ຈັດກອງປະຊຸມ ປະເມີນຜົນການຈັດຕັ້ງປະຕິບັດວຽກງານຂອງຄະນະພະແນກ ປະຈຳປີ 2020

          ໃນຕອນເຊົ້າຂອງວັນທີ 12 ມັງກອນ 2021  ພະແນກຍຸຕິທໍາແຂວງ ໄຊສົມບູນ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດວຽກງານຂອງຄະນະພະແນກຂຶ້ນ ຢູ່ທີ່ຫ້ອງປະຊຸມຂອງສານປະຊາຊົນແຂວງ ໂດຍການເປັນປະທານຂອງ ທ່ານ ບູນສຸກ ຈອມວິສານ ປະທານສະພາປະຊາຊົນແຂວງ ໄຊສົມບູນ, ຜູ້ຊີ້ນໍາວຽກຍຸຕິທໍາ, ມີຄະນະຮັບຜິດຊອບການປະເມີນຂັ້ນແຂວງ, ມີຫົວໜ້າ, ຄະນະພະແນກ ແລະ ຫົວໜ້າ-ຮອງຫົວໜ້າຂະແໜງພາຍໃນພະແນກຍຸຕິທຳເຂົ້າຮ່ວມທັງໝົດ 18 ທ່ານ, ຍິງ  3 ທ່ານ.

ໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ເປີດກອງປະຊຸມຈັດຕັ້ງເນື້ອໃນຂໍ້ແຂ່ງຂັນ 4 ບຸກ.

ໃນຕອນບ່າຍຂອງ 10 ທັນວາ 2020 ໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ໄດ້ເປີດກອງປະຊຸມຈັດຕັ້ງເນື້ອໃນຂໍ້ແຂ່ງຂັນ 4 ບຸກ ປະຈໍາປີ 2020 ຂອງຕົນຂຶ້ນ ຢູ່ທີ່ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວຂອງແຂວງ ໂດຍການເປັນປະທານຂອງ ສະຫາຍ ສຸກສັນ ຈັນທະວົງ ເລຂາໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ໃຫ້ກຽດເຂົ້າຮ່ວມໂດຍ ສະຫາຍ ລືຢ່າງ ຫວັງເຢັງ ຮອງເລຂາໜ່ວຍພັກ ພະແນກຍຸຕິທຳແຂວງ ໄຊສົມບູນ ມີສະຫາຍ ເຍ່ຍຊົ່ງ ຫວັງທ່າວ ເລຂາຄະນະບໍລິຫານງານຊາວໜຸ່ມແຂວງ, ຮອງເລຂາໜ່ວຍພັກ, ເລຂາໜ່ວຍຊາວໜຸ່ມຈາກສະພາປະຊາຊົນ, ອົງການໄອຍະການປະຊາຊົນ, ສານປະຊາຊົນ, ພະແນກການອ້ອມຂ້າງແຂວງ ພ້ອມດ້ວຍສະມາຊິກພາຍໃນພະແນກຍຸຕິທໍາເຂົ້າຮ່ວມ.

ຫ້ອງການຍຸຕິທໍາເມືອງ ທ່າໂທມ ແລະ ເມືອງ ອະນຸວົງ ແລກປ່ຽນບົດຮຽນຊຶ່ງກັນ ແລະ ກັນ

ໃນລະຫວ່າງວັນທີ 7-9 ທັນວາ 2020 ນີ້ ຢູ່ທີ່ຫ້ອງການຍຸຕິທໍາເມືອງ ທ່າໂທມ ໄດ້ຈັດກອງປະຊຸມແລກປ່ຽນບົດຮຽນສ້າງຄວາມເຂັ້ມແຂງໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ ລະຫວ່າງຫ້ອງການຍຸຕິທໍາເມືອງ ທ່າໂທມ ແລະ ຫ້ອງການຍຸຕິທໍາເມືອງ ອະນຸວົງ ແຂວງ ໄຊສົມບູນ ຂຶ້ນ ໂດຍການເປັນປະທານຮ່ວມຂອງທ່ານ ວົງຊິວ ສາຍສະຫວັນ ຫົວໜ້າກອງບັນຊາການທະຫານເມືອງ ທ່າໂທມ ແລະ ທ່ານ ສັງຄົມ ສູນດາລາ ຮອງເຈົ້າເມືອງ ອະນຸວົງ ຜູ້ຊີ້ນໍາວຽກງານຍຸຕິທໍາ, ມີຫົວໜ້າ-ຮອງຫົວໜ້າຫ້ອງການ ແລະ ພະນັກງານ-ລັດຖະກອນຂອງສອງຫ້ອງການເຂົ້າຮ່ວມ.

ພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ V ປີ 2020 ຢູ່ເມືອງ ທ່າໂທມ ແຂວງ ໄຊສົມບູນ

ໃນຕອນເຊົ້າຂອງວັນທີ່ 26 ພະຈິກ 2020 ຢູ່ທີ່ສະໂມສອນເມືອງ ທ່າໂທມ, ແຂວງ ໄຊສົມບູນ ໄດ້ມີພິທີປິດການຮຽນ-ການສອນ ກົດໝາຍໄລຍະສັ້ນ 45 ວັນ ຂຶ້ນໂດຍການເປັນປະທານຂອງ ທ່ານ ພິມພາ ນິລາວົງ ກຳມະການພັກແຂວງ ເລຂາພັກເມືອງ ເຈົ້າເມືອງ ທ່າໂທມ , ເຂົ້າຮ່ວມຂອງ ທ່ານ ລືຢ່າງ ຫວັງເຢັງ ຮອງຫົວໜ້າພະແນກຍຸຕິທຳແຂວງ. ມີ ທ່ານ ວົງຊິວ ສາຍສະຫວັນ ຄະນະປະຈຳພັກເມືອງ ຫົວໜ້າກອງບັນຊາການທະຫານເມືອງ ຜູ້ຊີ້ນຳວຽກງານຍຸຕິທຳເມືອງ , ມີກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ, ຄະນະຮັບຜິດຊອບ, ຄູ-ອາຈານ ແລະ ນັກຝຶກອົບຮົມເຂົ້າຮ່ວມທັງໝົດ 95 ທ່ານ ຍິງ 23 ທ່ານ.

ຮອງຫົວໜ້າພະແນກຍຸຕິທໍາແຂວງ ໄຊສົມບູນ ລົງຕິດຕາມ, ຊຸກຍູ້ການຮຽນ-ການສອນກົດໝາຍໄລຍະສັ້ນ 45 ວັນ ຢູ່ເມືອງ ທ່າໂທມ

ໃນຕອນເຊົ້າຂອງວັນທີ 19 ຕຸລາ 2020 ທ່ານ ລືຢ່າງ ຫວັງເຢັ່ງ ຮອງຫົວໜ້າພະແນກຍຸຕິທໍາແຂວງ ໄຊສົມບູນ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ຊຸກຍູ້ ວຽກງານການຮຽນ-ການສອນກົດໝາຍໄລຍະສັ້ນ 45 ວັນ ຢູ່ເມືອງ ທ່າໂທມ ໂດຍການຕ້ອນຮັບຂອງ ທ່ານ ບູນຜອງ ຄໍາມີໄຊ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ ພ້ອມດ້ວຍຄະນະ, ພະນັກງານ-ລັດຖະກອນ, ຄູ-ອາຈານ ແລະ ນັກສໍາມະນາກອນກົດໝາຍ 45 ວັນເຂົ້າຮ່ວມຢ່າງພ້ອມພຽງ.

ພະແນກຍຸຕິທໍາແຂວງ ໄຊສົມບູນສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ຂອງອົງຄະນະພັກແຂວງ

ໃນຕອນບ່າຍຂອງວັນທີ 1 ຕຸລາ 2020 ທີ່ຜ່ານມາ ພະແນກຍຸຕິທໍາແຂວງ ໄຊສົມບູນ ໄດ້ສ້າງຂະບວນການອອກແຮງງານລວມ ເພື່ອຂໍ່ານັບຮັບຕ້ອນກອງປະຊຸມໃຫຍ່ຂອງອົງຄະນະພັກແຂວງ ຊຶ່ງນໍາພາໂດຍ ທ່ານ ລືຢ່າງ ຫວັງເຢັງ ຮອງຫົວໜ້າພະແນກຍຸຕິທໍາແຂວງ ໄຊສົມບູນ ພ້ອມດ້ວຍຄະນະ ແລະ ພະນັກງານ-ລັດຖະກອນ ພາຍໃນພະແນກເຂົ້າຮ່ວມ.

ເມືອງ ທ່າໂທມ ເປິດຊຸດຝຶກອົບຮົມກົດໝາຍໄລຍະສັ້ນ 45 ວັນ

ໃນວັນທີ 10 ກັນຍາ 2020 ຢູ່ທີ່ສະໂມສອນ ເມືອງ ທ່າໂທມ ແຂວງ ໄຊສົມບູນ ໄດ້ຈັດພິທີເປີດຊຸດຝືກອົບຮົມກົດໝາຍໄລຍະສັ້ນ 45 ວັນ, ຊຸດທີ V ໃຫ້ແກ່ພະນັກງານ-ລັດຖະກອນຫຼັກແຫຼ່ງຂອງເມືອງ ແລະ ອົງການຈັດຕັ້ງບ້ານ ພາຍໃຕ້ການເປັນປະທານຂອງ ທ່ານ ພີມພາ ນິລາວົງ ກໍາມະການພັກແຂວງ, ເລຂາພັກເມືອງ ເຈົ້າເມືອງ ທ່າໂທມ ເຂົ້າຮ່ວມມີ ທ່ານ ອຸດອນ ສິງດາລາ ຫົວໜ້າພະແນກຍຸຕິາແຂວງ ໄຊສົມບູນ, ມີ ຫົວໜ້າ, ຮອງຫົວໜ້າຫ້ອງການຍຸຕິທໍາເມືອງ ທ່າໂທມ, ພະນັກງານ-ລັດຖະກອນຫ້ອງການຍຸຕິທໍາເມືອງ, ແຂກຖືກເຊີນ, ຄະນະຮັບຜິດຊອບ, ຄູ-ອາຈານ ແລະ ນັກສຳມະນາກອນເຂົ້າຮ່ວມທັງໝົດ 85 ທ່ານ, ຍິງ 12 ທ່ານ.

ພິທີປາຖະກະຖາວັນສ້າງຕັ້ງສານປະຊາຊົນ ແລະ ລັດຖະທໍາມະນູນ ແຫ່ງ ສປປ ລາວ

ໃນຕອນເຊົ້າຂອງວັນທີ່ 5 ສິງຫາ 2020 ຢູ່ທີ່ຫ້ອງການບ້ານ ອອມ ເມືອງ ອະນຸວົງ ແຂວງ ໄຊສົມບູນ ພະແນກຍຸຕິທໍາ ແລະ ສານປະຊາຊົນແຂວງ ໄຊສົມບູນ ໄດ້ຈັດພິທີປາຖະກະຖາ ເນື່ອງໃນໂອກາດສ້າງຕັ້ງສານປະຊາຊົນ ຄົບຮອບ 38 ປີ (15 ສິງຫາ 1982 ຫາ 15 ສິງຫາ 2020) ແລະ ວັນສ້າງຕັ້ງລັດຖະທໍາມະນູນ ຄົບຮອບ 29 ປີ (15 ສິງຫາ 1991 - 15 ສິງຫາ 2020 ) ທີ່ຈະມາເຖິງໃນມໍ່ໆນີ້ ໃຫ້ກຽດເປັນປະທານ ແລະ ປາຖະກະຖາໂດຍ ທ່ານ ຄໍາເພັດ ໄຊຍະຊ້າງ ຮອງປະທານສານປະຊາຊົນແຂວງ ໄຊສົມບູນ ມີເລຂາພັກບ້ານ 3 ບ້ານພ້ອມດ້ວຍຄະນະ, ພະນັກງານກອງກໍ່ສ້າງຮາກຖານປະຈໍາກຸ່ມບ້ານ ແລະ ປະຊາຊົນເຂົ້າຮ່ວມຮັບຟັງທັງໝົດ 63 ທ່ານ, ຍິງ 18 ທ່ານ.

ໜ່ວຍພັກພະແນກຍຸຕິທຳ ແຂວງໄຊສົມບູນສໍາເລັດບັ້ນດຳເນີນຊີວິດການເມືອງ

ໃນຕອນເຊົ້າຂອງວັນທີ 30 ທັນວາ 2019 ທີ່ຜ່ານມາ ໜ່ວຍພັກພະແນກຍຸຕິທໍາແຂວງ ໄຊສົມບູນ ໄດ້ໄຂກອງປະຊຸມບັ້ນດຳເນີນຊີວິດການເມືອງຂຶ້ນ ຢູ່ທີ່ຫ້ອງປະຊຸມສານປະຊາຊົນແຂວງ ໄຊສົມບູນ ໂດຍການເປັນປະທານຂອງ ສະຫາຍ ພົມມາ ແກ້ວບົວພາ ຫົວໜ້າພະແນກພາຍໃນແຂວງ ຮອງຄະນະຮັບຜິດຊອບຕິດຕາມ, ກວດກາ ບັ້ນດໍາເນີນຊີວິດການເມືອງ ກຸ່ມປົກປ້ອງກົດໝາຍ, ມີຄະນະຕິດຕາມກວດກາ ການປະເມີນຂັ້ນແຂວງ ແລະ ສະມາຊິກພັກສົມບູນ-ສຳຮອງຂອງພະແນກຍຸຕິທຳເຂົ້າຮ່ວມ.

ຄະນະພະແນກຍຸຕິທຳ ແຂວງໄຊສົມບູນ ສໍາເລັດການປະເມີນຜົນການຈັດຕັ້ງປະຕິບັດວຽກງານ ປະຈຳປີ 2019

ໃນຕອນເຊົ້າຂອງວັນທີ 11 ທັນວາ 2019 ທີ່ຜ່ານມາ ຄະນະພະແນກຍຸຕິທໍາ ແຂວງໄຊສົມບູນ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດວຽກງານ ປີ 2019 ຂຶ້ນ ຢູ່ທີ່ຫ້ອງປະຊຸມພະແນກຍຸຕິທຳແຂວງ ໂດຍການເປັນປະທານຂອງ ທ່ານ ພົມມາ ແກ້ວບົວພາ ຫົວໜ້າພະແນກພາຍໃນແຂວງ ມີຄະນະກໍາມະການປະເມີນຂັ້ນແຂວງ, ຫົວໜ້າພະແນກ, ຄະນະພະແນກ ແລະ ບັນດາຫົວໜ້າຂະແໜງການພາຍໃນພະແນກຍຸຕິທຳເຂົ້າຮ່ວມທັງໝົດ 9 ທ່ານ, ຍິງ 1 ທ່ານ.

Pages