Submitted by webmaster on
ກະຊວງຍຸຕິທຳ ໄດ້ຈັດຕັ້ງເຜີຍແຜ່ຜົນສຳເລັດກອງປະຊຸມໃຫຍ່ຄັ້ງທີ X ຂອງພັກປະຊາຊົນ ປະຕິວັດລາວ ຂຶ້ນໃນວັນທີ 25 ມັງກອນ 2016 ນີ້ ທີ່ສະໂມສອນໃຫຍ່ກະຊວງດັ່ງກ່າວ ໂດຍການເປັນປະທານຂອງ ສະຫາຍ ບຸນເກີດ ສັງສົມສັກ ເລຂາຄະນະພັກ, ລັດຖະມົນຕີວ່າການກະຊວງຍຸຕິທຳ, ມີຮອງເລຂາຄະນະພັກ, ບັນດາຄະນະປະຈຳພັກ, ຄະນະພັກ, ເລຂາ, ຮອງເລຂາໜ່ວຍພັກ, ສະມາຊິກພັກ, ພະນັກງານລັດຖະກອນເຂົ້າຮ່ວມຮັບຟັງ ຈຳ ນວນ 200 ສະຫາຍ.
ການເຜີຍແຜ່ຄັ້ງນີ້ ບັນດາຜູ່ເຂົ້າຮ່ວມໄດ້ຮັບຟັງການເຜີຍແຜ່ບົດລາຍງານການເມືອງ, ກົດລະບຽບພັກ, ເຜີຍແຜ່ແຜນພັດທະນາເສດຖະກິດ-ສັງຄົມຄັ້ງທີ VIII, ເຜີຍແຜ່ຜົນການເລືອກຕັ້ງຄະນະບໍລິຫານງານສູນກາງພັກ ຊຶ່ງກອງປະຊຸມໄດ້ເປັນເອກະພາບກັນໃນລະດັບສູງເລືອກເອົາຄະນະບໍລິຫານງານພັກສົມບູນສະໄໝທີ X ຈຳນວນ 69 ສະຫາຍ, ກຳມະການສຳຮອງສູນກາງພັກ 8 ສະຫາຍ, ກົມການເມືອງ 11 ສະຫາຍ ແລະ ຄະນະເລຂາທີການສູນກາງພັກ 9 ສະຫາຍ ແລະ ໄດ້ເອກະສັນເລືອກຕັ້ງເອົາ ສະຫາຍ ບຸນຍັງ ວໍລະຈິດ ເປັນເລຂາທີການໃຫຍ່ຄະນະບໍລິຫານງານສູນກາງພັກ.
ການຈັດຕັ້ງເຜີຍແຜ່ຜົນສຳເລັດຂອງກອງປະຊຸມໃຫຍ່ ຄັ້ງທີ X ຂອງພັກນຄັ້ງນີ້ ເພື່ອແນ່ໃສ່ເຮັດໃຫ້ບັນດາສະມາຊິກພັກ ແລະ ພະນັກງານລັດຖະກອນໃນຂົງເຂດຍຸຕິທຳໄດ້ຮັບຮູ້ ແລະ ນຳເອົາເນື້ອໃນຈິດໃຈກໍຄືຜົນສຳເລັດຂອງກອງປະຊຸມໃຫຍ່ຄັ້ງທີ X ຂອງພັກໄປຈັດຕັ້ງຜັນຂະຫຍາຍໃນຂົງເຂດທີ່ຕົນຮັບຜິດຊອບໃຫ້ປະກົດຜົນເປັນຈິງ.
ໃນຕອນທ້າຍຂອງກອງປະຊຸມທ່ານລັດຖະມົນຕີວ່າການກະຊວງຍຸຕິທຳ ກໍໄດ້ເນັ່ນໜັກບາງບັນຫາທີພະນັກງານສະ ມາຊິກພັກໃນຂະແໜງຍຸຕິທຳ ຈະຕ້ອງໄດ້ເອົາໃຈໃສ່ສືບຕໍ່ແກ້ໄຂຂໍ້ຄົງຄ້າງໃນໄລຍະຜ່ານມາເປັນຕົ້ນວຽກງານໂຄສະນອົບຮົມກົດໝາຍ, ວຽກງານປະຕິບັດຄຳຕັດສິນຂອງສານໃຫ້ມີປະສິດຕິພາບ ແລະ ປະສິດທິຜົນສູງຂຶ້ນ.