ກອງປະຊຸມໃຫຍ່ຄັ້ງທີ IV ຂອງຄະນະພັກຮາກຖານ ພະແນກຍຸຕິທໍາແຂວງ ບໍລິຄໍາໄຊ ໄດ້ຈັດຂຶ້ນໃນວັນທີ 29 ມັງກອນ 2020 ທີ່ຜ່ານມາ ໂດຍພາຍໃຕ້ການເປັນ ປະທານຂອງ ສະຫາຍ ຄໍາຜັນ ສິດໄຊຍະສານ ເລຂາໜ່ວຍພັກຮາກຖານພະແນກຍຸຕິທຳແຂວງ ບໍລິຄໍາໄຊ ແລະ ເປັນກຽດເຂົ້າຮ່ວມ ຂອງສະຫາຍ ແດນປີ ມູນທະດີ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ ບໍລິຄຳໄຊ ມີຜູ້ແທນສົມບູນ 24 ສະຫາຍ, ຍິງ 9 ສະຫາຍ ພ້ອມດ້ວຍແຂກຖືກເຊີນຈາກ ຄະນະພັກຮາກຖານອ້ອມຂ້າງແຂວງເຂົ້າຮ່ວມ.

ໃນວັນທີ 13 ກັນຍາ 2019 ຜ່ານມານີ້ ຢູ່ທີ່ໂຮງແຮມວິໄລສັກ ແຂວງ ບໍລິຄຳໄຊ ກົມສົ່ງເສີມລະບົົບຍຸຕິທໍາ ກະຊວງຍຸຕິທໍາ ໄດ້ຈັດພິທີ ເຜີຍແຜ່ດໍາລັດວ່າດ້ວຍການຊ່ວຍເຫຼືອທາງດ້ານກົດໝາຍ ແລະ ການປະກາດການຈັດຕັ້ງໃຫ້ການຊ່ວຍເຫຼືຶອທາງດ້ານກົດໝາຍ ໂດຍພາຍໃຕ້ການເປັນປະທານຂອງ ທ່ານ ບຸນສະຫວາດ ບຸບຜາ ຮອງລັດຖະມົນຕີ ກະຊວງຍຸຕິທຳ ໃຫ້ກຽດເຂົ້າຮ່ວມໂດຍທ່ານ ບຸນມາ ບຸຈະເລີນ ຮອງເຈົ້າແຂວງ ບໍລິຄຳໄຊ ມີຫົວໜ້າພະແນກການ, ພະນັກງານຫ້ອງການຍຸຕິທຳເມືອງ 7 ເມືອງ ແລະ ນາຍບ້ານພ້ອມດ້ວຍ ຄະນະໄກ່ເກ່ຍຂໍ້ຂັດແຍ່ງຂັ້ນບ້ານ ຈຳນວນ 5 ບ້ານເຂົ້າຮ່ວມ.